ქალაქ მცხეთაში მდებარე ქორწინების სახლის საპროექტო მომსახურების, სამშენებლო სამუშაოების, ავეჯის, ტექნიკისა და შენობის ფუნქციონირებისათვის საჭირო გაყვანილობების, მოწყობილობებისა და აღჭურვილობების სახელმწიფო შესყიდვის შესახებ

საქართველოს მთავრობის

განკარგულება №2378

2011 წლის 8 დეკემბერი

ქ. თბილისი

ქალაქ მცხეთაში მდებარე ქორწინების სახლის საპროექტო მომსახურების, სამშენებლო სამუშაოების, ავეჯის, ტექნიკისა და შენობის ფუნქციონირებისათვის საჭირო გაყვანილობების, მოწყობილობებისა და აღჭურვილობების სახელმწიფო შესყიდვის შესახებ

„საჯარო სამართლის იურიდიული პირის შესახებ“ საქართველოს კანონის მე‑13 მუხლის მე‑2 პუნქტისა და „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად:

1. ქალაქ მცხეთაში მდებარე ქორწინების სახლის სამშენებლო‑სარემონტო სამუშაოების დაწყების მიზნით სამშენებლო სამუშაოების წარმოებისათვის საჭირო საპროექტო მომსახურების, დიზაინერული პროექტის, სამშენებლო‑სარემონტო სამუშაოების, შენობის შიდა და გარე მოსაპირკეთებელი სამუშაოების, შენობაში განსათავსებელი ავეჯის, ტექნიკისა და შენობის ფუნქციონირებისათვის საჭირო გაყვანილობების, მოწყობილობებისა და აღჭურვილობების სახელმწიფო შესყიდვის შესაბამისი ფინანსური რესურსების მობილიზება უზრუნველყოს საქართველოს იუსტიციის სამინისტროს მმართველობის სფეროში შემავალმა სსიპ – სამოქალაქო რეესტრის სააგენტომ.

2. საქართველოს იუსტიციის სამინისტროს მმართველობის სფეროში შემავალმა სსიპ – სამოქალაქო რეესტრის სააგენტომ:

ა) პირველი პუნქტით გათვალისწინებული ფინანსური რესურსების მობილიზება უზრუნველყოს მომსახურების საფასურიდან მიღებული შემოსავლებიდან, მისთვის კანონმდებლობით დაკისრებული მიზნებისა და ფუნქციების განხორციელების შეუფერხებლად;

ბ) ქ. მცხეთაში მდებარე ქორწინების სახლის სამშენებლო‑სარემონტო სამუშაოების დაწყების მიზნით სამშენებლო სამუშაოების წარმოებისათვის საჭირო საპროექტო მომსახურების, დიზაინერული პროექტის, სამშენებლო‑სარემონტო სამუშაოების, შენობის შიდა და გარე მოსაპირკეთებელი სამუშაოების, შენობაში განსათავსებელი ავეჯის, ტექნიკისა და შენობის ფუნქციონირებისათვის საჭირო გაყვანილობების, მოწყობილობებისა და აღჭურვილობების სახელმწიფო შესყიდვა განახორციელოს გამარტივებული შესყიდვის საშუალებით.

პრემიერ-მინისტრი                                         ნ. გილაური