შპს „სახელმწიფო მომსახურების ბიუროს“ მიერ განსახორციელებელ ღონისძიებათა შესახებ

საქართველოს მთავრობის

განკარგულება №2398

2011 წლის 8 დეკემბერი

ქ. თბილისი

შპს „სახელმწიფო მომსახურების ბიუროს“ მიერ განსახორციელებელ ღონისძიებათა შესახებ

1. შპს „სახელმწიფო მომსახურების ბიურომ“ ქ. ქუთაისში საქართველოს პარლამენტის სამშენებლო სამუშაოების შესყიდვასთან დაკავშირებით გაფორმებული ხელშეკრულების ფარგლებში განახორციელოს სახელშეკრულებო ღირებულების ცვლილებები, „სახელმწიფო შესყიდვების შესახებ“ საქართველოს კანონის 21-ე მუხლის მე-5 პუნქტისა და საქართველოს სამოქალაქო კოდექსის 398-ე მუხლის საფუძველზე.

2. „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-19 მუხლის მე-12 პუნქტის გათვალისწინებით, ქ. ქუთაისში საქართველოს პარლამენტის სამშენებლო სამუშაოების შესყიდვასთან დაკავშირებით გაფორმებული ხელშეკრულების მიმართ არ გავრცელდეს აღნიშნული წესის მე-20 მუხლის მე-3 პუნქტით დადგენილი შეზღუდვები.

პრემიერ-მინისტრი                                                                   ნ. გილაური