აბრამ ჩანჩალაშვილის საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №1547

2014 წლის 8 სექტემბერი

 ქ. თბილისი

აბრამ ჩანჩალაშვილის საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი და მე-2 პუნქტების შესაბამისად, გაუქმდეს „სს „საქპრესა“-ს სახელმწიფო საკუთრებაში არსებული აქციების (75%, 165700 ცალი ჩვეულებრივი აქცია) კომერციული კონკურსის ფორმით 50% ფასდაკლებით პრივატიზების შესახებ“ სახელმწიფო ქონების მართვის სამინისტროს 2003 წლის 27 მარტის №1-3/242 ბრძანების მე-3 პუნქტით გათვალისწინებული საპრივატიზებო პირობები (გარდა, მყიდველის მიერ საბოლოო გასაყიდი ფასის ხელშეკრულების გაფორმებიდან 1 წლის განმავლობაში თანაბარპროპორციულად, თვეების მიხედვით, გადახდის ვალდებულების შესრულებისა), იმ პირობით, რომ ფ/პ აბრამ ჩანჩალაშვილი, ამ განკარგულების გამოცემიდან 1 (ერთი) თვის ვადაში, უზრუნველყოფს სახელმწიფო ბიუჯეტის სასარგებლოდ 1 000 (ერთი ათასი) აშშ დოლარის ეკვივალენტი ლარის გადახდას.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, ფ/პ აბრამ ჩანჩალაშვილი გათავისუფლდეს ამ განკარგულების პირველი პუნქტის საფუძველზე, შესაბამისი ცვლილების ხელშეკრულების გაფორმებამდე, საქართველოს ეკონომიკის, მრეწველობისა და ვაჭრობის სამინისტროს (უფლებამონაცვლე – სსიპ – სახელმწიფო ქონების ეროვნული სააგენტო) და ფ/პ აბრამ ჩანჩალაშვილს შორის 2003 წლის 27 ოქტომბერს გაფორმებული ნასყიდობის ხელშეკრულების მე-4 მუხლის შესაბამისად დაკისრებული/დასაკისრებელი პირგასამტეხლოსაგან, იმ პირობით, რომ იგი შეასრულებს ამ განკარგულების პირველი პუნქტით გათვალისწინებულ პირობას.

3. საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 

პრემიერ-მინისტრი                                               ირაკლი ღარიბაშვილი