1. მოსამსახურეთა განათლებისა და კვალიფიკაციის ამაღლების მიზნით სამსახური საქართველოს კანონმდებლობით დადგენილი წესით უზრუნველყოფს მოსამსახურის მიერ შესაბამისი სპეციალური პროფესიული საგანმანათლებლო პროგრამის და პროფესიული მომზადების გავლას, რომელშიც ასევე შედის სპეციალური მომზადება-გადამზადება და სამსახურის გავლის სხვადასხვა ეტაპზე მოსამსახურის პერიოდული შემოწმება.
2. მოსამსახურეთა საგანმანათლებლო პროგრამები, კვალიფიკაციის ამაღლება და პროფესიული მომზადება ხორციელდება:
ა) საქართველოს შინაგან საქმეთა სამინისტროს (შემდგომში –
სამინისტრო) მმართველობის სფეროში მოქმედ სსიპ – საქართველოს შინაგან საქმეთა სამინისტროს სამინისტროს აკადემიაში (შემდგომში – აკადემია);
ბ) სამსახურის სპეციალური ოპერაციების დეპარტამენტის ტაქტიკური მომზადებისა და გადამზადების სამმართველოში;
გ) სამინისტროს სხვა დანაყოფებში, ასევე სხვა საგანმანათლებლო დაწესებულებაში, რომელთანაც სამსახურს შეიძლება გაფორმებული ჰქონდეს შესაბამისი ხელშეკრულება.
3. ცეცხლსასროლი იარაღისა და სპეციალური საშუალებების გამოყენებისათვის მოსამსახურეთა სავალდებულო სპეციალურ მომზადებას ახორციელებს აკადემია, სამსახურის სპეციალური ოპერაციების დეპარტამენტი და სხვა შესაბამისი დანაყოფი, მოსამსახურეთათვის სპეციალური მომზადების გავლის დამადასტურებელი სათანადო დოკუმენტის გაცემით.
4. შესაბამისი საგანმანათლებლო პროგრამისა და მომზადება/გადამზადების გასავლელად მოსამსახურეთა სამინისტროში გაგზავნის წესი განისაზღვრება სამსახურის უფროსის ბრძანებით.
სამსახურში მიღე