შპს „საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ

საქართველოს მთავრობის

განკარგულება №2147

2015 წლის 6 ოქტომბერი

 ქ. თბილისი

შპს „საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ

1. „ქალაქ წყალტუბოს წყალმომარაგების სისტემების რეაბილიტაციის მიზნით ზოგიერთი ღონისძიების განხორციელების თაობაზე“ საქართველოს მთავრობის 2011 წლის 21 დეკემბრის №2522, „ქალაქ ფოთში სასმელი წყლის სისტემის რეაბილიტაციის მიზნით ზოგიერთი ღონისძიების განხორციელების თაობაზე“ საქართველოს მთავრობის 2011 წლის 21 დეკემბრის №2523, „საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2011 წლის 27 დეკემბრის №2549, „საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროსათვის თანხის გამოყოფის თაობაზე“ საქართველოს მთავრობის 2014 წლის 4 აპრილის №599, „საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროსთვის თანხის გამოყოფის თაობაზე“ საქართველოს მთავრობის 2014 წლის 23 აპრილის №712, „შპს „საქართველოს გაერთიანებული წყალმომარაგების კომპანიის“ მიერ საქართველოს მთავრობის ზოგიერთი განკარგულებით გამოყოფილი თანხებისა და შპს „საქართველოს გაერთიანებული წყალმომარაგების კომპანიის“ საკუთარი სახსრების ფარგლებში წარმოქმნილი ეკონომიის გამოყენების თაობაზე“ საქართველოს მთავრობის 2013 წლის 26 აგვისტოს №1124, „შპს „საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ“ საქართველოს მთავრობის 2014 წლის 28 ნოემბრის №2134 და „საქართველოს რეგიონებში ზოგიერთ ღონისძიებათა განხორციელების თაობაზე“ საქართველოს მთავრობის 2012 წლის 24 მაისის №972 განკარგულებებით გამოყოფილი თანხების ფარგლებში წარმოქმნილი ეკონომია, შპს „საქართველოს გაერთიანებული წყალმომარაგების კომპანიამ“ მიმართოს საქართველოს სხვადასხვა რეგიონების წყალმომარაგების გაუმჯობესების ღონისძიებების დასაფინანსებლად, კერძოდ, განახორციელოს:

ა) დედოფლისწყაროს მუნიციპალიტეტში, ქ. დედოფლისწყაროში ე.წ. „ნიკორციხის“ ხევიდან 315 გრძივი მეტრი ჰორიზონტალური დრენაჟის მოწყობის, სანიტარიული ზონის შემოღობვის და ნიაღვარამრიდი ღარების მოწყობის პირველი ეტაპის სამუშაოები;

ბ) ასპინძის მუნიციპალიტეტში, ხანდოს წყაროდან დაბა ასპინძის რეზერვუარისკენ მიმავალი წყალდენის რეაბილიტაციის სამუშაოები.

2. „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის საფუძველზე, შპს „საქართველოს გაერთიანებული წყალმომარაგების კომპანიამ“ უზრუნველყოს ამ განკარგულების პირველი პუნქტით გათვალისწინებული სამუშაოების სახელმწიფო შესყიდვა, გამარტივებული ელექტრონული ტენდერის მეშვეობით.

3. შპს „საქართველოს გაერთიანებული წყალმომარაგების კომპანიამ“ უზრუნველყოს საქართველოს რეგიონული განვითარებისა და ინფრასტრუქტურის სამინისტროსთვის (შემდგომში – სამინისტრო) ინფორმაციის მიწოდება ამ განკარგულების პირველი პუნქტით გათვალისწინებული ეკონომიის თანხის ხარჯვის შესახებ ან სამინისტროს მოთხოვნის შესაბამისად.

 

პრემიერ-მინისტრი                               ირაკლი ღარიბაშვილი