„გურჯაანის მუნიციპალიტეტის მოსახლეობის 2016 წლის სოციალური დახმარების პროგრამისა და მისი ბიუჯეტის დამტკიცების შესახებ“ გურჯაანის მუნიციპალიტეტის საკრებულოს 2016 წლის 4 იანვრის №2 დადგენილებაში ცვლილებების შეტანის თაობაზე

1. დანართ №1-ში „გურჯაანის მუნიციპალიტეტის მოსახლეობის მინიმალური სოციალური დახმარების 2016 წლის  პროგრამა“:

ა. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. მოქალაქეთა სამედიცინო მომსახურების თანადაფინანსება გაიცემა, თუ საჭიროა სასწრაფო სამედიცინო დახმარება, კვლევა, მკურნალობა, ოპერაცია. სამედიცინო თანადაფინანსება მოხდება 200 ლარზე ნაკლები ანგარიშფაქტურის წარმოდგენისას იმ შემთხვევაში, თუ ოჯახი დარეგისტრირებულია სიღატაკის დაძლევის სახელმწიფო პროგრამის ერთიან ბაზაში და სარეიტინგო ქულა 0-დან 120000-მდეა.“ 200 ლარზე მეტი ანგარიშფაქტურის წარმოდგენისას კი - თუ ოჯახი დარეგისტრირებულია სიღატაკის დაძლევის სახელმწიფო პროგრამის ერთიან ბაზაში და სარეიტინგო ქულა 0-დან 160000-მდეა.“;

ბ. მე-4 მუხლის მე-13 პუნქტი ჩამოყალიბდეს შემდეგი რედაქციით:

„13. შეზღუდული შესაძლებლობის სტატუსის მქონე 18 წლამდე ასაკის ბავშვთა ოჯახების მიერ მოხმარებული ელექტროენერგიის გადასახადის და დაუნის სინდრომის დიაგნოზის მქონე 18 წლამდე ასაკის ბავშვთათვის, რომელთაც აღენიშნებათ მეტყველების განვითარების შეფერხება და ესაჭიროებათ მეტყველების თერაპია, ლოგოპედის ყოველთვიური მომსახურების დაფინანსება.“;

გ. მე-4 მუხლის მე-19 პუნქტი ჩამოყალიბდეს შემდეგი რედაქციით:

„19. ამ მუხლის მე-5 და მე-6 პუნქტებით გათვალისწინებული შეზღუდვები არ ვრცელდება ონკოლოგიურ ავადმყოფებზე, დაუნის სინდრომის დიაგნოზის მქონე პირებზე და მრავალშვილიან ოჯხებზე, აგრეთვე არ ვრცელდება გადაუდებელი აუცილებლობისას, თუკი საფრთხე ექმნება ადამიანის სიცოცხლეს ან/და ჯანმრთელობას და არსებობს შესაბამის ადმინისტრაციულ ერთეულში გამგებლის წარმომადგენლის ან/და შესაბამის მაჟორიტარულ ოქლში არჩეული გურჯაანის მუნიციპალიტეტის საკრებულოს წევრის დასაბუთებული შუამდგომლობა, ასეთ პირებზე დახმარება გაიცემა მიუხედავად იმისა, რეგისტრირებულია თუ არა ოჯახი სიღატაკის დაძლევის სახელმწიფო პროგრამის ერთიან ბაზაში.“;

გ. მე-4 მუხლს დაემატოს შემდეგ შინაარსის მე-20 პუნქტი:

,,20.  სოციალურად დაუცველი და ობოლი სტუდენტების უმაღლეს სასწავლებელში სწავლის გადასახადის თანადაფინანსება თუ ოჯახი დარეგისტრირებულია სიღატაკის დაძლევის სახელმწიფო პროგრამის ერთიან ბაზაში და სარეიტინგო ქულა 0-დან 65 000-მდეა;

დ. მე-9 მუხლს დაემატოს შემდეგ შინაარსის მე-11 და მე-12 პუნქტები:

„11. დაუნის სინდრომის დიაგნოზის მქონე 18 წლამდე ასაკის ბავშვთათვის, რომელთაც აღენიშნებათ მეტყველების განვითარების შეფერხება და ესაჭიროებათ მეტყველების თერაპია:

ა) განცხადება;

ბ) განმცხადებლის (მშობლის, მეურვის, სრულწლოვანი და-ძმის) პირადობის მოწმობის ასლი;

გ) ბავშვის დაბადების მოწმობის ასლი;

დ) შეზღუდული შესაძლებლობის მდგომარეობის დამადასტურებელი სამედიცინო ცნობა;“

ე)  ანგარიშფაქტურა.

12. სოციალურად დაუცველი  და ობოლი სტუდენტების  უმაღლეს სასწავლებელში სწავლის გადასახადის თანადაფინანსებისთვის:

ა) განცხადება;

ბ) განმცხადებლის  (სტუდენტის) პირადობის მოწმობის ასლი;

გ) სტუდენტის მოწმობა;

დ) მშობლის გარდაცვალების მოწმობის ასლი;

ე) ამონაწერი სოციალურად დაუცველი ოჯახების მონაცემთა ერთიანი ბაზიდან;

ვ) შესაბამისი უმაღლეს სასწავლებლის ანგარიშის ნომერი;

ზ) ცნობა სწავლის ღირებულების გადაუხდელი თანხის შესახებ;

თ) დაბადების მოწმობის ასლი.“;

ე. მე-10 მუხლს დაემატოს შემდეგი შინაარსის მე-15 და მე-16 პუნქტი:

„15. დაუნის სინდრომის დიაგნოზის მქონე 18 წლამდე ასაკის ბავშვთათვის, რომელთაც აღენიშნებათ მეტყველების განვითარების შეფერხება და ესაჭიროებათ მეტყველების თერაპია, ლოგოპედის მომსახურებისათვის გაიცემა თვეში 60-დან 150 ლარამდე,  საჭიროების გათვალისწინებით.

16. სოციალურად დაუცველი და ობოლი სტუდენტების უმაღლეს სასწავლებელში სწავლის გადასახადის თანადაფინანსება-500 ლარის ოდენობით.“.

2. დანართ №2-ში „გურჯაანის მუნიციპალიტეტის მოსახლეობის 2016 წლის მინიმალური სოციალური დახმარების ბიუჯეტი და რეალიზაციის ვადა“  დაემატოს შემდეგი შინაარსის მე-10 სვეტი:  

                                                                                                                                                                     “.