რეგისტრირებული კოოპერატივის საკრედიტო კავშირის „განთიადი“ ლიცენზიის გაუქმების შესახებ

საქართველოს ეროვნული ბანკიs ვიცე-პრეზიდენტის

განკარგულება №430

2016 წლის 13 ივლისი

ქ. თბილისი

რეგისტრირებული კოოპერატივის – საკრედიტო კავშირის „განთიადი“ ლიცენზიის გაუქმების შესახებ

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, ამავე კანონის 49-ე მუხლის პირველი პუნქტის „ა“ და „ე“ ქვეპუნქტების და მე-2 პუნქტის, საქართველოს ზოგადი ადმინისტრაციული კოდექსის 61-ე მუხლის, „არასაბანკო სადეპოზიტო დაწესებულებების–საკრედიტო კავშირების შესახებ“ საქართველოს კანონის 25-ე მუხლის „ა“ ქვეპუნქტის, ამავე კანონის 29-ე მუხლის, „ლიცენზიებისა და ნებართვების შესახებ“ საქართველოს კანონის მე-13 მუხლის „ა“ ქვეპუნქტისს და საქართველოს ეროვნული ბანკის პრეზიდენტის 2013 წლის 27 ივნისის  №66/04 ბრძანების საფუძველზე:

1.  ძალადაკარგულად გამოცხადდეს საქართველოს საფინანსო ზედამხედველობის სააგენტოს უფროსის 2008 წლის 19 სექტემბრის №434 განკარგულება და  რკ საკრედიტო კავშირს „განთიადი“ (საიდენტიფიკაციო კოდი №237081475) გაუუქმდეს არასაბანკო სადეპოზიტო-საკრედიტო საქმიანობის ლიცენზია;

2.  რკ  საკრედიტო კავშირის „განთიადი“ ლიკვიდატორად დაინიშნოს ლალი ბოლქვაძე (პირადი ნომერი 33001038948);

 3. ლიკვიდატორი ვალდებულია იხელმძღვანელოს „არასაბანკო სადეპოზიტო დაწესებულებების – საკრედიტო კავშირების გადახდისუუნაროდ და გაკოტრებულად გამოცხადების წესის დამტკიცების თაობაზე“ საქართველოს ეროვნული ბანკის პრეზიდენტის 2002 წლის 16 ოქტომბრის №266 ბრძანებით დამტკიცებული  წესის მე-11 და მე-12 მუხლების დებულებებით;

4. აღნიშნული განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი, მე-12 კმ. №6), მისი ოფიციალურად გაცნობიდან ერთი თვის ვადაში;

5.    ეს განკარგულება 10 დღის ვადაში გამოქვეყნდეს „საქართველოს საკანონმდებლო მაცნეში“;

6. განკარგულება ამოქმედდეს მხარისათვის გაცნობისთანავე.

 

ოთარ ნადარაია