შპს „სპეცინჟმშენის“ ხე-ტყით უზრუნველსაყოფად გასატარებელი ღონისძიებების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1812
2016 წლის 9 სექტემბერი
ქ. თბილისი
შპს „სპეცინჟმშენის“ ხე-ტყით უზრუნველსაყოფად გასატარებელი ღონისძიებების შესახებ
1. საქართველოს ტყის კოდექსის მე-5 მუხლის „ჩ“ ქვეპუნქტის შესაბამისად, ახმეტის მუნიციპალიტეტის სოფელ დართლოში რეკრეაციულ-ტურისტული და კულტურული მნიშვნელობის პროექტის – „დართლოს საცხოვრებელი სახლების რეაბილიტაციის პროექტის“ დროულად და შეუფერხებლად განხორციელების მიზნით, შპს „სპეცინჟმშენის“ (ს/კ: №206262578) ხე-ტყით უზრუნველსაყოფად, ახმეტის მუნიციპალიტეტმა განახორციელოს თუშეთის დაცული ლანდშაფტის ტერიტორიის №19 კვარტალში 70 (სამოცდაათი) მ3 (ფიჭვის მრგვალი მორი (დიამეტრი 16, 20, 25)) ხე-ტყის მოცულობის ტყეკაფების გამოყოფა.
2. ახმეტის მუნიციპალიტეტმა ამ განკარგულების პირველი პუნქტით გათვალისწინებული ხე-ტყის გაცემა უზრუნველყოს „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული ტყითსარგებლობის წესის შესაბამისად.
პრემიერ-მინისტრი გიორგი კვირიკაშვილი