მზღვეველის საზედამხედველო კაპიტალის ოდენობის გაანგარიშების წესის დამტკიცების თაობაზე

მზღვეველის საზედამხედველო კაპიტალის ოდენობის გაანგარიშების წესი

მუხლი 1. ზოგადი დებულებები

1. ეს წესი შემუშავებულია „დაზღვევის შესახებ“ საქართველოს კანონის მე-13 მუხლის 15 პუნქტის, მე-14 მუხლის 1-ლი პუნქტის “ვ” ქვეპუნქტის, ამავე კანონის მე-16 მუხლის 1-ლი პუნქტის და 21-ე მუხლის „ე“ ქვეპუნქტის, 2016 წლის 8 ივნისის „დაზღვევის შესახებ საქართველოს კანონში ცვლილების შეტანის თაობაზე” საქართველოს კანონის მე-2 მუხლის მე-2 პუნქტისა და ამავე კანონის მე-3 მუხლის მე-2 პუნქტის შესაბამისად და ადგენს სადაზღვევო საქმიანობის განხორციელებისას მზღვეველის საზედამხედველო კაპიტალის ოდენობის გაანგარიშების (გამოთვლის) წესს, მასში შემავალ კომპონენტებს გაანგარიშებისთვის აუცილებელი დაქვითვის (შემცირების) კომპონენტების გათვალისწინებით.

2. საზედამხედველო კაპიტალი წარმოადგენს მზღვეველის ფინანსური სიმყარის უზრუნველყოფის საფუძველს, მოსალოდნელი თუ მოულოდნელი რისკებისაგან დაცვის მექანიზმს.

3. მზღვეველის საზედამხედველო კაპიტალის ოდენობა სადაზღვევო საქმიანობის განხორციელების ყველა ეტაპზე უნდა აღემატებოდეს მზღვეველის გაანგარიშებით მიღებული გადახდისუნარიანობის მარჟის ოდენობას.

4. მზღვეველის საზედამხედველო კაპიტალის ოდენობა სადაზღვევო საქმიანობის განხორციელების ყველა ეტაპზე უნდა აღემატებოდეს საქართველოს დაზღვევის სახელმწიფო ზედამხედველობის სამსახურის უფროსის 2015 წლის 20 აპრილის №04 ბრძანებით ,,საქართველოს ტერიტორიაზე სადაზღვევო საქმიანობის განხორციელების ყველა ეტაპზე კაპიტალის მინიმალური ოდენობის განსაზღვრის წესის დამტკიცების შესახებ” განსაზღვრულ კაპიტალის მინიმალურ ოდენობას.

5. მზღვეველი ვალდებულია სადაზღვევო საქმიანობის განხორციელების ყველა ეტაპზე აკმაყოფილებდეს ამ წესით დადგენილ მოთხოვნებს.

მუხლი 2. საზედამხედველო კაპიტალის ოდენობის გაანგარიშებისას გამოყენებული ცნებების განმარტება

საზედამხედველო კაპიტალის ოდენობის გაანგარიშების (გამოთვლის) დროს გამოიყენება „მზღვეველის ფინანსური ანგარიშგების ფორმებისა და მათი საქართველოს დაზღვევის სახელმწიფო ზედამხედველობის სამსახურისათვის წარდგენის წესის დამტკიცების თაობაზე“ საქართველოს დაზღვევის სახელმწიფო ზედამხედველობის სამსახურის უფროსის 2013 წლის 24 დეკემბრის №02 ბრძანების პრინციპები და განმარტებები.

მუხლი 3. საზედამხედველო კაპიტალის ოდენობის გაანგარიშება

ამ წესის მიზნებისთვის საზედამხედველო კაპიტალის ოდენობა გაანგარიშდება შემდეგნაირად:

მზღვეველის საკუთარი კაპიტალი (სააქციო კაპიტალს დამატებული საემისიო კაპიტალი, გამოკლებული გამოსყიდული აქციები, დამატებული აკუმულირებული მოგება/(ზარალი), დამატებული „პერიოდის წმინდა მოგება/(ზარალი)“, დამატებული „ფასს-ის მიხედვით კაპიტალში აღსარიცხი ყველა სახის რეზერვი“) მცირდება შემდეგი კომპონენტების გათვალისწინებით:

ა) გუდვილი და სხვა არამატერიალური აქტივების (წმინდა) 100%-ით;

ბ) ინვესტიციებით მეკავშირე კომპანიებში (მონაწილეობა კაპიტალში და გაცემული სესხები) –20%-ით 31.12.2017-მდე, –50%-ით 31.12.2017-დან 31.12.2018-მდე, –100%-ით 31.12.2018-დან;

გ) ინვესტიციებით შვილობილ კომპანიებში (მონაწილეობა კაპიტალში და გაცემული სესხები) – 20%-ით 31.12.2017-მდე, 50%-ით 31.12.2017-დან 31.12.2018-მდე), 100%-ით 31.12.2018-დან;

დ) აქციები, რომელთა მიმოქცევა ხორციელდება ორგანიზებული ბაზრის გარეთ;

ე) გაცემული არაუზრუნველყოფილი სესხების 100%-ით;

ვ)აქტივების იმ ოდენობით, რომელიც კომპანიის მიერ გამოყენებულია ვალდებულებების უზრუნველყოფის საშუალებად და ასახული არ არის მზღვეველის ფინანსური ანგარიშგების ვალდებულებების ნაწილში (შეზღუდული თანხის 100%);

ზ) გადავადებული საკომისიო ხარჯის 100%-ით;

თ) გადავადებული საგადასახადო აქტივის 100%-ით;

ი) გასაყიდად არსებული ფინანსური აქტივების 10%-ით;

კ) დაფარვის ვადამდე მფლობელობაში არსებული ფინანსური აქტივების 10%-ით;

ლ) რეალური ღირებულებით აღრიცხული ფინანსური აქტივები, მოგებაში ან ზარალში ასახვით 10%-ით;

მ) მოთხოვნები გადარჩენილი ქონებიდან 100%-ით;

ნ) 100 000 ლარს ზემოთ ოდენობის ნაღდი ფული სალაროში 100%-ით;

ო) საინვესტიციო ქონების 30%-ით;

პ) სხვა აქტივები 100%-ით:

პ.ა) მიწოდებიდან და მომსახურებიდან წარმოქმნილი მოთხოვნებით;

პ.ბ) გადახდილი ავანსებით[1];

პ.გ) საწარმოო პერსონალის მიმართ მოთხოვნებით;

პ.დ) დამფუძნებლების მიმართ მოთხოვნებით;

პ.ე) მარაგებით;

პ.ვ) სხვა ინვესტიციებით;

პ.ზ) სხვა.

2. მზღვეველი ვალდებულია ამ წესის დანართი №1-ის შესაბამისი საზედამხედველო კაპიტალის ოდენობის ანგარიშგება წარუდგინოს საქართველოს დაზღვევის სახელმწიფო ზედამხედველობის სამსახურს შემდეგი თარიღებისათვის:

ა) 1 თვის – არაუგვიანეს საანგარიშო პერიოდის 20 თებერვლისა;

ბ) 2 თვის – არაუგვიანეს საანგარიშო პერიოდის 20 მარტისა;

გ) 3 თვის – არაუგვიანეს საანგარიშო პერიოდის 20 აპრილისა;

დ) 4 თვის – არაუგვიანეს საანგარიშო პერიოდის 20 მაისისა;

ე) 5 თვის – არაუგვიანეს საანგარიშო პერიოდის 20 ივნისისა;

ვ) 6 თვის – არაუგვიანეს საანგარიშო პერიოდის 20 ივლისისა;

ზ) 7 თვის – არაუგვიანეს საანგარიშო პერიოდის 20 აგვისტოსი;

თ) 8 თვის – არაუგვიანეს საანგარიშო პერიოდის 20 სექტემბრისა;

ი) 9 თვის – არაუგვიანეს საანგარიშო პერიოდის 20 ოქტომბრისა;

კ) 10 თვის – არაუგვიანეს საანგარიშო პერიოდის 20 ნოემბრისა;

ლ) 11 თვის – არაუგვიანეს საანგარიშო პერიოდის 20 დეკემბრისა;

მ) 12 თვის (წლიური) – არა უგვიანეს მომდევნო საანგარიშო წლის 20 თებერვლისა.

დანართი №1

| | | |

|მზღვეველი: | | |

|ანგარიშგების თარიღი: |

| | | | | |

| | საზედამხედველო კაპიტალის ანგარიშგება |

| | | |ლარებში |

|სტრიქონის კოდი |N |  |საანგარიშო პერიოდი |გასული წლის |

| | | | |შესაბამისი პერიოდი|

| |კაპიტალი |

|00010 |1 | - სააქციო კაპიტალი | - | - |

|00020 |2 | - საემისიო კაპიტალი | - | - |

|00030 |3 | - გამოსყიდული აქციები | - | - |

|00040 |4 | - აკუმულირებული მოგება/(ზარალი) | - | - |

|00050 |5 | - პერიოდის წმინდა მოგება/(ზარალი) | - | - |

|00060 |6 | - სხვა რეზერვები | - | - |

|00070 |7 |სულ კაპიტალი: | - | - |

| | | | | |

| | | | | |

| | | | | |

| |დისკონტირებული აქტივები |

|00080 |8 | - გუდვილი და სხვა არამატერიალური აქტივები, წმინდა | - | - |

|00090 |9 | - ინვესტიციები მეკავშირე კომპანიებში (მონაწილეობა კაპიტალში და გაცემული სესხები) | - | - |

|00100 |10 | - ინვესტიციები შვილობილ კომპანიებში (მონაწილეობა კაპიტალში და გაცემული სესხები) | - | - |

|00110 |11 | - აქციები, რომელთა მიმოქცევა ხორციელდება ორგანიზებული ბაზრის გარეთ; | - | - |

|00120 |12 | - გაცემული არაუზრუნველყოფილი სესხები | - | - |

|00130 |13 | - აქტივები, რომელიც გამოყენებულია ვალდებულების უზრუნველყოფის საშუალებად და ასახული| - | - |

| | |არ არის მზღვეველის ფინანსური ანგარიშგების ვალდებულებების ნაწილში | | |

|00140 |14 | - გადავადებული საკომისიო ხარჯი | - | - |

|00150 |15 | - გადავადებული საგადასახადო აქტივი | - | - |

|00160 |16 | - გასაყიდად არსებული ფინანსური აქტივები | - | - |

|00170 |17 | - დაფარვის ვადამდე მფლობელობაში არსებული ფინანსური აქტივები | - | - |

|00180 |18 | - რეალური ღირებულებით აღრიცხული ფინანსური აქტივები, მოგებაში ან ზარალში ასახვით | - | - |

|00190 |19 | - მოთხოვნები გადარჩენილი ქონებიდან | - | - |

|00200 |20 | - ნაღდი ფული სალაროში – 100 000 ლარს ზემოთ | - | - |

|00210 |21 | - საინვესტიციო ქონება | - | - |

|00220 |22 | - სხვა აქტივები | - | - |

|00230 |23 | მიწოდებიდან და მომსახურებიდან წარმოქმნილი მოთხოვნები | - | - |

|00240 |24 | გადახდილი ავანსები | - | - |

|00250 |25 | მოთხოვნები საწარმოო პერსონალის მიმართ | - | - |

|00260 |26 | მოთხოვნები დამფუძნებლების მიმართ | - | - |

|00270 |27 | მარაგები | - | - |

|00280 |28 | სხვა ინვესტიციები | - | - |

|00290 |29 | სხვა | - | - |

|00300 |30 |სულ დისკონტირებული აქტივები: | - | - |

| | | | | |

| | | | | |

| |საზედამხედველო კაპიტალი |

|00310 |31 |საზედამხედველო კაპიტალი | - | - |

|  |  |  |  |  |

|00320 |32 |მინიმალური საწესდებო კაპიტალის მოთხოვნა |  |  |

|  |  |  |  |  |

|00330 |33 |გადახდისუნარიანობის მაჩვენებელი |  |  |

| | |

|00340 |34 |საზედამხედველო კაპიტალის (ზედმეტობა/დანაკლისი ) | - | - |

| | |მინიმალურ საწესდებო კაპიტალთან | | |

| | | | | |

|00350 |35 |საზედამხედველო კაპიტალის (ზედმეტობა/დანაკლისი ) | - | - |

| | |გადახდისუნარიანობის მაჩვენებელთან | | |

| | | | | |

| | |

-----------------------

[1] მზღვეველის მიერ კონტრაჰენტ სამედიცინო დაწესებულებაზე/დაწესებულებებზე გადახდილი ავანსი/ავანსები გაიანგარიშება მზღვეველის მიერ სამედიცინო დაწესებულების/დაწესებულებების მიმართ ავანსად გადახდილ თანხებსა და ამავე დაწესებულების/დაწესებულებების წინაშე მზღვეველის არსებულ ვალდებულებებს შორის სხვაობით. თუ მიღებული შედეგი 0-ზე ნაკლებია, ამ წესის მიზნებისთვის აღნიშნულ კონტრაჰენტზე გადახდილი ავანსი 0-ის ტოლია.