სსიპ - ეროვნული სატყეო სააგენტოს მიერ სახელმწიფო ტყის ფონდით სპეციალური დანიშნულებით სარგებლობის ვადის გაგრძელების თაობაზე თანხმობის მიცემის შესახებ

საქართველოს მთავრობის

განკარგულება №1934

2016 წლის 26 სექტემბერი

ქ. თბილისი

სსიპ – ეროვნული სატყეო სააგენტოს მიერ სახელმწიფო ტყის ფონდით სპეციალური დანიშნულებით სარგებლობის ვადის გაგრძელების თაობაზე თანხმობის მიცემის შესახებ

საქართველოს ტყის კოდექსის 52-ე მუხლის შესაბამისად, მიეცეს თანხმობა საქართველოს გარემოსა და ბუნებრივი რესურსების დაცვის სამინისტროს სსიპ – ეროვნული სატყეო სააგენტოსათვის სახელმწიფო ტყის ფონდის 227,5 ჰა მიწის ფართობზე სპეციალური დანიშნულებით სარგებლობის უფლების ვადის 2017 წლის 1 დეკემბრამდე გაგრძელების თაობაზე:    

ა) საქართველოს გარემოსა და ბუნებრივი რესურსების დაცვის მინისტრის 2015 წლის 19 ოქტომბრის №ი-797 ბრძანებით განსაზღვრულ სამეგრელო-ზემო სვანეთის სატყეო სამსახურის მართვას დაქვემდებარებულ სახელმწიფო ტყის ფონდის 100 ჰა მიწის ფართობზე;

ბ) საქართველოს გარემოსა და ბუნებრივი რესურსების დაცვის მინისტრის 2015 წლის 1 დეკემბრის №ი-924 ბრძანებით განსაზღვრულ სამეგრელო-ზემო სვანეთის სატყეო სამსახურის მართვას დაქვემდებარებულ სახელმწიფო ტყის ფონდის 57 ჰა მიწის ფართობზე;

გ) საქართველოს გარემოსა და ბუნებრივი რესურსების დაცვის მინისტრის 2016 წლის 11 ივლისის №ი-372 ბრძანებით განსაზღვრულ სამეგრელო-ზემო სვანეთის სატყეო სამსახურის მართვას დაქვემდებარებულ სახელმწიფო ტყის ფონდის 70,5 ჰა მიწის ფართობზე.

 

პრემიერ-მინისტრი                                                                   გიორგი კვირიკაშვილი