საქართველოს მთავრობას, „Calik Enerji Sanayi Ve Ticaret A.S“-ს,სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის 2014 წლის 11 ოქტომბერს დადებული ურთიერთგაგების მემორანდუმის შესახებ

საქართველოს მთავრობის

განკარგულება №2176

2016 წლის 7 ოქტომბერი

ქ. თბილისი

საქართველოს მთავრობას, „Calik Enerji Sanayi Ve Ticaret A.S“-ს, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის 2014 წლის 11 ოქტომბერს დადებული ურთიერთგაგების მემორანდუმის შესახებ

1. ცნობად იქნეს მიღებული ინფორმაცია, საქართველოს მთავრობას, „Calik Enerji Sanayi Ve Ticaret A.S“-ს, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის 2014 წლის 11 ოქტომბერს დადებული ურთიერთგაგების მემორანდუმის 24.2 პუნქტის საფუძველზე ცალმხრივად შეწყვეტის თაობაზე.

2. „Calik Enerji Sanayi Ve Ticaret A.S“-ის/შპს „ჩალიკ ჯორჯიას“ მიერ ურთიერთგაგების მემორანდუმის 25.3 პუნქტით გათვალისწინებული ვალდებულების შესრულების შემდეგ, „Calik Enerji Sanayi Ve Ticaret A.S“-ს დაუბრუნდეს, ურთიერთგაგების მემორანდუმის ფარგლებში, საქართველოს მთავრობის სასარგებლოდ წარმოდგენილი საბანკო გარანტია 1,118,000.00 (ერთი მილიონ ას თვრამეტი ათასი) აშშ დოლარის ოდენობით.

3. ამ განკარგულების მე-2 პუნქტში მითითებული საბანკო გარანტიის დაბრუნების თაობაზე გარანტიის გამცემ ბანკში წარსადგენ წერილზე, საქართველოს მთავრობის სახელით, ხელმოწერის უფლებამოსილება მიენიჭოს საქართველოს ენერგეტიკის მინისტრს ილია ელოშვილს.

 

პრემიერ-მინისტრი               გიორგი კვირიკაშვილი