„საქართველოს სოფლის მეურნეობის სამინისტროს ტერიტორიული ორგანოების - რეგიონალური სამმართველოების ტიპიური დებულების დამტკიცების შესახებ“ საქართველოს სოფლის მეურნეობის მინისტრის 2014 წლის 25 დეკემბრის N2-211 ბრძანებაში ცვლილების შეტანის თაობაზე

საქართველოს სოფლის მეურნეობის მინისტრის

2016 წლის 9 ნოემბერი

ქ. თბილისი

„მუხლი 2. სამმართველოს უფლებამოსილებანი

1. სამმართველოს უფლებამოსილებებია:

ა) რეგიონში სოფლის მეურნეობის განვითარების ერთიანი პოლიტიკის შემუშავებასა და გატარებაში სამინისტროს ხელშეწყობა;

ბ) რეგიონში სოფლის მეურნეობის განვითარების სტრატეგიის განხორციელების ხელშეწყობა;

გ) ქვეყნის ტრადიციებისა და საერთაშორისო გამოცდილების გათვალისწინებით, რეგიონში აგრარული რეფორმების განხორციელებისათვის წინადადებების მომზადება და სამინისტროში წარდგენა;

დ) რეგიონში სასოფლო-სამეურნეო კოოპერაციის განვითარების ხელშეწყობა;

ე) რეგიონში ბაზრების მდგომარეობისა და ტენდენციების შესახებ ინფორმაციის მოპოვება, ანალიზი და სამინისტროში წარდგენა;

ვ) დარგების მიხედვით პროგრამების შემუშავებაში მონაწილეობის მიღება და განხორციელების ხელშეწყობა;

ზ) რეგიონში სოფლის მეურნეობის სფეროში არსებული პრობლემების იდენტიფიკაცია, ანალიზი, რეკომენდაციების მომზადება და სამინისტროსთვის წარდგენა;

თ) რეგიონში პრიორიტეტულ მიმართულებათა განსაზღვრა, მათი განვითარების თაობაზე წინადადებების მომზადება და სამინისტროსთვის წარდგენა;

ი) რეგიონში არსებული სამინისტროს ტერიტორიული ორგანოებისა და სისტემაში შემავალი საჯარო სამართლის იურიდიული პირების ტერიტორიული ორგანოების საქმიანობის კოორდინაცია;

კ) რეგიონში არსებული სამინისტროს ტერიტორიულ ორგანოებთან და სისტემაში შემავალი საჯარო სამართლის იურიდიული პირების ტერიტორიულ ორგანოებთან  პერიოდულად სამუშაო შეხვედრების მოწყობა;

ლ) რეგიონში არსებული სამინისტროს ტერიტორიული ორგანოების საქმიანობის ანგარიშების მოსმენა, შეჯერება და საერთო ანგარიშის სამინისტროში წარდგენა;

მ) რეგიონში სამინისტროს მიერ განსახორციელებელი მიზნობრივი პროექტების შერჩევაში აქტიური მონაწილეობა, კონსულტაციის გაცემა და მონიტორინგი;

ნ) სამინისტროს პოლიტიკისა და პროგრამების შესახებ მოსახლეობის დროული ინფორმირების ხელშეწყობა;

ო) რეგიონში სხვადასხვა ტრენინგების, სწავლებებისა და საინფორმაციო შეხვედრების ორგანიზება;

პ) კანონმდებლობით დადგენილი წესით, რეგიონში შემავალ  მუნიციპალიტეტებში სტიქიური მოვლენების  შედეგების სალიკვიდაციო საქმიანობის კომისიებში და სამუშაო ჯგუფებში მონაწილეობა, სოფლის მეურნეობის ცალკეულ დარგებსა და სფეროებში შექმნილ საგანგებო სიტუაციათა ანალიზი და შეფასება;

ჟ) კომპეტენციის ფარგლებში, სტატისტიკის სფეროში, რეგიონის მონაცემთა საინფორმაციო ბაზის შექმნაში მონაწილეობა და კოორდინირებული საქმიანობა;

რ) საქართველოს კანონმდებლობით განსაზღვრულ სხვა უფლება-მოვალეობათა განხორციელება.

2. სამმართველო იმ მუნიციპალიტეტში, სადაც ის განთავსებულია, ასევე უფლებამოსილია:

ა) შეაგროვოს ინფორმაცია მუნიციპალიტეტის ადმინისტრაციულ-ტერიტორიულ საზღვრებში არსებული სასოფლო-სამეურნეო სავარგულების შესახებ;

ბ) შექმნას სამეურნეო წლის განმავლობაში ნათესი და ნარგავი ფართობების სრული განახლებადი საინფორმაციო ბაზა;

გ) მუნიციპალიტეტის ადმინისტრაციულ-ტერიტორიულ საზღვრებში, კულტურების მიხედვით, განსაზღვროს სავარაუდო მოსავალი წინასწარ, მიიღოს და დაამუშაოს ოპერატიული ინფორმაცია;

დ) აქტიური მონაწილეობა მიიღოს მუნიციპალიტეტის ადმინისტრაციულ-ტერიტორიულ საზღვრებში სამინისტროს მიერ განსახორციელებელი მიზნობრივი პროექტების შერჩევაში, გასწიოს კონსულტაციები და მონიტორინგი;

ე) განახორციელოს ადგილობრივ ბაზარზე სოფლის მეურნეობის პროდუქციის ფასების, ასევე წარმოების საშუალებების ღირებულების შესახებ ინფორმაციის შეგროვება-დამუშავება-ანალიზი;

ვ) შეისწავლოს მუნიციპალიტეტის ადმინისტრაციულ-ტერიტორიულ საზღვრებში სასაწყობო და გადამამუშავებელი საწარმოების არსებული პოტენციალი მემცენარეობისა და მეცხოველეობის პირველადი წარმოების პროდუქტების  მიხედვით;

ზ) საქართველოს კანონმდებლობის მიხედვით, სოფლის მეურნეობაში მოქმედი სამართლებრივი და საგადასახადო ვალდებულებების შესახებ, მიაწოდოს ინფორმაცია დაინტერესებულ პირებს;

თ) უზრუნველყოს სამინისტროს პოლიტიკისა და პროგრამების შესახებ მოსახლეობის დროულად ინფორმირება;

ი) უზრუნველყოს სოფლის მეურნეობის სფეროში გამოვლენილი პრობლემებისა და არსებული მდგომარეობის შესახებ სამინისტროს დროულად ინფორმირება;

კ) პოპულარიზაცია გაუწიოს სასოფლო-სამეურნეო კულტურების განაშენიანება-მოვლის თანამედროვე აგროტექნიკურ მეთოდებს და ხელი შეუწყოს მათ დანერგვას;

ლ) შეაგროვოს და დაამუშაოს ბაზარზე არსებული სათესლე და სარგავი მასალების შესახებ ინფორმაცია და გაუწიოს კონსულტაციები დაინტერესებულ პირებს   მათი სპეციფიკაციის მიხედვით;

მ) მიაწოდოს ინფორმაცია დაინტერესებულ პირებს მუნიციპალიტეტში მექანიზაციის ხელმისაწვდომობაზე ასევე, მათი რაციონალური გამოყენების შესახებ;

ნ) შეაგროვოს ინფორმაცია ბაზარზე არსებული მცენარეთა დაცვის საშუალებების შესახებ და შესთავაზოს დაინტერესებულ პირებს მათი გამოყენების მართებული მეთოდები;

ო) გაუწიოს კონსულტაციები დაინტერესებულ პირებს:

ო.ა) მოსავლის აღებასთან დაკავშირებული მოსამზადებელი ტექნიკური ღონისძიებების და სხვა ორგანიზაციული საკითხების შესახებ;

ო.ბ) აღებული მოსავლის შენახვის პირობების და ვადების შესახებ;

ო.გ) საძოვრების რაციონალური გამოყენების მიზნით;

ო.დ) ცხოველთა ჯანმრთელობის დაცვის მიზნით, წლის განმავლობაში აუცილებელი ვეტერინარული და სანიტარიული ღონისძიებების შესახებ;

პ) პოპულარიზაცია გაუწიოს ცხოველთა მოვლა-მოშენების თანამედროვე მეთოდებს და ტექნოლოგიებს, მათი დანერგვის მიზნით;

ჟ) აქტიურად ითანამშრომლოს და მონაწილეობა მიიღოს შეხვედრებში სახელმწიფო და ადგილობრივი თვითმმართველობის  ორგანოებთან,  საერთაშორისო დონორ ორგანიზაციებთან, ასევე ექსტენციის ცენტრებთან;

რ) უზრუნველყოს სხვადასხვა ტრენინგების, სწავლებებისა და საინფორმაციო შეხვედრების ორგანიზება;

ს) გასცეს რეკომენდაციები მერძეული და მეხორცული მიმართულების, მსხვილფეხა და წვრილფეხა პირუტყვის პროდუქტიულობის მაჩვენებლის ზრდის და სტაბილურად შენარჩუნების მიზნით საკვები რაციონის შესახებ;

ტ) მონაწილეობა მიიღოს კანონმდებლობით დადგენილი წესით მუნიციპალიტეტებში სტიქიური მოვლენების  შედეგების სალიკვიდაციო საქმიანობის კომისიებში და სამუშაო ჯგუფებში, განახორციელოს სოფლის მეურნეობის ცალკეულ დარგებსა და სფეროებში შექმნილ საგანგებო სიტუაციათა ანალიზი და შეფასება;

უ) კომპეტენციის ფარგლებში, მონაწილეობა მიიღოს სტატისტიკის სფეროში მონაცემთა საინფორმაციო ბაზის შექმნაში და უზრუნველყოს კოორდინირებული საქმიანობა;

ფ) კომპეტენციის ფარგლებში, ხელი შეუწყოს:

ფ.ა) სასოფლო-სამეურნეო კოოპერაციის განვითარებას;

ფ.ბ) ბიოაგროწარმოებას;

ფ.გ) სოფლის მეურნეობის პროდუქციისა და სურსათის წარმოება-რეალიზაციაში საერთაშორისო გამოცდილების გავრცელებას.“.