,,საქართველოს რესპუბლიკის მთავრობასა და ამერიკის შეერთებული შტატების მთავრობას შორის ჰუმანიტარული და ტექნიკური ეკონომიკური დახმარების ხელშეწყობისათვის თანამშრომლობის თაობაზე`` 1992 წლის 31 ივლისის ხელშეკრულებისა და ,,საქართველოს მთავრობისა და ამერიკის შეერთებული შტატების მთავრობებს შორის თავდაცვის სფეროში თანამშრომლობის შესახებ`` 2002 წლის 10 დეკემბრის შეთანხმებით საქართველოს მიერ ნაკისრი ვალდებულებების შესრულების უზრუნველყოფის ღონისძიებათა თაობაზე``

საქართველოს პრეზიდენტის

ბრძანებულება №144

2004 წლის 23 აპრილი

ქ. თბილისი

„საქართველოს რესპუბლიკის მთავრობასა და ამერიკის შეერთებული შტატების მთავრობას შორის ჰუმანიტარული და ტექნიკური ეკონომიკური დახმარების ხელშეწყობისათვის თანამშრომლობის თაობაზე“ 1992 წლის 31 ივლისის ხელშეკრულებისა და „საქართველოს მთავრობისა და ამერიკის შეერთებული შტატების მთავრობას შორის თავდაცვის სფეროში თანამშრომლობის შესახებ“ 2002 წლის 10 დეკემბრის შეთანხმებით საქართველოს მიერ ნაკისრი ვალდებულებების შესრულების უზრუნველყოფის ღონისძიებათა თაობაზე

„საქართველოს რესპუბლიკის მთავრობასა და ამერიკის შეერთებული შტატების მთავრობას შორის ჰუმანიტარული და ტექნიკური ეკონომიკური დახმარების ხელშეწყობისათვის თანამშრომლობის თაობაზე“ 1992 წლის 31 ივლისის ხელშეკრულებით და „საქართველოს მთავრობისა და ამერიკის შეერთებული შტატების მთავრობას შორის თავდაცვის სფეროში თანამშრომლობის შესახებ“ 2002 წლის 10 დეკემბრის შეთანხმებით საქართველოს მიერ ნაკისრი ვალდებულებების შესრულების მიზნით:

1. საქართველოს მთავრობამ გაატაროს შესაბამისი ღონისძიებანი (მათ შორის, შესაბამისი ნორმატიული ბაზის სრულყოფა) „საქართველოს რესპუბლიკის მთავრობასა და ამერიკის შეერთებული შტატების მთავრობას შორის ჰუმანიტარული და ტექნიკური ეკონომიკური დახმარების ხელშეწყობისათვის თანამშრომლობის თაობაზე“ 1992 წლის 31 ივლისის ხელშეკრულებით და „საქართველოს მთავრობისა და ამერიკის შეერთებული შტატების მთავრობას შორის თავდაცვის სფეროში თანამშრომლობის შესახებ“ 2002 წლის 10 დეკემბრის შეთანხმებით გათვალისწინებული პირობების შესრულების პროცესის განხორციელების უზრუნველყოფის მიზნით.

2. საქართველოს ფინანსთა მინისტრმა ზ. ნოღაიდელმა კანონმდებლობით მინიჭებული კომპეტენციის ფარგლებში უზრუნველყოს შესაბამისი ბრძანების გამოცემა ამ ბრძანებულების პირველი პუნქტით გათვალისწინებული ხელშეკრულებების აღსრულების პროცედურების შესახებ.

მ. სააკაშვილი