1.1. „არბიტრაჟი” – ერთი ან რამდენიმე წევრისგან შემდგარი ორგანო, რომელიც უფლებამოსილია დებულებით დადგენილი წესით განიხილოს მხარეთა თანასწორობაზე დამყარებული კერძო ხასიათის ის ქონებრივი დავა, რომლის მოწესრიგებაც მხარეებს შეუძლიათ ერთმანეთს შორის.

1.2.    „არბიტრი” – შპს „მუდმივმოქმედ არბიტრაჟ ლეგალთან“ შრომით ურთიერთობაში მყოფი ან მხარის მიერ დანიშნული პირი, რომელიც უფლებამოსილია განიხილოს არბიტრაჟში განსახილველად შემოსული საქმე;

1.3.    „მუდმივმოქმედი არბიტრაჟი” – შპს „მუდმივმოქმედი არბიტრაჟი ლეგალი“;

1.4.    „მუდმივმოქმედი არბიტრაჟის თავმჯდომარე” – შპს ,,მუდმივმოქმედ არბიტრაჟ ლეგალის“ თავმჯდომარე-დირექტორი ან მისი მოვალეობის შემსრულებელი, რომელიც არბიტრაჟში შემოსულ საქმეებს ანაწილებს განსახილველად. იმავდროულად, იგი უფლებამოსილია თვითონ მიიღოს მონაწილეობა საარბიტრაჟო საქმის განხილვაში.

1.5.    „კანონი” – საქართველოს კანონი „არბიტრაჟის შესახებ“;

1.6.    „სასამართლო” – ამ დებულების მე-3, მე-4, მე-10 და მე-12 მუხლებისათვის – ის რაიონული (საქალაქო) სასამართლო, რომლის სამოქმედო ტერიტორიაზეც მიმდინარეობდა, მიმდინარეობს ან უნდა მოხდეს სარბიტრაჟო განხილვა; მე-8, მე-18 და მე-20 მუხლებისათვის – სააპელაციო სასამართლოები;

1.7     . „დავა” – კერძო ხასიათის ქონებრივი დავა, რომლის განხილვაც ეთხოვა მუდმივმოქმედ არბიტრაჟს;

1.8.    „მხარეები” – საარბიტრაჟო მოსარჩელე და მოპასუხე;

1.9     . ,,საარბიტრაჟო მოსარჩელე” – მხარე, რომელიც დავას განსახილველად გადასცემს არბიტრაჟს და გააჩნია მოთხოვნის უფლება;

1.10. ,,საარბიტრაჟო მოპასუხე” – პირი, რომელმაც პასუხი უნდა აგოს საარბიტრაჟო სარჩელზე;

1.11. ,,მესამე პირი დამოუკიდებელი საარბიტრაჟო მოთხოვნით” – პირი, რომელიც აცხადებს დამოუკიდებელ მოთხოვნას დავის საგანზე ან მის ნაწილზე და რომელიც სარგებლობს საარბიტრაჟო მოსარჩელის ყველა უფლებით და ეკისრება მისი ყველა მოვალეობა;

1.12. ,,მესამე პირი” – არბიტრაჟის ინიციატივით ან მხარის მოთხოვნით საქმეში ჩართული დაინტერესებული პირი, რომელიც არ აცხადებს დამოუკიდებელ მოთხოვნას დავის საგანზე ან მის ნაწილზე და რომლის უფლება-მოვალეობებზეც შეიძლება გავლენა მოახდინოს არბიტრაჟის გადაწყვეტილებამ;

1.13. ,,მტკიცებულება” – ნებისმიერი მონაცემი, საბუთი, ნივთმტკიცება ან მოწმის ჩვენება, რომლებზედაც მხარეები ამყარებენ თავიანთ მოთხოვნებსა და შესაგებელს და რომლის მეშვეობითაც არბიტრაჟი ადგენს მხარეთა მოთხოვნებისა და განცხადებების სამართლიანობასა და დასაბუთებულობას;

1.14.  „საარბიტრაჟო განხილვა” – არბიტრაჟის მიერ მხარეთა შორის დავის განხილვა ამ დებულებითა და არბიტრაჟის შესახებ საქართველოს კანონით გათვალისწინებული წესებით;

1.15.  „საარბიტრაჟო შეთანხმება” (საარბიტრაჟო დათქმა) – ,,არბიტრაჟის შესახებ” საქართველოს კანონის მე-8 მუხლით გათვალისწინებული ფორმითა და წესით მხარეთა შორის დავამდელი ან დავის შემდგომი შეთანხმება, ამა თუ იმ დავის საარბიტრაჟო განხილვის გზით მოწესრიგების შესახებ.

1.16. „დებულება” – შპს ,,მუდმივმოქმედ არბიტრაჟ ლეგალის“ დებულებ