„საქართველო-ლატვიის ერთობლივი სავაჭრო-ეკონომიკური და სამეცნიერო-ტექნიკური თანამშრომლობის სამთავრობათაშორისო კომისიის ქართული მხარის შემადგენლობის დამტკიცების შესახებ“ საქართველოს მთავრობის 2009 წლის 10 სექტემბრის №670 განკარგულებაში ცვლილების შეტანის თაობაზე

საქართველოს მთავრობის

განკარგულება №53 7

2017 წლის 23 მარტი

ქ. თბილისი

„საქართველო-ლატვიის ერთობლივი სავაჭრო-ეკონომიკური და სამეცნიერო-ტექნიკური თანამშრომლობის სამთავრობათაშორისო კომისიის ქართული მხარის შემადგენლობის დამტკიცების შესახებ“  საქართველოს მთავრობის 2009 წლის 10 სექტემბრის  №670 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველო-ლატვიის ერთობლივი სავაჭრო-ეკონომიკური და სამეცნიერო-ტექნიკური თანამშრომლობის სამთავრობათაშორისო კომისიის ქართული მხარის შემადგენლობის დამტკიცების შესახებ“ საქართველოს მთავრობის 2009 წლის 10 სექტემბრის №670 განკარგულებაში შეტანილ იქნეს ცვლილება და ტექსტი ჩამოყალიბდეს შემდეგი რედაქციით:

„საქართველოს მთავრობასა და ლატვიის რესპუბლიკის მთავრობას შორის ეკონომიკური, სამრეწველო, სამეცნიერო და ტექნიკური თანამშრომლობის შესახებ“ 2005 წლის 5 ოქტომბერს ხელმოწერილი შეთანხმების მე-5 მუხლის შესაბამისად, დამტკიცდეს საქართველო-ლატვიის ერთობლივი სავაჭრო-ეკონომიკური და სამეცნიერო-ტექნიკური თანამშრომლობის სამთავრობათაშორისო კომისიის ქართული მხარე შემდეგი შემადგენლობით:

გიორგი გახარია -საქართველოს ეკონომიკისა და მდგრადი განვითარების მინისტრი, კომისიის თავმჯდომარე;

გენადი არველაძე -საქართველოს ეკონომიკისა და მდგრადი განვითარების მინისტრის მოადგილე;

თეიმურაზ ჯანჯალია -საქართველოს საგანგებო და სრულუფლებიანი ელჩი ლატვიის რესპუბლიკაში;

ნოდარ კერესელიძე -საქართველოს სოფლის მეურნეობის მინისტრის პირველი მოადგილე;

თეიმურაზ მურღულია -საქართველოს განათლებისა და მეცნიერების მინისტრის მოადგილე;

რევაზ ჯაველიძე -საქართველოს სპორტისა და ახალგაზრდობის საქმეთა მინისტრის მოადგილე;

გიორგი ჩოგოვაძე -სსიპ – საქართველოს ტურიზმის ეროვნული ადმინისტრაციის ხელმძღვანელი;

დავით საგანელიძე -სს „საპარტნიორო ფონდის“ აღმასრულებელი დირექტორი;

ნიკოლოზ გოგილიძე -სსიპ  –  საქართველოს ინტელექტუალური საკუთრების ეროვნული ცენტრის „საქპატენტის“ თავმჯდომარე;

თორნიკე ნოზაძე -ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის სტრატეგიული კომუნიკაციების დეპარტამენტის უფროსი;

ალექსანდრე ხვთისიაშვილი -საქართველოს საგარეო საქმეთა სამინისტროს საერთაშორისო ეკონომიკურ ურთიერთობათა დეპარტამენტის დირექტორი;

ეკა ყუბუსიძე -საქართველოს ეკონომიკისა და მდგრადი განვითარების სამინისტროს კავშირგაბმულობის, საინფორმაციო და თანამედროვე ტექნოლოგიების დეპარტამენტის უფროსი;

ალექსანდრე პაპიაშვილი -სსიპ - საქართველოს ეროვნული საინვესტიციო სააგენტოს ინვესტორთა მრჩეველი;

ლიანა მეზვრიშვილი -სსიპ - მეწარმეობის განვითარების სააგენტოს საერთაშორისო ურთიერთობების დეპარტამენტის ხელმძღვანელის მოვალეობის შემსრულებელი;

ანი ვაშაყმაძე -საქართველოს ეკონომიკისა და მდგრადი განვითარების სამინისტროს ევროკავშირსა და ევროპის სხვა ქვეყნებთან ვაჭრობის განვითარების სამსახურის მთავარი სპეციალისტი, კომისიის მდივანი.“.

2. განკარგულება ძალაშია 2017 წლის 15 მარტიდან.

პრემიერ-მინისტრი                                                           გიორგი კვირიკაშვილი