რეგისტრირებული კოოპერატივის საკრედიტო კავშირის „განთიადი“-ს ლიკვიდაციის პროცესის დასრულების შესახებ

საქართველოს ეროვნული ბანკის ვიცე-პრეზიდენტის

განკარგულება №28 3

2017 წლის 28 მარტი

ქ. თბილისი

რეგისტრირებული კოოპერატივის საკრედიტო კავშირის „განთიადის“ ლიკვიდაციის პროცესის დასრულების შესახებ

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, „არასაბანკო სადეპოზიტო დაწესებულებების – საკრედიტო კავშირების შესახებ“ საქართველოს კანონის 29-ე მუხლის და საქართველოს ეროვნული ბანკის პრეზიდენტის 2016 წლის 23 დეკემბრის №153/04 ბრძანების საფუძველზე:

1. დასრულებულად ჩაითვალოს რეგისტრირებული კოოპერატივის საკრედიტო კავშირის „განთიადის“ (საიდენტიფიკაციო კოდი: №237081475) ლიკვიდაციის პროცესი;

2. საკრედიტო კავშირი „განთიადი“ ამოღებულ იქნეს საქართველოს ეროვნული ბანკის შესაბამისი რეესტრიდან;

3. ეს განკარგულება 10 დღის ვადაში გამოქვეყნდეს საქართველოს საკანონმდებლო მაცნეში და წარედგინოს მეწარმეთა და არასამეწარმეო (არაკომერციული) იურიდიული პირების რეესტრს შესაბამისი რეაგირებისათვის;

4. აღნიშნული განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი, მე-12 კილომეტრი, №6) მხარისათვის მისი გაცნობიდან ერთი თვის ვადაში.

5. ეს განკარგულება ამოქმედდეს მხარისათვის მისი გაცნობისთანავე.

                                                                                  მურთაზ კიკორია