„საქართველოს ფინანსთა სამინისტროს სტრუქტურული ქვედანაყოფების დებულების დამტკიცების თაობაზე“ საქართველოს ფინანსთა მინისტრის 2017 წლის 31 მარტის №106 ბრძანებაში ცვლილების შეტანის შესახებ

საქართველოს ფინანსთა მინისტრის

2017 წლის 30 ივნისი

ქ. თბილისი

1. II თავის სათაური ჩამოყალიბდეს შემდეგი რედაქციით:

„თავი II

პირველადი სტრუქტურული ერთეულის ხელმძღვანელობა და სხვა საჯარო მოხელეები“.

2. მე-4 მუხლის:

ა) სათაური ჩამოყალიბდეს შემდეგი რედაქციით:

„მუხლი 4. პირველადი სტრუქტურული ერთეულის ხელმძღვანელი“;

ბ) პირველი პუნქტი ჩამოყალიბდეს შემდეგი რედაქციით:

„1. პირველად სტრუქტურულ ერთეულს (სტრუქტურულ ქვედანაყოფს – დეპარტამენტს/სამმართველოს/სამსახურს) ხელმძღვანელობს პირველადი სტრუქტურული ერთეულის ხელმძღვანელი (დეპარტამენტის უფროსი/სამმართველოს უფროსი/სამსახურის უფროსი) (შემდგომში – სტრუქტურული ქვედანაყოფის უფროსი).“;

3. მე-5 მუხლის:

ა) სათაური ჩამოყალიბდეს შემდეგი რედაქციით:

„მუხლი 5. პირველადი სტრუქტურული ერთეულის (სტრუქტურული ქვედანაყოფი) ხელმძღვანელის მოადგილე“;

ბ) პირველი პუნქტი ჩამოყალიბდეს შემდეგი რედაქციით:

„1. პირველადი სტრუქტურული ერთეულის (სტრუქტურული ქვედანაყოფი) ხელმძღვანელს  შეიძლება ჰყავდეს ერთი ან რამდენიმე მოადგილე (დეპარტამენტის უფროსის მოადგილე/სამსახურის უფროსის მოადგილე). პირველადი სტრუქტურული ერთეულის (სტრუქტურული ქვედანაყოფი) ხელმძღვანელის მოადგილეს თანამდებობაზე ნიშნავს და თანამდებობიდან ათავისუფლებს მინისტრი.

4. მე-6 მუხლის:

ა) სათაური ჩამოყალიბდეს შემდეგი რედაქციით:

„მუხლი 6. მეორადი სტრუქტურული ერთეულის ხელმძღვანელი (სტრუქტურული ქვედანაყოფის სამმართველოს უფროსი)“;

ბ) პირველი პუნქტი ჩამოყალიბდეს შემდეგი რედაქციით:

„მეორადი სტრუქტურული ერთეულის (შემდგომში – სამმართველოს) ხელმძღვანელი ხელმძღვანელობს სტრუქტურულ ქვედანაყოფში შემავალ სტრუქტურულ ერთეულს – სამმართველოს.“.

5. III თავის სათაური ჩამოყალიბდეს შემდეგი რედაქციით:

„თავი III

პირველადი და მეორადი სტრუქტურული ერთეულები“.

6. მე-8 და მე-9 მუხლები ჩამოყალიბდეს შემდეგი რედაქციით:

„მუხლი 8. პირველადი სტრუქტურული ერთეულები (სტრუქტურული ქვედანაყოფები)

სამინისტროს პირველადი სტრუქტურული ერთეულებია (სტრუქტურული ქვედანაყოფებია):

ა) სახელმწიფო ვალის და საგარეო დაფინანსების დეპარტამენტი;

ბ) იურიდიული დეპარტამენტი;

გ) ადმინისტრაციული დეპარტამენტი;

დ) საბიუჯეტო დეპარტამენტი;

ე) შიდა აუდიტის დეპარტამენტი;

ვ) სახელმწიფო შიდა კონტროლის დეპარტამენტი;

ზ) საგადასახადო და საბაჟო პოლიტიკის დეპარტამენტი;

თ) მაკროეკონომიკური ანალიზისა და ფისკალური პოლიტიკის დაგეგმვის დეპარტამენტი;

ი) საზოგადოებასთან ურთიერთობისა და პროტოკოლის დეპარტამენტი;

კ) ადამიანური რესურსების მართვის დეპარტამენტი;

ლ) დავების განხილვის სამსახური;

მ) საფინანსო-ეკონომიკური საქმიანობის სფეროში რისკების ანალიზის სამსახური;

ნ) ფისკალური რისკების მართვის სამმართველო;

ო) სტრუქტურული რეფორმების სამმართველო;

პ) სახელმწიფო ინვესტიციებისა და საბიუჯეტო პროგრამების ეფექტიანობის შეფასების სამმართველო;

ჟ) გადასახადის გადამხდელების მოტივირების უზრუნველყოფის სამმართველო;

რ) სათამაშო ბიზნესის პოლიტიკის სამმართველო;

ს) შემოსავლების ადმინისტრირების ხარისხის შეფასებისა და განვითარების უზრუნველყოფის სამმართველო;

ტ) დაფინანსების შესაძლებლობების გამოვლენის სამმართველო;

უ) სახელმწიფო საშინაო ვალის ინსტრუმენტების განვითარების სამმართველო.

მუხლი 9. მეორადი სტრუქტურული ერთეულები

1. პირველად სტრუქტურულ ერთეულებში (სტრუქტურულ ქვედანაყოფებში) შეიძლება შედიოდნენ მეორადი სტრუქტურული ერთეულები – სამმართველოები.

2. მეორადი სტრუქტურული ერთეულების სახელწოდება, მათი რაოდენობა სტრუქტურულ ქვედანაყოფში, ამოცანები და ფუნქციები განისაზღვრება ამ დებულებით.

3. სახელმწიფო ვალის და საგარეო დაფინანსების დეპარტამენტის მეორადი სტრუქტურული ერთეულებია:

ა) სახელმწიფო ვალის მომსახურების სამმართველო;

ბ) დაფინანსების მოზიდვის და ევროინტეგრაციის სამმართველო.

4. იურიდიული დეპარტამენტის მეორადი სტრუქტურული ერთეულებია:

ა) სამართლებრივი უზრუნველყოფისა და საქართველოს მთავრობასთან ურთიერთობის სამმართველო:

ბ) პარლამენტთან ურთიერთობის სამმართველო;

გ) სასამართლოებთან ურთიერთობის სამმართველო;

დ) სამართლებრივი აქტების ჰარმონიზაციის სამმართველო.

5. ადმინისტრაციული დეპარტამენტის მეორადი სტრუქტურული ერთეულებია:

ა) სახელმწიფო შესყიდვების სამმართველო;

ბ) საფინანსო სამმართველო;

გ) საქმისწარმოების სამმართველო;

დ) მატერიალურ-ტექნიკური უზრუნველყოფის სამმართველო.

6. საბიუჯეტო დეპარტამენტის მეორადი სტრუქტურული ერთეულებია:

ა) საბიუჯეტო პოლიტიკის სამმართველო.

ბ) სახელმწიფო და ნაერთი ბიუჯეტის ფორმირების სამმართველო;

გ) ავტონომიური რესპუბლიკებისა და მუნიციპალიტეტების საბიუჯეტო პროცესის ერთიანობის უზრუნველყოფის სამმართველო.

7. შიდა აუდიტის დეპარტამენტის მეორადი სტრუქტურული ერთეულებია:

ა) ინსპექტირების სამმართველო;

ბ) მარწმუნებელი მომსახურების სამმართველო.

8. საგადასახადო და საბაჟო პოლიტიკის დეპარტამენტის მეორადი სტრუქტურული ერთეულებია:

ა) საგადასახადო და საბაჟო ბერკეტების მოდელირების სამმართველო;

ბ) საგადასახადო პოლიტიკის ფორმირების სამმართველო;

გ) საბაჟო პოლიტიკის ფორმირების სამმართველო;

დ) საერთაშორისო დაბეგვრის სამმართველო.

9. მაკროეკონომიკური ანალიზისა და ფისკალური პოლიტიკის დაგეგმვის დეპარტამენტის მეორადი სტრუქტურული ერთეულებია:

ა) მაკროეკონომიკური ანალიზის სამმართველო;

ბ) ფისკალური პროგნოზირების სამმართველო.

10. საზოგადოებასთან ურთიერთობისა და პროტოკოლის დეპარტამენტის მეორადი სტრუქტურული ერთეულებია:

ა) საზოგადოებასთან ურთიერთობის სამმართველო;

ბ) პროტოკოლის სამმართველო.

11. ადამიანური რესურსების მართვის დეპარტამენტის მეორადი სტრუქტურული ერთეულებია:

ა) ადამიანური რესურსების შემადგენლობისა და მართვის სამმართველო;

ბ) ადამიანური რესურსების მართვის პოლიტიკისა და ანალიზის სამმართველო.“.