გარდაბნის მუნიციპალიტეტის ქ.გარდაბნის ადმინისტრაციული ერთეულის ტერიტორიაზე მსხვილფეხა ან/და წვრილფეხა პირუტყვის ყოფნის წესის დამტკიცების შესახებ

საქართველოს ორგანული კანონი „ადგილობრივი თვითმმართველობის კოდექსი“მე-16 მუხლის მე–2 პუნქტის „რ“ ქვეპუნქტის, 24-ე მუხლის მე-2 პუნქტის, 61-ე მუხლის მე-2 პუნქტის, საქართველოს კანონის „საქართველოს ადმინისტრაციულ სამართალდარღვევათა კოდექსი“148-ე მუხლის მე-3 და მე-4 ნაწილების, 239-ე მუხლის მე-14 ნაწილის, ,,ნორმატიული  აქტების შესახებ“ საქართველოს კანონის მე-20 მუხლის მე-2 პუნქტის, ,,მკაცრი აღრიცხვის ფორმების შესახებ“ საქართველოს კანონის მე-8 მუხლის პირველი პუნქტის, ,,მკაცრი აღრიცხვის ფორმების ნუსხის, მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანების №1 დანართის მე-2 პუნქტის ,,ჯ“ ქვეპუნქტის შესაბამისად, გარდაბნის მუნიციპალიტეტის საკრებულო ადგენს:

დამტკიცდეს გარდაბნის მუნიციპალიტეტის ქ.გარდაბნის ადმინისტრაციული ერთეულის ტერიტორიაზე მსხვილფეხა ან/და წვრილფეხა პირუტყვის ყოფნის წესი (დანართი №1) და  ადმინისტრაციული სამართალდარღვევის ოქმი (დანართი №2).

დაევალოს გარდაბნის მუნიციპალიტეტის გამგეობის  ზედამხედველობის სამსახურს აწარმოოს საინფორმაციო უზრუნველყოფა სხვადასხვა საინფორმაციო საშუალებით გარდაბნის მუნიციპალიტეტის ქ.გარდაბნის ადმინისტრაციული ერთეულის  ტერიტორიაზე მსხვილფეხა ან/და წვრილფეხა პირუტყვის ყოფნის წესის შესახებ.

დადგენილება ამოქმედდეს გამოქვეყნებისთანავე.