საქართველოს იუსტიციის სამინისტროს მმართველობის სფეროში მოქმედ სსიპ – სახელმწიფო სერვისების განვითარების სააგენტოსა და ევროკავშირს (წარმოდგენილს საქართველოში ევროკავშირის დელეგაციის სახით) შორის საგრანტო პროექტის − „სახელმწიფო სერვისების განვითარების სააგენტოს მხარდაჭერა ვიზალიბერალიზაციის სამოქმედო გეგმის ყველა ნიშნულის უწყვეტი განხორციელებისთვის“ (Supporting Public Service Development Agency to Continuously Implement All Benchmarks under the Visa Liberalisation Action Plan) განხორციელების მიზნით დასადები საგრანტო ხელშეკრულების თაობაზე

 საქართველოს მთავრობის

განკარგულება №1715

2017 წლის 21 აგვისტო

ქ. თბილისი

1. „აღმასრულებელი ხელისუფლების შესაბამისი დაწესებულებებისა და სახელმწიფო კონტროლს დაქვემდებარებული საჯარო სამართლის იურიდიული პირების მიერ გრანტებთან დაკავშირებით გასატარებელ ღონისძიებათა შესახებ“ საქართველოს მთავრობის 2011 წლის 14 მარტის №126 დადგენილების პირველი მუხლის პირველი პუნქტის თანახმად, მოწონებულ იქნეს საქართველოს იუსტიციის სამინისტროს მმართველობის სფეროში მოქმედ სსიპ – სახელმწიფო სერვისების განვითარების სააგენტოსა და ევროკავშირს (წარმოდგენილს საქართველოში ევროკავშირის დელეგაციის სახით) შორის დასადები საგრანტო ხელშეკრულება –„სახელმწიფო სერვისების განვითარების სააგენტოს მხარდაჭერა ვიზალიბერალიზაციის სამოქმედო გეგმის ყველა ნიშნულის უწყვეტი განხორციელებისთვის“.

2. „სახელმწიფო შესყიდვების შესახებ“ საქართველოს კანონის პირველი მუხლის მე-4 პუნქტის შესაბამისად, აღნიშნული პროექტის ფარგლებში შესყიდვის განხორციელებისას გამოყენებულ იქნეს ევროკავშირის პრაქტიკულ სახელმძღვანელოში განსაზღვრული პროცედურები, როგორც ეს მითითებულია ამ განკარგულების პირველი პუნქტით გათვალისწინებული ხელშეკრულების მე-4 დანართში.

 

პრემიერ-მინისტრი                                                     გიორგი კვირიკაშვილი