სსიპ − ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიების დაგეგმვისა და ორგანიზებისათვის სამთავრობო კომისიის შექმნის შესახებ

საქართველოს მთავრობის

განკარგულება №1979

2017 წლის 15 სექტემბერი

ქ. თბილისი

სსიპ − ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიების დაგეგმვისა და ორგანიზებისათვის სამთავრობო კომისიის შექმნის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის შესაბამისად, სსიპ − ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიებების დაგეგმვისა და ორგანიზებისათვის შეიქმნას სამთავრობო კომისია (შემდგომში − კომისია) შემდეგი შემადგენლობით:

გიორგი კვირიკაშვილი − საქართველოს პრემიერ-მინისტრი, კომისიის თავმჯდომარე;

ალექსანდრე ჯეჯელავა − საქართველოს განათლებისა და მეცნიერების მინისტრი, ვიცე-პრემიერი, კომისიის თავმჯდომარის მოადგილე;

გიორგი შარვაშიძე − სსიპ − ივანე ჯავახიშვილის სახელობის თბილისის სახელმწიფო უნივერსიტეტის რექტორი, კომისიის თავმჯდომარის მოადგილე;

დიმიტრი ქუმსიშვილი – საქართველოს ფინანსთა მინისტრი, პირველი ვიცე-პრემიერი;

გიორგი გახარია – საქართველოს ეკონომიკისა და მდგრადი განვითარების მინისტრი;

მიხეილ ჯანელიძე – საქართველოს საგარეო საქმეთა მინისტრი, ვიცე-პრემიერი;

ზურაბ ალავიძე – საქართველოს რეგიონული განვითარებისა და ინფრასტრუქტურის მინისტრი;

მიხეილ გიორგაძე – საქართველოს კულტურისა და ძეგლთა დაცვის მინისტრი;

ტარიელ ხეჩიკაშვილი – საქართველოს სპორტისა და ახალგაზრდობის საქმეთა მინისტრი;

თეა წულუკიანი – საქართველოს იუსტიციის მინისტრი;

მაია ცქიტიშვილი − საქართველოს მთავრობის ადმინისტრაციის უფროსი;

დავით ნარმანია – ქალაქ თბილისის მუნიციპალიტეტის მერი;

გიორგი ალიბეგაშვილი – ქალაქ თბილისის მუნიციპალიტეტის საკრებულოს თავმჯდომარე;

გიორგი კვესიტაძე – სსიპ − საქართველოს მეცნიერებათა ეროვნული აკადემიის პრეზიდენტი;

დავით ლორთქიფანიძე – სსიპ − საქართველოს ეროვნული მუზეუმის გენერალური დირექტორი.

2. კომისიის მუშაობაში მონაწილეობის მიღება ეთხოვოთ:

ა) საქართველოს პარლამენტის თავმჯდომარეს − ირაკლი კობახიძეს;

ბ) საქართველოს პარლამენტის განათლების, მეცნიერებისა და კულტურის კომიტეტის თავმჯდომარეს − მარიამ ჯაშს;

გ) ა(ა)იპ − საქართველოს სამოციქულო ავტოკეფალური მართლმადიდებელი ეკლესიის თბილისის სასულიერო აკადემიისა და სემინარიის რექტორს, პროტოპრესვიტერს − გია ზვიადაძეს.

3. საქართველოს საზოგადოებრივ მაუწყებელს ეთხოვოს სსიპ − ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიებების გაშუქება.

4. ამ განკარგულების პირველი პუნქტით გათვალისწინებულ კომისიას დაევალოს სსიპ − ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიებების ჩატარების გეგმისა და გრაფიკის შემუშავება.

 

პრემიერ-მინისტრი                                                       გიორგი კვირიკაშვილი