1. სტრატეგიულ მართვაზე პასუხისმგებელ პერსონალს აქვს კვალიფიკაცია და გამოცდილება:

ა) აკადემიური უმაღლესი განათლება − არანაკლებ ბაკალავრი;

ბ) ადრეული და სკოლამდელი აღზრდისა და განათლების დაწესებულებაში საგანმანათლებლო პერსონალად მუშაობის არანაკლებ 1 წლის გამოცდილება, ან საგანმანათლებლო დაწესებულებაში/ ორგანიზაციაში საგანმანათლებლო/ადმინისტრაციულ პერსონალად მუშაობის არანაკლებ 1 წლის გამოცდილება; ან/და გავლილი აქვს გადამზადება საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგის პროფესიული განვითარების ტრენინგ-მოდულის მიხედვით; ან/და გავლილი სასერტიფიკატო პროგრამა ადრეული და სკოლამდელი დაწესებულების ადმინისტრირების მიმართულებით (აღნიშნული მოთხოვნა არ ვრცელდება მენეჯმენტის სპეციალობით ან განათლების ადმინისტრირების სპეციალიზაციით აკადემიური უმაღლესი განათლების მქონე პირებზე).

2. სტრატეგიულ მართვაზე პასუხისმგებელმა პერსონალმა იცის:

ა) სტრატეგიული გეგმის შედგენის, განხორციელებისა და შეფასების პრინციპები;

ბ) ორგანიზაციული ქცევის პრინციპები;

გ) ადრეული და სკოლამდელი განათლების მართვის პრინციპები;

დ) დაწესებულების წარმატებით ფუნქციონირების შიდა და გარე ფაქტორები.

ე) ადრეული განათლების პრინციპები;

ვ) კონვენცია ბავშვის უფლებების შესახებ;

ზ) „ადრეული და სკოლამდელი აღზრდისა და განათლების შესახებ“ საქართველოს კანონი; სასურველია ასევე ამ კანონის საფუძველზე მიღებული კანონქვემდებარე ნორმატიული აქტების ცოდნა;

თ) საქართველოს ორგანული კანონი „საქართველოს შრომის კოდექსი“;

ი) ბავშვის ჯანმრთელობის, ჯანსაღი კვების, უსაფრთხოების დაცვის პრინციპები;

კ) ფინანსური დოკუმენტაციის წარმოების პრინციპები;

ლ) ინვენტარიზაციის პროცედურები.

3. სტრატეგიულ მართვაზე პასუხისმგებელ პერსონალს შეუძლია:

ა) დაწესებულების საჭიროებების განსაზღვრა;

ბ) პერსონალის გაძღოლა, მიმართულების მიცემა;

გ) დაწესებულებაში გუნდური/თანამშრომლური გარემოს შექმნა;

დ) დაწესებულების შიდა და გარე პოლიტიკის მართვა და კომუნიკაცია;

ე) შესყიდვების დაგეგმვა;

ვ) წლიური ბიუჯეტის შედგენა;

ზ)კომპიუტერისა და მისი ძირითადი პროგრამების მოხმარებ