საგარეჯოს მუნიციპალიტეტის ხე-ტყით უზრუნველყოფის შესახებ

ა) საგარეჯოს მუნიციპალიტეტის სოფელ პატარძეულში არსებული სამამულო ომში დაღუპულთა მემორიალის სარეაბილიტაციო სამუშაოების განხორციელების მიზნით, საგარეჯოს მუნიციპალიტეტს გადაეცეს 5 (ხუთი) ინდივიდი მუხის ხე;

ბ) ამ განკარგულების „ა“ ქვეპუნქტით გათვალისწინებული მერქნული რესურსის მოსაპოვებლად, საგარეჯოს მუნიციპალიტეტს მიეცეს უფლება, სახელმწიფო ტყის ფონდის კახეთის სატყეო სამსახურის  საგარეჯო-გურჯაანის სატყეო უბნის ხაშმის სატყეოს  №17 კვარტლის №11 და №9 ლიტერებში სანიტარიული ჭრის წესით დაამზადოს 5 ინდივიდი მუხის ხე;

გ) საგარეჯოს მუნიციპალიტეტმა უზრუნველყოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით სანიტარიული ჭრისათვის დადგენილი ბუნებრივი რესურსებით სარგებლობის მოსაკრებლის გადახდა;

დ) საჯარო სამართლის იურიდიულმა პირმა – ეროვნულმა სატყეო სააგენტომ უზრუნველყოს ამ განკარგულების „ა“ ქვეპუნქტით განსაზღვრულ ხეებზე ხე-ტყის წარმოშობის დოკუმენტის გაცემა და სპეციალური ფირნიშებით მარკირება;

ე) საგარეჯოს მუნიციპალიტეტმა უზრუნველყოს ხე-ტყის წარმოშობის დოკუმენტის გაცემისთვის სსიპ – ეროვნული სატყეო სააგენტოს მომსახურების საფასურის (დღგ-ის ჩათვლით) – 1 კუბურ მეტრზე 3 (სამი) ლარის გადახდა.

პრემიერ-მინისტრი                                               გიორგი კვირიკაშვილი.