2019 წლის 19 მაისის შუალედური/რიგგარეშე არჩევნებისათვის საოლქო საარჩევნო კომისიის წევრთა სახელმძღვანელო ინსტრუქციის დამტკიცების თაობაზე

საოლქო საარჩევნო კომისიის წევრთა სახელმძღვანელო ინსტრუქცია

დამტკიცებულია ცესკოს 2019 წლის 6 აპრილის №14/2019 დადგენილებით

წარმოდგენილი სახელმძღვანელო ინსტრუქცია განკუთვნილია 2019 წლის 19 მაისის საქართველოს პარლამენტის შუალედური, მუნიციპალიტეტების მერების რიგგარეშე და საკრებულოების შუალედური არჩევნებისთვის საოლქო საარჩევნო კომისიის წევრთა სასწავლო მიზნებისთვის. საოლქო საარჩევნო კომისიის უფლებამოსილებებსა და საქმიანობის წესთან დაკავშირებული საკანონმდებლო რეგულაციების სრული სახით გაცნობის მიზნით, იხილეთ საქართველოს ორგანული კანონი „საქართველოს საარჩევნო კოდექსი“ და ცესკოს შესაბამისი სამართლებრივი აქტები.

სარჩევი

|ნაწილი I. საოლქო საარჩევნო კომისიის შემადგენლობა და მუშაობის წესი …………… |6 |

|თავი I. საოლქო საარჩევნო კომისიის დაკომპლექტების წესი და უფლებამოსილება…. |7 |

|საოლქო საარჩევნო კომისიის დაკომპლექტების წესი და უფლებამოსილების ვადა………… |7 |

|საოლქო საარჩევნო კომისიის უფლებამოსილებები ………………………………………………. |7 |

|საოლქო საარჩევნო კომისიის ხელმძღვანელი პირები და მათი უფლებამოსილებები……….. |8 |

|საოლქო საარჩევნო კომისიის სამართლებრივი აქტები…………………………………………. |9 |

|საოლქო საარჩევნო კომისიის ჩართულობა და შეზღუდვები წინასაარჩევნო აგიტაციაში/კამპანიაში………………………………………………………………………………………. |9 |

|თავი II. საოლქო საარჩევნო კომისიის მუშაობის წესი………………………………………….. |10 |

|საოლქო საარჩევნო კომისიის სხდომების მომზადება………………………………………... |10 |

|საოლქო საარჩევნო კომისიის სხდომის მიმდინარეობა…………………………………… |11 |

|საოლქო საარჩევნო კომისიის სხდომაზე განკარგულების მიღების წესი………………………… |12 |

|საოლქო საარჩევნო კომისიის სხდომის ოქმი…………………………………………………………. |12 |

|საოლქო საარჩევნო კომისიის საქმისწარმოების წესი ………………………………………………. |13 |

| | |

|ნაწილი II. საოლქო საარჩევნო კომისიის საქმიანობა წინასაარჩევნო პერიოდში……… |15 |

|თავი I. საუბნო საარჩევნო კომისიის პირველი სხდომის ორგანიზება……………………… |16 |

|საუბნო საარჩევნო კომისიის პირველი სხდომა ………………………………………………………. |16 |

|საუბნო საარჩევნო კომისიის თავმჯდომარის/კომისიის თავმჯდომარის მოადგილის/ კომისიის მდივნის არჩევის წესი …………………………………………………………………………. |16 |

|თავი II. გამოქვეყნებისა და მონაცემთა გადამოწმების წესი ………………………………... |17 |

|ამომრჩეველთა ერთიანი სია …………………………………………………………………………….. |17 |

|ამომრჩეველთა ერთიანი სიის საუბნო საარჩევნო კომისიისათვის გადაცემა და მისი გამოქვეყნების წესი ………………………………………………………………………………………… |17 |

|ამომრჩეველთა ერთიანი სიის მონაცემების გადამოწმება…………………………………………. |18 |

|ამომრჩეველთა სიების შემოწმების შედეგების განხილვა და გადაწყვეტილების მიღება ….. |19 |

|ამომრჩეველთა შესახებ მონაცემებთან/ამომრჩეველთა სიებთან დაკავშირებით საოლქო საარჩევნო კომისიის მიერ მიღებული გადაწყვეტილების გასაჩივრების ვადა და |20 |

|წესი ………. | |

|ამომრჩეველთა სპეციალური სია ………………………………………………………………………. |20 |

|გადასატანი საარჩევნო ყუთის სიის ფორმირების წესი …………………………………………….. |22 |

|თავი III. მზადება კენჭისყრის დღისთვის ………………………………………………………….. |23 |

|საარჩევნო დოკუმენტაციის და ინვენტარის გადაცემა საუბნო საარჩევნო კომისიისთვის …… |23 |

|კენჭისყრის შენობის მოწყობა …………………………………………………………………………….. |25 |

| | |

|ნაწილი III. საარჩევნო პროცესში მონაწილე პირთა რეგისტრაცია ……………………….. |26 |

|თავი I. დამკვირვებელთა, საარჩევნო სუბიექტების წარმომადგენელთა რეგისტრაცია, პრესისა და მასობრივი ინფორმაციის სხვა საშუალებების წარმომადგენელთა |27 |

|აკრედიტაცია ……………………………………………………………………………………………….. | |

|დამკვირვებელ ორგანიზაციათა რეგისტრაცია ……………………………………………………….. |27 |

|დამკვირვებელი ორგანიზაციის დამკვირვებელთა რეგისტრაციის ვადა……………………….. |29 |

|საარჩევნო სუბიექტის წარმომადგენელთა რეგისტრაცია ………………………………………… |30 |

|პრესისა და მასობრივი ინფორმაციის სხვა საშუალებათა წარმომადგენლების აკრედიტაცია. |31 |

|თავი II. საქართველოს პარლამენტის წევრობის კანდიდატის, მუნიციპალიტეტის საკრებულოს წევრობის კანდიდატისა და მერობის კანდიდატის წარდგენა/რეგისტრაცია |33 |

|…………………………………………………………………………………. | |

|ამომრჩეველთა საინიციატივო ჯგუფის რეგისტრაცია………………………………………………… |33 |

|ამომრჩეველთა საინიციატივო ჯგუფის მიერ წარდგენილი კანდიდატის რეგისტრაცია და მხარდამჭერთა სიების შემოწმება………...………………………………………………………………. |34 |

|პარტიის/საარჩევნო ბლოკის მიერ წარდგენილი კანდიდატების რეგისტრაცია...................... |36 |

|კანდიდატად წარდგენის შესახებ გადაწყვეტილების გაუქმება............................................... |38 |

|საარჩევნო სუბიექტების რიგითი ნომრის განსაზღვრა....................................................... |38 |

| | |

|ნაწილი IV. საოლქო საარჩევნო კომისიის საქმიანობა კენჭისყრის დღეს და კენჭისყრის დღის შემდგომ |40 |

|პერიოდში................................................................ | |

|თავი I. საუბნო საარჩევნო კომისიებთან კოორდინაცია/კომუნიკაცია........................ |41 |

|თავი II. დოკუმენტაციის მიღება/დახარისხება საოლქო საარჩევნო კომისიაში............ |41 |

|დოკუმენტაციის მიღება/დახარისხება................................................................................... |41 |

|საუბნო საარჩევნო კომისიის კენჭისყრის შედეგების შემაჯამებელი ოქმის შესწორების ოქმის შედგენა |43 |

|.................................................................................................................. | |

|საოლქო საარჩევნო კომისიის მიერ საუბნო საარჩევნო კომისიის კენჭისყრის შედეგების |43 |

|გადამოწმება....................................................................................................................... | |

|თავი III. არჩევნების კენჭისყრის შედეგების შეჯამება და არჩევნების შედეგების დადგენა |44 |

|....................................................................................................... | |

|მუნიციპალიტეტის საკრებულოს შუალედური და მუნიციპალიტეტის მერის რიგგარეშე არჩევნების შედეგების შეჯამება საოლქო საარჩევნო |44 |

|კომისიაში.......................................... | |

|პარლამენტის შუალედური არჩევნების კენჭისყრის შედეგების შეჯამება საოლქო საარჩევნო |45 |

|კომისიაში........................................................................................................................... | |

|არჩევნების შედეგების შემაჯამებელი ოქმის საჯაროობა...................................................... |46 |

| | |

|ნაწილი V. საოლქო საარჩევნო კომისიაში განცხადების/ საჩივრის შეტანისა და განხილვის |47 |

|წესები........................................................................................... | |

|თავი I. საარჩევნო დავებთან დაკავშირებული ადმინისტრაციული წარმოება ............ |48 |

|თავი II. კენჭისყრის დღის განცხადების/საჩივრის წარდგენა და რეგისტრაცია............ |49 |

|განცხადება/საჩივრის შემდგენი პირები და მათი უფლებები საუბნო და ზემდგომ საოლქო საარჩევნო |49 |

|კომისიაში......................................................................................................... | |

|საოლქო საარჩევნო კომისიაში განცხადების/საჩივრის რეგისტრაცია................................... |49 |

|ხარვეზის დადგენის წინაპირობები და განუხილველად დატოვების საფუძვლების |50 |

|შემოწმება........................................................................................................................... | |

|თავი III. კენჭისყრის დღის განცხადების/საჩივრის განხილვა.................................. |52 |

|თავი IV. საარჩევნო კანონმდებლობის დარღვევებზე (გარდა კენჭისყრის დღისა) წარდგენილი განცხადების/საჩივრის |54 |

|განხილვა..................................................... | |

|თავი V. საოლქო საარჩევნო კომისიის/კომისიის ხელმძღვანელ პირთა გადაწყვეტილებების გასაჩივრების ვადა და წესი |55 |

|................................................. | |

|დანართი N1. განცხადება/საჩივარი - სარეკომენდაციო ფორმა .......................................... |56 |

|დანართი N2. საარჩევნო კომისიაში წარდგენილი განცხადების/საჩივრის რეკვიზიტები....... |57 |

|დანართი N3. განცხადების/საჩივრის რეგისტრაციაში გატარების შესახებ ცნობის ნიმუში...... |58 |

|დანართი N4. მხარის ტექნიკური საშუალებებით დაბარების აქტი ....................................... |59 |

|დანართი N5. საარჩევნო კომისიის თავმჯდომარის განკარგულებით განცხადების/საჩივრის განუხილველად დატოვების შესახებ ინფორმაციის მხარისათვის შეტყობინების |60 |

|აქტი ............ | |

ნაწილი I

საოლქო საარჩევნო კომისიის შემადგენლობა და

მუშაობის წესი

თავი I.

საოლქო საარჩევნო კომისიის დაკომპლექტების წესი და უფლებამოსილების ვადა

(საარჩევნო კოდექსი - მუხლი 19; მუხლი 20)

საოლქო საარჩევნო კომისია შედგება 12 წევრისაგან:

← 5 წევრს ირჩევს ცენტრალური საარჩევნო კომისია (5 წლის ვადით);

← 6 წევრს ნიშნავენ პარტიები (ეს წევრები ინიშნებიან არჩევნების დანიშვნის შემდეგ და უფლებამოსილება უწყდებათ არჩევნების საბოლოო შედეგების გამოცხადებისთანავე);

← 1 წევრს ირჩევს ცესკო (აირჩევა არჩევნების დანიშვნის შემდეგ და უფლებამოსილება უწყდება არჩევნების საბოლოო შედეგების გამოცხადებისთანავე).

საოლქო საარჩევნო კომისიის უფლებამოსილებები

(საარჩევნო კოდექსი - მუხლი 21)

საოლქო საარჩევნო კომისია მის სამოქმედო ტერიტორიაზე ახორციელებს საქართველოს ორგანული კანონის „საქართველოს საარჩევნო კოდექსი“ 21-ე მუხლით გათვალისწინებულ უფლებამოსილებებს, მათ შორის:

← საარჩევნო ოლქში უზრუნველყოფს არჩევნების გამართვას, აკონტროლებს საქართველოს საარჩევნო კანონმდებლობის შესრულებას და უზრუნველყოფს მის ერთგვაროვნად გამოყენებას;

← განკარგულებით ქმნის და აზუსტებს საარჩევნო უბნების საზღვრებს;

← დადგენილი წესით ხელს უწყობს ამომრჩეველთა სიების ფორმირებას, უზრუნველყოფს მათ საჯაროობასა და ხელმისაწვდომობას;

← განკარგულებით ანიჭებს ადგილობრივ არასამეწარმეო (არაკომერციულ) იურიდიულ პირს ადგილობრივი დამკვირვებლის სტატუსს;

← განიხილავს საარჩევნო პროცესთან დაკავშირებულ განცხადებებსა და საჩივრებს და თავისი უფლებამოსილების ფარგლებში იღებს სათანადო გადაწყვეტილებას;

← საუბნო საარჩევნო კომისიების კენჭისყრის შედეგების შემაჯამებელი ოქმების საფუძველზე, საქართველოს საარჩევნო კანონმდებლობის დარღვევის განხილვის შედეგების გათვალისწინებით, აჯამებს არჩევნების შედეგებს და ადგენს საარჩევნო ოლქში გამართული კენჭისყრისა და არჩევნების შედეგების შემაჯამებელ ოქმს;

← განკარგულებით ირჩევს საოლქო საარჩევნო კომისიის წარმომადგენლებს და განსაზღვრავს მათ უფლებამოსილებებს;

← უზრუნველყოფს ხელახალი არჩევნების, განმეორებითი კენჭისყრისა და არჩევნების მეორე ტურის გამართვას.

საოლქო საარჩევნო კომისიის ხელმძღვანელი პირები და მათი უფლებამოსილებები

(საარჩევნო კოდექსი ‒ მუხლი 8; მუხლი 20; მუხლი 22; მუხლი 25; საოლქო საარჩევნო კომისიის რეგლამენტი ‒ მუხლი 1; მუხლი 2; მუხლი 4; მუხლი 9.4; საუბნო საარჩევნო კომისიის რეგლამენტი ‒ მუხლი 1)

საოლქო საარჩევნო კომისიის ხელმძღვანელი პირები არიან:

← კომისიის თავმჯდომარე;

← თავმჯდომარის მოადგილე;

← კომისიის მდივანი.

კომისიის თავმჯდომარე:

← უძღვება კომისიის სხდომას;

← განკარგავს კომისიის ფინანსურ სახსრებს;

← საარჩევნო ადმინისტრაციის რეგლამენტის შესაბამისად დავალებას აძლევს თავმჯდო- მარის მოადგილეს, კომისიის მდივანსა და კომისიის სხვა წევრებს, დამხმარე და ტექნიკურ პერსონალს;

← იწვევს საუბნო საარჩევნო კომისიის პირველ სხდომას;

← შრომით ხელშეკრულებებს დებს საოლქო საარჩევნო კომისიის დამხმარე და ტექნიკურ პერსონალთან;

← საარჩევნო კომისიის მუშაობისათვის ხელის შეშლისა და წესრიგის დარღვევის შემთხვევაში განკარგულებით იღებს გადაწყვეტილებას საოლქო საარჩევნო კომისიის შენობიდან დამრღვევის გაძევების საკითხზე (სხდომის მიმდინარეობისას სხდომიდან გაძევების საკითხზე გადაწყვეტილებას იღებს კომისია);

← განკარგულებით განსაზღვრავს საუბნო საარჩევნო კომისიის სამუშაო დღეებისა და საათების რაოდენობას;

← საქართველოს ორგანული კანონით „საქართველოს საარჩევნო კოდექსი“ განსაზღვრუ- ლი საფუძვლის არსებობისას, ამავე კოდექსისა და „საარჩევნო ადმინისტრაციაში განცხადება/საჩივრის შეტანისა და განხილვის ინსტრუქციის დამტკიცების შესახებ“ ცესკოს 2012 წლის 2 მარტის N8/2012 დადგენილების შესაბამისად, გამოსცემს განკარგულებას განცხადების/საჩივრის განუხილველად დატოვების შესახებ;

← ახორციელებს საქართველოს საარჩევნო კანონმდებლობით მინიჭებულ სხვა უფლება- მოსილებებს.

თავმჯდომარის მოადგილე:

← ასრულებს კომისიის თავმჯდომარის მოვალეობას, თუ კომისიას არ ჰყავს თავმჯდომარე ან მას არ შეუძლია თავისი მოვალეობის შესრულება;

← კომისიის თავმჯდომარის განკარგულებით ახორციელებს კომისიის თავმჯდომარის ცალკეულ უფლებამოსილებას (განკარგულებით ზუსტად უნდა განისაზღვროს მინიჭებული უფლებამოსილების ფარგლები და ვადა).

კომისიის მდივანი:

← ანაწილებს კომისიაში შეტანილ საარჩევნო საბუთებსა და კორესპონდენციას;

← განკარგულებით რეგისტრაციაში ატარებს ცესკოში რეგისტრირებული პარტიის/ საარჩევნო ბლოკის, ამომრჩეველთა საინიციატივო ჯგუფის წარმომადგენლებს და აძლევს მათ სათანადო მოწმობებს;

← განკარგულებით რეგისტრაციაში ატარებს არჩევნების დამკვირვებლის სტატუსის მქონე არასამეწარმეო (არაკომერციული) იურიდიული პირის მიერ საოლქო და საუბნო საარჩევნო კომისიებში დანიშნულ დამკვირვებლებს და აძლევს მათ დამკვირვებლის მოწმობებს;

← ამზადებს კომისიის განკარგულებათა პროექტებს, ადგენს კომისიის სხდომათა ოქმებს;

← ახორციელებს საქართველოს საარჩევნო კანონმდებლობით მინიჭებულ სხვა უფლებამოსილებებს.

საოლქო საარჩევნო კომისიის სამართლებრივი აქტები

(საარჩევნო კოდექსი - მუხლი 30.1. ბ; საოლქო საარჩევნო კომისიის რეგლამენტი - მუხლი 7)

საოლქო საარჩევნო კომისიის სამართლებრივი აქტებია:

← კომისიის განკარგულება;

← კომისიის თავმჯდომარის განკარგულება;

← კომისიის მდივნის განკარგულება;

← კომისიის კენჭისყრისა და არჩევნების შედეგების შემაჯამებელი ოქმები.

საოლქო საარჩევნო კომისიის ჩართულობა და შეზღუდვები წინასაარჩევნო აგიტაციაში/კამპანიაში (საარჩევნო კოდექსი - მუხლი 45.4.ა; მუხლი 45.9-10; მუხლი 46.4)

საოლქო საარჩევნო კომისია იღებს ინფორმაციას ადგილობრივი თვითმმართველობის ორგანოებიდან იმ შენობა-ნაგებობების შესახებ, სადაც შესაძლებელია ჩატარდეს წინასაარჩევნო კამპანია (აგიტაცია), აგრეთვე ინფორმაციას სააგიტაციო მასალის გასაკრავად და გამოსაფენად გამოყოფილი ადგილების ან/და დადგმული სტენდების თაობაზე.

საოლქო საარჩევნო კომისია უზრუნველყოფს გამოყოფილი შენობა-ნაგებობების ნუსხის გასაჯაროებას მისი მიღებიდან 2 დღის ვადაში, აგრეთვე ამ შენობა-ნაგებობების თანაბარ ხელმისაწვდომობას ყველა პოლიტიკური პარტიისა და საარჩევნო სუბიექტისათვის და მათთან შეთანხმებით ადგენს საარჩევნო ღონისძიებათა გამართვის განრიგს (თუ მოხდა ღონისძიებათა გადაფარვა და საარჩევნო სუბიექტები ვერ შეთანხმდებიან, ღონისძიებათა თანამიმდევრობა წილისყრით განისაზღვრება).

საოლქო საარჩევნო კომისიამ შენობა-ნაგებობის გამოყენების მოთხოვნის თაობაზე საარჩევნო სუბიექტის შესაბამის მიმართვას წერილობით, დასაბუთებულად უნდა უპასუხოს მიმართვიდან არაუგვიანეს 24 საათისა. ამ ვადაში პასუხის გაუცემლობა მიმართვაზე თანხმობად ჩაითვლება.

თავი II.

საოლქო საარჩევნო კომისიის სხდომების მომზადება

(საარჩევნო კოდექსი - მუხლი 8; საოლქო საარჩევნო კომისიის რეგლამენტი - მუხლი 9-10)

საოლქო საარჩევნო კომისიის თავმჯდომარე საკუთარი ინიციატივით ან მისი მოადგილის მოთხოვნით იწვევს კომისიის სხდომას.

კომისიის მდივანი სხდომის მოწვევის შესახებ გადაწყვეტილების მიღებისთანავე საოლქო საარჩევნო კომისიაში თვალსაჩინო ადგილას აკრავს განცხადებას სხდომის მოწვევის შესახებ, სხდომის თარიღის, ზუსტი დროისა და სავარაუდო დღის წესრიგის მითითებით.

თავმჯდომარის მოადგილე, ხოლო მისი არყოფნის შემთხვევაში კომისიის მდივანი, პირადად არის პასუხისმგებელი სხდომის თარიღი და მისი დაწყების ზუსტი დრო შეატყობინოს კომისიის ყველა წევრს.

საოლქო საარჩევნო კომისიის სხდომა ღიაა. კომისიის სხდომაზე დასწრების უფლება აქვთ მხოლოდ:

← ცესკოს წევრებსა და ცესკოს წარმომადგენლებს;

← ცესკოს აპარატის და შესაბამისი საოლქო საარჩევნო კომისიის თანამშრომლებს;

← ცესკოს მდივნის ან/და შესაბამისი საოლქო საარჩევნო კომისიის მდივნის მიერ აკრედიტებულ მედიის წარმომადგენლებს;

← საარჩევნო სუბიექტების თითო წარმომადგენელს შესაბამის საოლქო საარჩევნო კომისიაში;

← ცესკოს მდივნის ან/და შესაბამისი საოლქო საარჩევნო კომისიის მდივნის მიერ რეგისტრირებული ადგილობრივი დამკვირვებელი ორგანიზაციის თითო დამკვირვებელს;

← ცესკოში რეგისტრირებულ საერთაშორისო ორგანიზაციის არაუმეტეს ორ დამკვირვებელს თარჯიმანთან ერთად;

← კონკრეტული საკითხის/საკითხების განსახილველად მოწვეულ დაინტერესებულ მხარეებს, (რომლებიც დღის წესრიგით გათვალისწინებულ შესაბამის საკითხზე გადაწყვეტილების მიღებისთანავე ტოვებენ სხდომას).

კომისიის სხდომაზე დასწრების უფლების მქონე პირებს, კომისიის სხდომისთვის ხელის შეშლის გარეშე, შეუძლიათ აწარმოონ ფოტო-ვიდეოგადაღება, ცესკოს 2017 წლის 21 აგვისტოს N33/2017 დადგენილებით განსაზღვრული წესის შესაბამისად.

საოლქო საარჩევნო კომისიის სხდომის მიმდინარეობისას, საარჩევნო კომისიის მუშაობისათვის ხელის შეშლისა და წესრიგის დარღვევის შემთხვევაში, კომისიას უფლება აქვს მიიღოს გადაწყვეტილება დამრღვევი პირის (მათ შორის, კომისიის წევრის) კომისიის სხდომიდან გაძევების შესახებ, რაც აღინიშნება სხდომის ოქმში. დამრღვევის საარჩევნო კომისიის სხდომიდან გაძევება გულისხმობს მის საარჩევნო კომისიის შენობიდან გაძევებასაც.

საოლქო საარჩევნო კომისიის სხდომის მიმდინარეობა

(საარჩევნო კოდექსი - მუხლი 8.3; საოლქო საარჩევნო კომისიის რეგლამენტი - მუხლი 9; მუხლი 10)

საოლქო საარჩევნო კომისიის სხდომას უძღვება კომისიის თავმჯდომარე ან მისი დავალებით - თავმჯდომარის მოადგილე. სხდომა უფლებამოსილია, თუ მას ესწრება კომისიის სრული შემადგენლობის (12 წევრი) უმრავლესობა (კომისიის არანაკლებ 7 წევრი). კომისიის წევრები სხდომაზე დასწრებას დასწრების ფურცელზე ხელმოწერით ადასტურებენ. კომისიის სხდომის დღის წესრიგს ამზადებს კომისიის მდივანი.

კომისიის ყველა წევრს დღის წესრიგით გათვალისწინებულ საკითხთან დაკავშირებით, სხდომის თავმჯდომარის მიერ დადგენილი რიგითობის შესაბამისად, უფლება აქვს სიტყვით გამოვიდეს 2 წუთის განმავლობაში. იგივე საკითხთან დაკავშირებით მას უფლება აქვს დამატებით გამოვიდეს სიტყვით 2 წუთის განმავლობაში სხდომის თავმჯდომარის ნებართვით.

საარჩევნო კომისიის წევრებს ან/და კომისიის თანამშრომლებს, როგორც განსახილველ საკითხზე მომხსენებლებს, სხდომაზე გამოსვლისათვის ეძლევათ არაუმეტეს 10 წუთისა და საჭიროებისამებრ, სხდომის თავმჯდომარის გადაწყვეტილებით შეიძლება დაემატოთ არაუმეტეს 5 წუთისა.

კონკრეტული საკითხის განხილვისას, სხდომის თავმჯდომარის თანხმობითა და მის მიერ განსაზღვრული დროით, კომისიის წევრების შემდეგ, სხდომაზე დასწრების უფლების მქონე და განსახილველი საკითხის განხილვაში მონაწილე დაინტერესებულ პირებს შეიძლება მიეცეთ დრო, რომელიც უნდა იყოს გონივრული და ერთჯერადად არ უნდა აღემატებოდეს 2 წუთს. ერთსა და იმავე საკითხზე, ერთსა და იმავე პირის მიმართ, სხდომის თავმჯდომარეს შეუძლია მიიღოს გადაწყვეტილება, საჭიროებისამებრ, დამატებითი დროის გამოყოფის შესახებ, რომელიც არ უნდა აღემატებოდეს 2 წუთს.

სხდომაზე საკითხის განხილვის პროცესში მხარეებისათვის და მხარის მიერ კითხვების დასმა და მასზე პასუხების გაცემა დასაშვებია მხოლოდ სხდომის თავმჯდომარის ნებართვით.

საოლქო საარჩევნო კომისიის სხდომაზე განკარგულების მიღების წესი

(საარჩევნო კოდექსი - მუხლი 8.4; მუხლი 8.5; მუხლი 8.6; საოლქო საარჩევნო კომისიის რეგლამენტი - მუხლი 7; მუხლი 10)

საოლქო საარჩევნო კომისიის განკარგულების პროექტს ამზადებს კომისიის მდივანი. კომისიის განკარგულება მიღებულად ჩაითვლება, თუ მას მხარს დაუჭერს კომისიის სხდომაზე დამსწრეთა უმრავლესობა (თუ საარჩევნო კოდექსით უფრო მაღალი კვორუმი არ არის დადგენილი), მაგრამ არანაკლებ კომისიის სრული შემადგენლობის ერთი მესამედისა (არანაკლებ 4 წევრი).

საოლქო საარჩევნო კომისიის სხდომაზე ხმების თანაბრად გაყოფის შემთხვევაში გადამწყვეტად ითვლება სხდომის თავმჯდომარის ხმა, გარდა საკადრო საკითხებზე გადაწყვეტილების მიღებისას (არანაკლებ 7 ხმა) და საარჩევნო უბნის კენჭისყრის შედეგების გაუქმების, საუბნო საარჩევნო კომისიიდან შემოსული პაკეტების გახსნის და საარჩევნო ბიულეტენების გადათვლის შესახებ გადაწყვეტილებების მიღებისას (მიიღება სხდომაზე დამსწრეთა არანაკლებ ორი მესამედით).

კომისიის განკარგულებას ხელს აწერენ კომისიის სხდომის თავმჯდომარე და კომისიის მდივანი.

საოლქო საარჩევნო კომისიის სხდომის ოქმი

(საარჩევნო კოდექსი - მუხლი 8.7-9; საოლქო საარჩევნო კომისიის რეგლამენტი - მუხლი 9)

საოლქო საარჩევნო კომისიის სხდომაზე საკითხთა განხილვისა და გადაწყვეტილებათა მიღების მიმდინარეობა ფიქსირდება სხდომის ოქმში. სხდომის ოქმს ხელს აწერენ სხდომის თავმჯდომარე და კომისიის მდივანი. კომისიის მდივანი სხდომის ოქმს აფორმებს სხდომიდან 1 დღის ვადაში, ხოლო ოქმზე უთითებს სხდომის გამართვის თარიღს.

საოლქო საარჩევნო კომისიის საქმისწარმოების წესი

(საოლქო საარჩევნო კომისიის რეგლამენტი - მუხლი 11)

საოლქო საარჩევნო კომისიაში წარმოებს სარეგისტრაციო ჟურნალები - კომისიაში შემოსული და კომისიიდან გასული წერილების სარეგისტრაციო, ასლის გაცემის/დამოწმების სარეგისტრაციო და საკონკურსო განაცხადების აღრიცხვის ჟურნალები, რომლის წარმოებაზე პასუხისმგებელია კომისიის მდივანი.

კომისია კორესპონდენციას/დოკუმენტებს (მათ შორის ელექტრონული ფორმით ელექტრონულ ფოსტაზე შემოსულ კორესპონდენციას/დოკუმენტებს) იღებს სამუშაო დღის 10:00 სთ-დან 18:00 სთ-მდე, „საქართველოს ცენტრალური საარჩევნო კომისიის აპარატისა და საოლქო საარჩევნო კომისიების საქმისწარმოების წესის დამტკიცების შესახებ“ ცესკოს თავმჯდომარის 2016 წლის 31 მარტის N01-47 ბრძანების დანართი 2-ით განსაზღვრული საოლქო საარჩევნო კომისიების საქმისწარმოების წესის შესაბამისად.

ყოველი დღის 18:00 საათზე (გარდა კენჭისყრის დღისა) კომისიის მდივანი ხურავს სარეგისტრაციო ჟურნალებს თუ სამუშაო დღის განმავლობაში რეგისტრაციაში გატარდა განცხადება/წერილი ან სხვა სახის კორესპონდენცია. ამ მიზნით, კომისიის მდივანი, თითოეული სახის ჟურნალში უკანასკნელი ჩანაწერის შემდგომ მიუთითებს „ჟურნალი დაიხურა“, ზუსტი დროს მითითებით, რასაც ადასტურებს ხელმოწერით. ჟურნალის/ჟურნალების დახურვის შემდეგ იკრძალება მასში რაიმე დოკუმენტის რეგისტრაცია.

საოლქო საარჩევნო კომისია ვალდებულია საჯარო ინფორმაცია მიკუთვნებული საარჩევნო დოკუმენტაცია და არჩევნების შესახებ ინფორმაცია მათი მოთხოვნიდან 2 დღის ვადაში გააცნოს ყველა დაინტერესებულ პირს. თუ აღნიშნული ინფორმაციის გაცემა მეტ დროს მოითხოვს, საჯარო ინფორმაციის გაცემა ხორციელდება საქართველოს ზოგადი ადმინისტრაციული კოდექსით დადგენილი წესით.

ნაწილი II

საოლქო საარჩევნო კომისიის საქმიანობა წინასაარჩევნო

პერიოდში

თავი I.

საუბნო საარჩევნო კომისიის პირველი სხდომა

(საარჩევნო კოდექსი - მუხლი 8.23; მუხლი 25.21)

საუბნო საარჩევნო კომისიის პირველი სხდომა იმართება არჩევნების დღემდე არაუგვიანეს 30-ე დღისა (19 აპრილი). პირველი სხდომა მოიწვევა საოლქო საარჩევნო კომისიის თავმჯდომარის მიერ, რის თაობაზეც გამოსცემს განკარგულებას. საუბნო საარჩევნო კომისიის სხდომა უფლებამოსილია, თუ მას ესწრება საუბნო საარჩევნო კომისიის სრული შემადგენლობის უმრავლესობა, მაგრამ კომისიის არანაკლებ 7 წევრი. სხდომას, კომისიის თავმჯდომარის არჩევამდე, ხელმძღვანელობს კომისიის უხუცესი წევრი.

საუბნო საარჩევნო კომისიის თავმჯდომარის/კომისიის თავმჯდომარის მოადგილის/ კომისიის მდივნის არჩევის წესი (საარჩევნო კოდექსი - მუხლი 25)

საუბნო საარჩევნო კომისიის თავმჯდომარე, თავმჯდომარის მოადგილე და კომისიის მდივანი ირჩევა კომისიის პირველივე სხდომაზე კომისიის წევრთაგან, სახელობითი კენჭისყრით, კომისიის სრული შემადგენლობის უმრავლესობით. კანდიდატურის წარდგენის უფლება აქვს კომისიის არანაკლებ 2 წევრს.

საუბნო საარჩევნო კომისიის სხდომაზე დგება ოქმი, რომელსაც ხელს აწერენ სხდომის თავმჯდომარე და კომისიის მდივანი. სხდომის ოქმი ფორმდება სხდომიდან 1 დღის ვადაში, ხოლო ოქმზე მიეთითება სხდომის გამართვის თარიღი. საუბნო საარჩევნო კომისიის თავმჯდომარის/ თავმჯდომარის მოადგილის/კომისიის მდივნის არჩევა ფორმდება საუბნო საარჩევნო კომისიის განკარგულებით. თუ დადგენილ ვადაში ვერ აირჩა საარჩევნო კომისიის თავმჯდომარე/თავმჯდომარის მოადგილე/კომისიის მდივანი, აღნიშნული თანამდებობის პირის მოვალეობას მის არჩევამდე ასრულებს კომისიის ის წევრი, რომელიც კენჭისყრისას ყველაზე მეტ ხმას მიიღებს, ხოლო ხმათა თანაბრობის შემთხვევაში – მათგან წილისყრით განსაზღვრული პირი.

თავი II.

ამომრჩეველთა ერთიანი სია (საარჩევნო კოდექსი - მუხლი 31)

ამომრჩეველთა ერთიანი სია არის საქართველოს კანონმდებლობით დადგენილი წესით რეგისტრირებულ, აქტიური საარჩევნო უფლების მქონე პირთა სია, რომელიც იყოფა საარჩევნო უბნების მიხედვით. ამომრჩეველთა ერთიანი სია დგება საქართველოს იუსტიციის სამინისტროს სახელმწიფო სერვისების განვითარების სააგენტოს, სხვა შესაბამისი სამინისტროებისა და უწყებების მიერ მოწოდებული მონაცემების საფუძველზე. ცესკო პასუხისმგებელია ამომრჩეველთა ერთიანი სიის ფორმირებაზე, მისი კომპიუტერული დამუშავებისა და საჯარო ინფორმაციისთვის მიკუთვნებული ნაწილის ცესკოს ოფიციალურ ვებგვერდზე განთავსებაზე.

ამომრჩეველთა ერთიან სიაში შეიტანება ამომრჩევლის შესახებ შემდეგი მონაცემები:

← გვარი, სახელი;

← დაბადების თარიღი (რიცხვი, თვე, წელი);

← მისამართი (საქართველოს მოქალაქის პირადობის მოწმობის ან სახელმწიფო სერვისების განვითარების სააგენტოს მონაცემთა ბაზის მიხედვით, რომელიც მოიცავს აგრეთვე საზღვარგარეთ რეგისტრაციის ადგილს);

← საქართველოს მოქალაქის პირადი ნომერი;

← ფაქტობრივი საცხოვრებელი ადგილი (საქართველოს ოკუპირებული ტერიტორიიდან იძულებით გადაადგილებული პირისთვის, მისამართის მითითების გარეშე რეგისტრირებული პირისთვის, საცხოვრებელი ადგილის მიხედვით რეგისტრაციიდან მოხსნილი პირისთვის, აგრეთვე პირისთვის, რომლის რეგისტრაციაც ძალადაკარგულად გამოცხადდა სახელმწიფო სერვისების განვითარების სააგენტოს გადაწყვეტილებით, აღინიშნება დროებითი საცხოვრებლის მისამართი; სხვა სახელმწიფოში მყოფი პირისთვის მიეთითება „საკონსულო აღრიცხვაზეა“, ხოლო თუ ასეთი პირი არ დგას საქართველოს საკონსულო აღრიცხვაზე – „იმყოფება უცხოეთში“);

← ამომრჩეველთა ერთიან სიაში რეგისტრაციის თარიღი;

← სქესი;

← ფოტოსურათი (სახელმწიფო სერვისების განვითარების სააგენტოს მონაცემთა ელექტრონულ ბაზაში არსებული უახლესი ფოტოსურათი ციფრულ ფორმატში).

ამომრჩეველთა ერთიანი სიის საუბნო საარჩევნო კომისიისათვის გადაცემა და მისი გამოქვეყნების წესი (საარჩევნო კოდექსი - მუხლი 31.11; მუხლი 34.1)

საოლქო საარჩევნო კომისია მის სამოქმედო ტერიტორიაზე არსებულ საუბნო საარჩევნო კომისიებს არაუგვიანეს პირველი შეკრების დღისა (კენჭისყრის დღემდე არაუგვიანეს 30-ე დღე (19 აპრილი) გადასცემს ცესკოს მიერ დამოწმებულ ამომრჩეველთა ერთიანი სიის საჯარო ინფორმაციისთვის მიკუთვნებულ ვერსიას (კედლის სია).

ამომრჩეველთა ერთიანი სიის საჯარო ინფორმაციისთვის მიკუთვნებული ვერსია (კედლის სია - ფოტოსურათების გარეშე) და მათთან დაკავშირებით საჩივრის შეტანის კანონით განსაზღვრული წესი დაუყოვნებლივ უნდა გამოიკრას კენჭისყრის შენობაში თვალსაჩინო ადგილას.

საუბნო საარჩევნო კომისიას კენჭისყრის დღემდე არაუგვიანეს მე-2 დღისა (17 მაისი) გადაეცემა დაზუსტებული სიების საბოლოო ვერსიები:

← საარჩევნო კომისიისათვის განკუთვნილი ვერსია (სამაგიდო სია);

← საჯარო ინფორმაციისთვის მიკუთვნებული ვერსია (კედლის სია).

ამომრჩეველთა ერთიანი სიის მონაცემების გადამოწმება

(საარჩევნო კოდექსი - მუხლი 31.7-71)

საარჩევნო რეგისტრაციის მქონე პარტიას, საარჩევნო ბლოკს, საარჩევნო კოდექსის შესაბამისად რეგისტრირებულ ამომრჩეველთა საინიციატივო ჯგუფს, საარჩევნო კოდექსის 39-ე მუხლით განსაზღვრულ დამკვირვებელ ორგანიზაციას, ამომრჩეველს უფლება აქვს გაეცნოს ცესკოში, საოლქო და საუბნო საარჩევნო კომისიებში არსებულ ამომრჩეველთა სიების საჯარო ინფორმაციისათვის მიკუთვნებულ ვერსიას (ამომრჩეველთა საინიციატივო ჯგუფს უფლება აქვს გაეცნოს მხოლოდ შესაბამისი მაჟორიტარული საარჩევნო ოლქის საზღვრებში რეგისტრირებულ ამომრჩეველთა სიის საჯარო ინფორმაციისთვის განკუთვნილ ვერსიას, ხოლო ამომრჩეველს უფლება აქვს, მოითხოვოს მხოლოდ მის და მისი ოჯახის წევრთა შესახებ არსებული ყველა მონაცემის გაცნობა და მათში ცვლილების შეტანა) და უზუსტობების აღმოჩენის შემთხვევაში არჩევნების დღემდე არაუგვიანეს მე-18 დღისა (1 მაისი), მოითხოვონ ამომრჩეველთა შესახებ მონაცემებსა და ამომრჩეველთა სიებში ცვლილებების შეტანა.

ამომრჩეველთა სიებში ცვლილებების შეტანის თაობაზე განცხადებები შეიტანება საოლქო საარჩევნო კომისიაში, ასევე საუბნო საარჩევნო კომისიაში. საუბნო საარჩევნო კომისია განცხადებებს (თანდართული დოკუმენტებით - ასეთის არსებობის შემთხვევაში) ამომრჩეველთა სიებში ცვლილების შეტანის თაობაზე დაუყოვნებლივ გადასცემს ზემდგომ საოლქო საარჩევნო კომისიას.

ამომრჩეველთა სიების შემოწმების შედეგების განხილვა და გადაწყვეტილების მიღება (საარჩევნო კოდექსი - მუხლი 21.მ; მუხლი 26.2; მუხლი 31.8-9)

საარჩევნო პერიოდში საარჩევნო ადმინისტრაცია საკუთარი ინიციატივითა და განცხადებების/საჩივრების საფუძველზე ამოწმებს ამომრჩეველთა სიებს. შემოწმების შედეგებს განიხილავს და სათანადო გადაწყვეტილებას იღებს საოლქო საარჩევნო კომისია განცხადებისა და საუბნო საარჩევნო კომისიების წინადადებების (სიებში ცვლილების შეტანის შესახებ - ასეთის არსებობის შემთხვევაში) მიღებიდან 2 დღის ვადაში, მაგრამ არჩევნების დღემდე არაუგვიანეს მე-16 დღისა (3 მაისი).

საოლქო საარჩევნო კომისიის განკარგულება ამომრჩეველთა შესახებ მონაცემებში/ ამომრჩეველთა სიებში ცვლილების შეტანაზე უარის თქმის შესახებ დასაბუთებული უნდა იყოს და მისი გამოცემის მომდევნო დღიდან, მოთხოვნისთანავე უნდა გადაეცეს განმცხადებელს, ხოლო საოლქო საარჩევნო კომისიის განკარგულება ამომრჩეველთა შესახებ მონაცემებში/ ამომრჩეველთა სიებში ცვლილების შეტანის შესახებ 2 დღის ვადაში გადაეცემა ცესკოსა და შესაბამის საუბნო საარჩევნო კომისიას.

ამომრჩეველთა შესახებ მონაცემებთან/ამომრჩეველთა სიებთან დაკავშირებით საოლქო საარჩევნო კომისიის მიერ მიღებული გადაწყვეტილების გასაჩივრების ვადა და წესი (საარჩევნო კოდექსი - მუხლი 31.10)

საოლქო საარჩევნო კომისიის განკარგულება ამომრჩეველთა შესახებ მონაცემებში/ ამომრჩეველთა სიებში ცვლილების შეტანაზე უარის თქმის შესახებ გამოცემიდან 2 დღის ვადაში შეიძლება გასაჩივრდეს შესაბამის რაიონულ/საქალაქო სასამართლოში.

სასამართლოს მიერ სარჩელის დაკმაყოფილების შემთხვევაში სასამართლოს გადაწყვეტილება 2 დღის ვადაში, მაგრამ არჩევნების დღემდე არაუგვიანეს მე-13 დღისა (6 მაისი), უნდა გადაეცეს საოლქო საარჩევნო კომისიას. საოლქო საარჩევნო კომისიამ სათანადო ინფორმაცია დაუყოვნებლივ უნდა მიაწოდოს საქართველოს ცენტრალურ საარჩევნო კომისიას და შესაბამის საუბნო საარჩევნო კომისიას. საოლქო საარჩევნო კომისიამ სათანადო ცვლილება დაუყოვნებლივ, განკარგულებით უნდა შეიტანოს ამომრჩეველთა შესახებ მონაცემებში/ამომრჩეველთა სიებში.

ამომრჩეველთა სპეციალური სია (საარჩევნო კოდექსი - მუხლი 32)

საოლქო საარჩევნო კომისია კენჭისყრის დღემდე არაუგვიანეს მე-3 დღისა (16 მაისი) ადგენს და განკარგულებით ამტკიცებს ამომრჩეველთა სპეციალურ სიას და ამავე კომისიის თავმჯდომარისა და მდივნის ხელმოწერით დაუყოვნებლივ გადასცემს შესაბამის საუბნო საარჩევნო კომისიას. ამომრჩეველთა სპეციალურ სიაში შეიტანება ამომრჩევლის შესახებ იგივე მონაცემები, რომლებიც არის ამომრჩეველთა ერთიან სიაში, ფოტოსურათით ან ფოტოსურათის გარეშე (საარჩევნო კოდექსი - მუხლი 32.71).

საოლქო საარჩევნო კომისიას ამომრჩეველთა სპეციალურ სიაში შეყავს:

← საარჩევნო ადმინისტრაციის მოხელეები, რომლებიც საარჩევნო კომისიებში საქმიანობის გამო კენჭისყრის დღეს ვერ მონაწილეობენ არჩევნებში თავიანთი რეგისტრაციის ადგილის მიხედვით (საოლქო საარჩევნო კომისიას ეს პირები სიაში შეჰყავს წინასწარ განსაზღვრულ საარჩევნო უბანში, კენჭისყრამდე არაუგვიანეს მე-5 დღისა (14 მაისი));

← ამომრჩევლები, რომლებიც სამკურნალოდ წვანან საავადმყოფოში ან სხვა სტაციონარულ სამკურნალო დაწესებულებაში და მათი ჯანმრთელობის მდგომარეობიდან გამომდინარე, კენჭისყრის დღისთვის ვერ იქნებიან გაწერილი ამ დაწესებულებიდან (ამ პირთა სიას სამკურნალო დაწესებულების ხელმძღვანელი გადასცემს საოლქო საარჩევნო კომისიას კენჭისყრამდე არაუგვიანეს მე-6 დღისა (13 მაისი));

← ამომრჩევლები, რომლებიც კენჭისყრის დღეს პატიმრობაში იმყოფებიან (საოლქო საარჩევნო კომისიას ამ პირთა სიას გადასცემს პენიტენციური დაწესებულების ხელმძღვანელი კენჭისყრამდე არაუგვიანეს მე-6 დღისა (13 მაისი));

← ამომრჩევლები, რომლებიც კენჭისყრის დღეს ადმინისტრაციულ პატიმრობაში იმყოფებიან. (საოლქო საარჩევნო კომისიას ამ პირთა სიას გადასცემს შესაბამისი დაწესებულების ხელმძღვანელი კენჭისყრამდე არაუგვიანეს 4 დღისა (15 მაისი)).

← საქართველოს თავდაცვის სამინისტროს, საქართველოს შინაგან საქმეთა სამინისტროს, საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების − სპეციალური პენიტენციური სამსახურის, საქართველოს სახელმწიფო უსაფრთხოების სამსახურის, საქართველოს დაზვერვის სამსახურისა და სახელმწიფო დაცვის სპეციალური სამსახურის სამხედრო მოსამსახურეები და სპეციალური წოდების მქონე პირები, რომელთა სამსახურის პირობები ან ჯანმრთელობის მდგომარეობა არჩევნების დღეს მოითხოვს მათ ყოფნას რეგისტრაციის ადგილისაგან განსხვავებულ მისამართზე, რომელიც სხვა საარჩევნო ოლქს მიეკუთვნება (საოლქო საარჩევნო კომისიას ამ პირთა სიას გადასცემენ შესაბამისი სამხედრო დანაყოფების/ნაწილების მეთაურები ან შესაბამისი დაწესებულებების/დანაყოფების ხელმძღვანელები კენჭისყრის დღემდე არაუგვიანეს 25-ე დღისა (24 აპრილი), ხოლო სამხედრო სამსახურში გაწვევის შედეგების გათვალისწინებით - კენჭისყრამდე არაუგვიანეს მე-6 დღისა 13 მაისი)). სპეციალურ სიაში ასევე შეიტანება ამ კატეგორიის ამომრჩევლის შესაბამისი დისლოკაციის ადგილზე სამსახურის დაწყების და დასრულების თარიღები;

← შუალედური არჩევნებისას, აგრეთვე მუნიციპალიტეტის ორგანოთა რიგგარეშე არჩევნებისას საქართველოს ორგანული კანონის „საქართველოს საარჩევნო კოდექსი“ 32-ე მუხლის პირველი პუნქტის „დ“ ქვეპუნქტით განსაზღვრული დაწესებულებების ის მოსამსახურეები, რომლებიც ბოლო მორიგი არჩევნებისას შესაბამის ამომრჩეველთა სპეციალურ სიაში იქნენ შეყვანილი.

სპეციალური სიების შედგენის შემდეგ, საოლქო საარჩევნო კომისია იმ ამომრჩეველთა მონაცემებს, რომლებიც შეყვანილები არიან სხვა უბნის სპეციალურ სიებში, გადასცემს შესაბამის საუბნო საარჩევნო კომისიას.

საუბნო საარჩევნო კომისიის მდივანმა სპეციალურ სიაში შეყვანილი ან სხვა უბნის სპეციალურ სიაში გადაყვანილი ამომრჩეველი უნდა მოძებნოს ამომრჩეველთა ერთიან სიაში (სამაგიდო და ასევე კედლის სიაში) და მისი გვარის გასწვრივ გრაფაში „ფაქტობრივი მდგომარეობა“ გააკეთოს შესაბამისი აღნიშვნა.

თუ არჩევნებში მონაწილეობის მიღების მოთხოვნით საოლქო საარჩევნო კომისიას მიმართავს ამომრჩეველი, რომელმაც არჩევნების დღემდე არაუგვიანეს მე-18 დღისა (1 მაისი) ვერ მოასწრო მიემართა კომისიისთვის სიაში რეგისტრაციის მოთხოვნით (ჩამოვიდა საზღვარგარეთიდან, გამოეწერა სტაციონარული სამკურნალო დაწესებულებიდან, გათავისუფლდა პენიტენციური დაწესებულებიდან), განცხადებისა და შესაბამისი დოკუმენტაციის (საზღვრის გადაკვეთის შესახებ ჩანაწერი პასპორტში, ცნობა სტაციონარული სამკურნალო დაწესებულებიდან, ცნობა პენიტენციური დაწესებულებიდან გათავისუფლების შესახებ) წარდგენის შემთხვევაში მისი რეგისტრაციის საკითხს წყვეტს საოლქო საარჩევნო კომისია განკარგულებით განცხადების მიღებიდან 2 დღის ვადაში, ხოლო თუ კენჭისყრის დღემდე დარჩენილია 2 დღეზე ნაკლები – დაუყოვნებლივ (ამომრჩევლის რეგისტრაციის შესახებ გადაწყვეტილების მიღების შემთხვევაში ამომრჩევლის შესახებ მონაცემები შეიტანება ამომრჩეველთა სპეციალურ სიაში). ამომრჩეველს უარყოფითი გადაწყვეტილების შესახებ ეცნობება დაუყოვნებლივ. (საარჩევნო კოდექსი - მუხლი 31.12)

გადასატანი საარჩევნო ყუთის სიის ფორმირების წესი

(საარჩევნო კოდექსი - მუხლი 32.8; მუხლი 33; მუხლი 34.2.ე)

გადასატანი საარჩევნო ყუთის სიის ფორმირებაზე პასუხისმგებელია საუბნო საარჩევნო კომისია. გადასატანი საარჩევნო ყუთის სია დგება ერთიანი და სპეციალური სიების საფუძველზე. ამომრჩეველი გადასატანი საარჩევნო ყუთის სიაში შეჰყავთ თუ:

← ჯანმრთელობის მდგომარეობის გამო არ შეუძლია კენჭისყრის შენობაში მისვლა. ასეთი ამომრჩევლების რაოდენობა არ უნდა აღემატებოდეს საარჩევნო უბანზე ერთიან სიაში არსებული ამომრჩევლების 3 პროცენტს.

← იმყოფება საარჩევნო უბნის ტერიტორიაზე, მაგრამ ძნელად მისადგომ ადგილას (ასეთ შემთხვევაში რეკომენდებულია კონსულტაციის გავლა საოლქო საარჩევნო კომისიასთან).

გადასატანი საარჩევნო ყუთის სიაში ამომრჩევლის შეყვანის შემთხვევაში ამომრჩეველთა ერთიან ან სპეციალურ სიაში მისი გვარის გასწვრივ, გრაფაში „ფაქტობრივი მდგომარეობა“ უნდა გაკეთდეს ჩანაწერი „გადასატანი ყუთი“.

საუბნო საარჩევნო კომისიას, გადასატანი საარჩევნო ყუთის სიაში, ამომრჩეველთა სპეციალური სიისა და საოლქო საარჩევნო კომისიის მიერ მოწოდებული ინფორმაციის საფუძველზე, საჭიროების შემთხვევაში, შეჰყავს ამომრჩეველი, რომელიც:

← სამკურნალოდ წევს საავადმყოფოში ან სხვა სტაციონარულ სამკურნალო დაწესებულებაში და მასში არ იხსნება საარჩევნო უბანი;

← იმყოფება პატიმრობაში;

← იმყოფება ადმინისტრაციულ პატიმრობაში;

← მსახურობს საქართველოს სახელმწიფო საზღვარზე განლაგებულ სამხედრო ნაწილში ან სასაზღვრო პოლიციის ქვედანაყოფში, რომელიც საარჩევნო უბნიდან შორსაა განლაგებული;

← არის საქართველოს თავდაცვის სამინისტროს, საქართველოს შინაგან საქმეთა სამინისტროს, საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების − სპეციალური პენიტენციური სამსახურის, საქართველოს სახელმწიფო უსაფრთხოების სამსახურის, საქართველოს დაზვერვის სამსახურისა და სახელმწიფო დაცვის სპეციალური სამსახურის სამხედრო მოსამსახურე და სპეციალური წოდების მქონე პირი და კენჭისყრის პერიოდში განსაკუთრებული სამსახურებრივი პირობების ან ჯანმრთელობის მდგომარეობის გამო ვერ ტოვებს სამუშაო ადგილს;

← მსახურობს საქართველოს იუსტიციის სამინისტროს სისტემაში შემავალ სახელმწიფო საქვეუწყებო დაწესებულებაში − სპეციალურ პენიტენციურ სამსახურში და სამსახურის პირობების გამო სამუშაო ადგილის დატოვება არ შეუძლია.

თავი III.

საარჩევნო დოკუმენტაციის და ინვენტარის გადაცემა საუბნო საარჩევნო კომისიისთვის (საარჩევნო კოდექსი - მუხლი 63.9-11)

კენჭისყრისთვის მზადების და მისი ჩატარების მიზნით კენჭისყრის დღემდე საოლქო საარჩევნო კომისია მის სამოქმედო ტერიტორიაზე არსებულ საარჩევნო უბნებს გადასცემს ყველა საჭირო საარჩევნო დოკუმენტაციას და ინვენტარს, კერძოდ:

საარჩევნო დოკუმენტაციას:

← ამომრჩეველთა ერთიანი სიის საბოლოო ვერსიას (კედლის სია და სამაგიდო სია);

← ამომრჩეველთა სპეციალურ სიას, ასეთის არსებობის შემთხვევაში (კედლის სია და სამაგიდო სია);

← გადასატანი საარჩევნო ყუთის სიის (კედლის სია და სამაგიდო სია) ბლანკებს;

← ამომრჩეველთა ბარათებს;

← საარჩევნო ბიულეტენების ბლოკნოტებს;

← სპეციალურ კონვერტებს;

← კენჭისყრის დღის ჩანაწერთა წიგნს (ე. წ. ზონარგაყრილი წიგნი);

← საკონტროლო ფურცლებს;

← კენჭისყრის შედეგების შემაჯამებელ ოქმს/ოქმებს და „შესწორების ოქმის“ ფორმებს;

← კენჭისყრის შედეგების სადემონსტრაციო ოქმს/ოქმებს.

საარჩევნო ინვენტარს:

← ძირითად და გადასატან გამჭვირვალე საარჩევნო ყუთებს;

← საარჩევნო ყუთების ლუქებს;

← კენჭისყრის კაბინებს;

← მარკირების სითხეს და მარკირების შესამოწმებელ სპეციალურ ხელსაწყოს (ულტრაიისფერი ფარანი);

← საუბნო საარჩევნო კომისიის ბეჭედს;

← რეგისტრატორების სპეციალურ ბეჭდებს;

← ასლგადამღებ მანქანას;

← სამელნე ბალიშებს.

სხვა საარჩევნო მასალას:

← კანდიდატთა სიას;

← საარჩევნო ბიულეტენის შევსების ინსტრუქციას;

← ამონარიდს კანონიდან, თუ რა შემთხვევაშია საარჩევნო ბიულეტენი ბათილი;

← საარჩევნო დოკუმენტაციის შესაფუთ კონვერტებს;

← და სხვა.

საოლქო საარჩევნო კომისია საარჩევნო ბიულეტენებსა და სპეციალურ კონვერტებს კენჭისყრის დაწყებამდე არაუგვიანეს 12 საათისა გადასცემს მის სამოქმედო ტერიტორიაზე არსებულ საუბნო საარჩევნო კომისიებს, რა დროსაც დგება მიღება-ჩაბარების აქტი ორ ცალად.

მიღება-ჩაბარების აქტში აღინიშნება:

← მათი გადამცემი და მიმღები კომისიების დასახელებები;

← სპეციალური კონვერტების რაოდენობა;

← ბიულეტენთა სახეობა;

← ბიულეტენთა ბლოკნოტების რაოდენობა (მათი ნომრებისა და ბიულეტენების ნომრების მითითებით);

← მათი გამცემი და მიმღები პირების ვინაობა.

მიღება-ჩაბარების აქტს ხელს აწერენ საარჩევნო დოკუმენტაციის გამცემი და მიმღები პირები. აქტის ერთი ცალი რჩება საოლქო საარჩევნო კომისიაში, მეორე გადაეცემა საუბნო საარჩევნო კომისიას. მიღება-ჩაბარების აქტი არის საჯარო ინფორმაცია.

კენჭისყრის შენობის მოწყობა (საარჩევნო კოდექსი - მუხლი 58.4; მუხლი 58.5)

საუბნო საარჩევნო კომისიის წევრები ვალდებული არიან, კენჭისყრის პროცედურების ჩასატარებლად, კანონით დადგენილი წესების დაცვით, კენჭისყრამდე არაუგვიანეს ერთი დღისა მოაწყონ კენჭისყრის შენობა. საუბნო საარჩევნო კომისიამ უნდა მოაწყოს:

← ამომრჩეველთა სარეგისტრაციო მაგიდები;

← ყოველი 500 ამომრჩევლისთვის არანაკლებ ერთი კენჭისყრის კაბინა, სადაც უნდა იყოს ერთი კალმისტარი;

← მაგიდა სპეციალური კონვერტებისთვის (უნდა იდგეს საარჩევნო ყუთთან ახლოს);

← აწყობილი, დაულუქავი საარჩევნო ყუთები.

კენჭისყრის შენობაში გამჭვირვალე საარჩევნო ყუთი თვალსაჩინო ადგილას ისე უნდა იყოს მოთავსებული, რომ ამომრჩეველი დაუბრკოლებლად მივიდეს მასთან და სპეციალური კონვერტის ჩაგდების შემდეგ დაუყოვნებლივ დატოვოს საარჩევნო უბანი.

კენჭისყრის შენობაში თვალსაჩინო ადგილას გამოკრული უნდა იყოს:

← ამომრჩეველთა ერთიანი სიის საჯარო ინფორმაციისთვის მიკუთვნებული ვერსია (კედლის სია);

← ამომრჩეველთა სპეციალური სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

← გადასატანი საარჩევნო ყუთის სიის (ასეთის არსებობის შემთხვევაში) საჯარო ინფორმაციისთვის მიკუთვნებული ვერსია (კედლის სია);

← კანდიდატთა სია;

← ცესკოს მიერ დადგენილი საარჩევნო ბიულეტენის შევსების წესი;

← ამონარიდი კანონიდან, თუ რა შემთხვევაშია საარჩევნო ბიულეტენი ბათილი;

← კენჭისყრის შედეგების სადემონსტრაციო ოქმი.

ნაწილი III

საარჩევნო პროცესში მონაწილე პირთა რეგისტრაცია

თავი I.

დამკვირვებელ ორგანიზაციათა რეგისტრაცია (საარჩევნო კოდექსი - მუხლი 39.2; მუხლი 40)

ადგილობრივი დამკვირვებელი ორგანიზაცია შეიძლება იყოს კენჭისყრის დღემდე არაუგვიანეს 1 წლისა საქართველოს კანონმდებლობის შესაბამისად რეგისტრირებული ადგილობრივი არასამეწარმეო (არაკომერციული) იურიდიული პირი, რომლის წესდება ან სხვა სადამფუძნებლო დოკუმენტი რეგისტრაციაში გატარების მომენტისათვის ითვალისწინებს არჩევნების მონიტორინგს ან/და ადამიანის უფლებათა დაცვას და რომელიც არჩევნებზე დაკვირვების მიზნით რეგისტრირებულია ცესკოში ან შესაბამის საოლქო საარჩევნო კომისიაში.

ადგილობრივ დამკვირვებელ ორგანიზაციას უფლება აქვს, რეგისტრაციაში გატარების მიზნით არჩევნების დღემდე არაუგვიანეს მე-10 დღისა (9 მაისი), განცხადებით მიმართოს, საოლქო საარჩევნო კომისიას და წარუდგინოს ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან (ამონაწერი გაცემული უნდა იყოს საარჩევნო კომისიისათვის განცხადების წარდგენამდე, ბოლო 10 დღის ვადაში, ორგანიზაციის ხელმძღვანელობის/წარმომადგენლობის უფლებამოსილების მქონე პირის (პირების) მითითებით). განცხადებაში უნდა აღინიშნოს იმ საარჩევნო ოლქის დასახელება, რომელშიც ორგანიზაცია ახორციელებს დაკვირვებას.

საოლქო საარჩევნო კომისია განცხადების მიღებიდან 5 დღის ვადაში წყვეტს ორგანიზაციის რეგისტრაციის საკითხს.

თუ ადგილობრივი დამკვირვებელი ორგანიზაცია აკმაყოფილებს საქართველოს საარჩევნო კოდექსით დადგენილ მოთხოვნებს, საოლქო საარჩევნო კომისიას არ აქვს უფლება, მას უარი უთხრას რეგისტრაციაზე.

საოლქო საარჩევნო კომისიის განკარგულება ადგილობრივი დამკვირვებელი ორგანიზაციის რეგისტრაციაზე უარის თქმის შესახებ დასაბუთებული უნდა იყოს და ორგანიზაციას უნდა გადაეცეს გადაწყვეტილების მიღებიდან არაუგვიანეს მომდევნო დღისა. ასეთ შემთხვევაში კომისიის განკარგულება მისი მიღებიდან 2 დღის ვადაში შეიძლება გასაჩივრდეს სასამართლოში.

რეგისტრირებული ადგილობრივი დამკვირვებელი ორგანიზაციის ხელმძღვანელობაზე/ წარმომადგენლობაზე უფლებამოსილი პირის საარჩევნო სუბიექტად ან/და საარჩევნო სუბიექტის წარმომადგენლად რეგისტრაციაში გატარების შემთხვევაში, რეგისტრაციიდან არაუგვიანეს 5 კალენდარული დღისა, ადგილობრივი დამკვირვებელი ორგანიზაცია ვალდებულია შესაბამის საარჩევნო კომისიას წარუდგინოს დოკუმენტი, რომლითაც დასტურდება, რომ საარჩევნო სუბიექტად/სუბიექტის წარმომადგენლად რეგისტრირებულ დამკვირვებელი ორგანიზაციის ხელმძღვანელობაზე/წარმომადგენლობაზე უფლება-მოსილების მქონე პირს შეუწყდა ან შეუწყდება უფლებამოსილება. ამ დოკუმენტის წარუდგენლობა არის აღნიშნული ორგანიზაციის რეგისტრაციის გაუქმების საფუძველი.

საოლქო საარჩევნო კომისიის მიერ რეგისტრირებულმა ადგილობრივმა დამკვირვებელმა ორგანიზაციამ კენჭისყრის დღემდე არაუგვიანეს მე-5 დღისა (14 მაისი) შესაბამის საოლქო საარჩევნო კომისიის მდივანს უნდა წარუდგინოს საოლქო ან/და საუბნო საარჩევნო კომისიებში დამკვირვებლების რეგისტრაციის შესახებ განცხადება, რომელშიც აღნიშნული უნდა იყოს, რომ მის მიერ წარდგენილ სიაში შეყვანილი დამკვირვებლები აკმაყოფილებენ საარჩევნო კოდექსის 39-ე მუხლის მე-4 პუნქტით დადგენილ მოთხოვნებს. განცხადებას თან უნდა ერთვოდეს საოლქო ან/და საუბნო საარჩევნო კომისიაში/კომისიებში დანიშნული დამკვირვებელთა სია და თითოეული მათგანის საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი.

დამკვირვებელთა სიაში უნდა აღინიშნოს:

← დამკვირვებლის ვინაობა (სახელი, გვარი; რეგისტრაციის ადგილი; საქართველოს მოქალაქის პირადი ნომერი);

← საარჩევნო ოლქი და საარჩევნო უბანი/უბნები, სადაც იგი დააკვირდება არჩევნებს.

საარჩევნო კომისიაში წარდგენილ განცხადებას აგრეთვე უნდა ერთვოდეს შესაბამის საარჩევნო კომისიებში დანიშნულ დამკვირვებელთა სია ელექტრონული ფორმით excel ფორმატში, CD ან სხვა ელექტრონული მატარებლის სახით (ადგილობრივი დამკვირვებელი ორგანიზაციის მიერ საარჩევნო კომისიებში დამკვირვებლების დანიშვნის განცხადების დანართის ელექტრონული ფორმის დადგენის შესახებ საქართველოს ცენტრალური საარჩევნო კომისიის 2016 წლის 14 ივლისის №297/2016 განკარგულება).

ადგილობრივი დამკვირვებელი ორგანიზაციის ადგილობრივი დამკვირვებელი შეიძლება იყოს საქართველოს მოქალაქე 18 წლის ასაკიდან (საარჩევნო კოდექსი - მუხლი 39.4), გარდა:

4 მოსამართლისა;

4 საარჩევნო კომისიის წევრისა;

4 პროკურატურის თანამდებობის პირისა;

4 საარჩევნო სუბიექტისა და მისი წარმომადგენლისა;

4 “საჯარო სამსახურის შესახებ“ საქართველოს კანონით განსაზღვრული სახელმწიფო-პოლიტიკური თანამდებობის პირისა;

4 ადგილობრივი თვითმმართველობის წარმომადგენლობითი ორგანოს – საკრებულოს წევრისა;

4 ადგილობრივი თვითმმართველობის აღმასრულებელი ორგანოს ხელმძღვანელისა და მისი მოადგილისა;

4 საქართველოს შინაგან საქმეთა და თავდაცვის სამინისტროების, საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების − სპეციალური პენიტენციური სამსახურის, საქართველოს სახელმწიფო უსაფრთხოებისა და დაზვერვის სამსახურებისა და სახელმწიფო დაცვის სპეციალური სამსახურის თანამშრომლებისა.

დამკვირვებელი ორგანიზაციის დამკვირვებელთა რეგისტრაციის ვადა

(საარჩევნო კოდექსი - მუხლი 40.9-10)

საოლქო საარჩევნო კომისიის მდივანი ვალდებულია დამკვირვებელთა სიის წარდგენიდან არაუგვიანეს მე-2 დღისა განკარგულებით რეგისტრაციაში გაატაროს დამკვირვებელი და დამკვირვებელ ორგანიზაციას გადასცეს დამკვირვებლების მოწმობები. დამკვირვებლის მოწმობა იმავდროულად წარმოადგენს დამკვირვებლის სამკერდე ნიშანს, ძალაშია საქართველოს მოქალაქის პირადობის მოწმობასთან/ პასპორტთან ერთად.

საარჩევნო სუბიექტის წარმომადგენელთა რეგისტრაცია

(საარჩევნო კოდექსი - მუხლი 42)

ცესკოს თავმჯდომარის მიერ რეგისტრირებულ პარტიას/საარჩევნო ბლოკს უფლება აქვს, დანიშნოს ორ-ორი წარმომადგენელი ყოველ საარჩევნო კომისიაში.

საოლქო საარჩევნო კომისიის მიერ რეგისტრირებულ ამომრჩეველთა საინიციატივო ჯგუფს უფლება აქვს დანიშნოს ორ-ორი წარმომადგენელი შესაბამის საოლქო და საუბნო საარჩევნო კომისიებში.

საარჩევნო სუბიექტის წარმომადგენელი შეიძლება იყოს საქართველოს ქმედუნარიანი მოქალაქე 18 წლის ასაკიდან.

საარჩევნო სუბიექტის წარმომადგენლად არ შეიძლება დაინიშნოს:

4 ამავე ან სხვა საარჩევნო სუბიექტის მიერ წარდგენილი კანდიდატი;

4 სხვა საარჩევნო სუბიექტის წარმომადგენელი;

4 საარჩევნო კომისიის წევრი;

4 ადგილობრივი დამკვირვებელი;

4 პრესისა და მასობრივი ინფორმაციის სხვა საშუალების წარმომადგენელი.

საარჩევნო სუბიექტის წარმომადგენელი საარჩევნო სუბიექტს წარმოადგენს მხოლოდ იმ საარჩევნო კომისიასთან ურთიერთობაში, რომელშიც მას აქვს რეგისტრაცია.

საუბნო საარჩევნო კომისიებში საარჩევნო სუბიექტის წარმომადგენლებს განკარგულებით რეგისტრაციაში ატარებს საოლქო საარჩევნო კომისიის მდივანი. ამ მიზნით პარტიამ/საარჩევნო ბლოკმა და ამომრჩეველთა საინიციატივო ჯგუფმა საუბნო საარჩევნო კომისიაში წარმომადგენლის დანიშვნის შესახებ განცხადებით უნდა მიმართოს საოლქო საარჩევნო კომისიის მდივანს.

საარჩევნო სუბიექტის წარმომადგენლის დანიშვნის შესახებ განცხადებას ხელს უნდა აწერდეს პარტიის/საარჩევნო ბლოკის ხელმძღვანელი პირი ან მის მიერ უფლებამოსილი პირი, ამომრჩეველთა საინიციატივო ჯგუფის წარმომადგენელი საოლქო საარჩევნო კომისიაში.

უფლებამოსილების დამადასტურებელ დოკუმენტს ცესკოს სარეგისტრაციო და ადმინისტრაციული დეპარტამენტი მიღებისთანავე აწვდის საოლქო საარჩევნო კომისიებს.

განცხადებაში აღნიშნული უნდა იყოს საარჩევნო სუბიექტის წარმომადგენლის:

← გვარი, სახელი;

← დაბადების წელი;

← მისამართი;

← საკონტაქტო ტელეფონის ნომერი (თუ აქვს).

განცხადებას თან უნდა ერთვოდეს საარჩევნო სუბიექტის წარმომადგენლის საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი.

სათანადო ინფორმაციის სრულყოფილად წარდგენის შემთხვევაში საოლქო საარჩევნო კომისიის მდივანი 24 საათის განმავლობაში განკარგულებით რეგისტრაციაში ატარებს საარჩევნო სუბიექტის წარმომადგენელს და გასცემს წარმომადგენლის მოწმობას, რომელიც იმავდროულად არის წარმომადგენლის სამკერდე ნიშანი, რომელიც ძალაშია საქართველოს მოქალაქის პირადობის მოწმობასთან ან საქართველოს მოქალაქის პასპორტთან ერთად.

პრესისა და მასობრივი ინფორმაციის სხვა საშუალებათა წარმომადგენლების აკრედიტაცია (საარჩევნო კოდექსი - მუხლი 44)

პრესისა და მასობრივი ინფორმაციის სხვა საშუალებათა წარმომადგენლების აკრედიტაციას ახორციელებს ცესკოს მდივანი ან შესაბამისი საოლქო საარჩევნო კომისიის მდივანი.

პრესისა და მასობრივი ინფორმაციის სხვა საშუალებებს უფლება აქვთ წარმომადგენლების აკრედიტაციის მიზნით, განცხადება წარუდგინონ საოლქო საარჩევნო კომისიას კენჭისყრის დღემდე არაუგვიანეს მე-5 დღისა (14 მაისი). განცხადებას თან უნდა ერთვოდეს წარმომადგენლების პირადობის მოწმობების ან პასპორტების ფოტოასლები. ორგანიზაციის მიმართვის შემთხვევაში, განცხადებას უნდა დაერთოს საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოს მიერ, საარჩევნო კომისიისათვის განცხადების წარდგენამდე, ბოლო 10 დღის ვადაში გაცემული ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, ორგანიზაციის ხელმძღვანელობის/ წარმომადგენლობის უფლებამოსილების მქონე პირის (პირების) მითითებით. აღნიშნული ამონაწერი აკრედიტაციისათვის არ ესაჭიროებათ უცხოური პრესისა და მასობრივი ინფორმაციის სხვა საშუალებებს, საზოგადოებრივ მაუწყებელსა და საზოგადოებრივი მაუწყებლის აჭარის ტელევიზიასა და რადიოს.

საარჩევნო კომისიაში წარდგენილ განცხადებას აგრეთვე უნდა ერთვოდეს შესაბამის საარჩევნო კომისიებში დანიშნული წარმომადგენლების სია ელექტრონული ფორმით excel ფორმატში, CD ან სხვა ელექტრონული მატარებლის სახით (პრესისა და მასობრივი ინფორმაციის სხვა საშუალებების წარმომადგენლების აკრედიტაციისათვის წარსადგენი განცხადების დანართის ელექტრონული ფორმის დადგენის შესახებ საქართველოს ცენტრალური საარჩევნო კომისიის 2016 წლის 14 ივლისის №298/2016 განკარგულება).

განცხადების წარდგენიდან 2 დღის ვადაში საოლქო საარჩევნო კომისიის მდივანი წყვეტს პრესისა და მასობრივი ინფორმაციის სხვა საშუალებათა წარმომადგენლების აკრედიტაციის საკითხს და აკრედიტებულ წარმომადგენელს გადაწყვეტილების მიღებიდან 1 დღის ვადაში გადასცემს სააკრედიტაციო ბარათებს, ხოლო აკრედიტაციაზე უარის თქმის შემთხვევაში მას იმავე ვადაში გადასცემს სათანადო განკარგულებას.

აკრედიტებული პრესისა და მასობრივი ინფორმაციის სხვა საშუალებების ხელმძღვანელობაზე/წარმომადგენლობაზე უფლებამოსილი პირის საარჩევნო სუბიექტად ან/და საარჩევნო სუბიექტის წარმომადგენლად რეგისტრაციაში გატარების შემთხვევაში, რეგისტრაციიდან არაუგვიანეს 5 კალენდარული დღისა, პრესისა და მასობრივი ინფორმაციის სხვა საშუალება ვალდებულია შესაბამის საარჩევნო კომისიას წარუდგინოს დოკუმენტი, რომლითაც დასტურდება, რომ საარჩევნო სუბიექტად/სუბიექტის წარმომადგენლად რეგისტრირებულ პრესისა და მასობრივი ინფორმაციის სხვა საშუალების ხელმძღვანელობაზე/წარმომადგენლობაზე უფლებამოსილების მქონე პირს შეუწყდა ან შეუწყდება უფლებამოსილება. ამ დოკუმენტის წარუდგენლობა შესაბამისი პრესის/მასობრივი ინფორმაციის სხვა საშუალების აკრედიტაციის გაუქმების საფუძველია.

თავი II.

ამომრჩეველთა საინიციატივო ჯგუფის რეგისტრაცია (საარჩევნო კოდექსი - მუხლი - 361; მუხლი 116.3-7,9; მუხლი 144; მუხლი 154.5-6; მუხლი 167.21; მუხლი 169; საქართველოს ცენტრალური საარჩევნო კომისიის 2018 წლის 26 თებერვლის N7/2018 დადგენილება, 2018 წლის 14 მარტის N15/2018 დადგენილება, 2019 წლის 20 მარტის N9/2019 დადგენილება)

საქართველოს პარლამენტის წევრობის კანდიდატის წარდგენის მიზნით ამომრჩეველთა საინიციატივო ჯგუფი კენჭისყრამდე არაუგვიანეს 57-ე დღისა (23 მარტი) განცხადებით მიმართავს შესაბამის საოლქო საარჩევნო კომისიას, ხოლო მუნიციპალიტეტის მერის რიგგარეშე და საკრებულოების შუალედური არჩევნებისთვის ამომრჩეველთა საინიციატივო ჯგუფი კანდიდატის წარდგენის მიზნით საოლქო საარჩევნო კომისიას მიმართავს კენჭისყრამდე არაუგვიანეს 47-ე დღისა (2 აპრილი).

საოლქო საარჩევნო კომისიაში განცხადების შეტანის შემდეგ ამომრჩეველთა საინიციატივო ჯგუფს უფლება აქვს, შეაგროვოს მხარდამჭერ ამომრჩეველთა ხელმოწერები.

საინიციატივო ჯგუფის მიერ წარდგენილ განცხადებაში მითითებული უნდა იყოს კანდიდატის:

← სახელი, გვარი;

← დაბადების თარიღი;

← პროფესია;

← თანამდებობა (საქმიანობა);

← სამუშაო ადგილი;

← რეგისტრაციის ადგილი;

← პარტიულობა;

← საქართველოში ცხოვრების ვადა;

← წარმდგენი ამომრჩეველთა საინიციატივო ჯგუფის წევრებისა (არანაკლებ 5 წევრი) და მათი წარმომადგენლის სახელი, გვარი, საქართველოს მოქალაქის პირადობის მოწმობის (საქართველოს მოქალაქის პასპორტის) ნომერი, რეგისტრაციის ადგილი, საკონტაქტო ტელეფონი და სხვა რეკვიზიტები (ასეთის არსებობის შემთხვევაში).

განცხადებას, რომელსაც ხელს აწერს ამომრჩეველთა საინიციატივო ჯგუფის ყველა წევრი, თან უნდა ერთვოდეს კანდიდატად წარდგენილი პირის წერილობითი თანხმობა არჩევნებში მონაწილეობაზე, საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი და ორი ფოტოსურათი და მის მიერ ხელმოწერილი სააღრიცხვო ბარათი 2 ცალად.

იმ შემთხვევაში, თუ წარდგენილი დოკუმენტაცია შეესაბამება კანონის მოთხოვნებს, საოლქო

საოლქო საარჩევნო კომისიის თავმჯდომარე განცხადების წარდგენიდან არაუგვიანეს მომდევნო დღისა რეგისტრაციაში ატარებს ამომრჩეველთა საინიციატივო ჯგუფს. თუ წარდგენილი დოკუმენტაცია არ შეესაბამება კანონის მოთხოვნებს, საოლქო საარჩევნო კომისიის თავმჯდომარე დაუყოვნებლივ აცნობებს განმცხადებელს ხარვეზის შესახებ. შესწორებული საბუთები არაუგვიანეს მომდევნო დღისა უბრუნდება საოლქო საარჩევნო კომისიის თავმჯდომარეს, რომელიც იღებს გადაწყვეტილებას საინიციატივო ჯგუფის რეგისტრაციის შესახებ.

ამომრჩეველთა საინიციატივო ჯგუფის მიერ წარდგენილი კანდიდატის რეგისტრაცია და მხარდამჭერთა სიების შემოწმება (საარჩევნო კოდექსი - მუხლი 14.1.ჰ; მუხლი 38; მუხლი 115.7-11; 116; საქართველოს ცენტრალური საარჩევნო კომისიის 2014 წლის 20 მარტის №11/2014 დადგენილება, 2018 წლის 26 თებერვლის N7/2018 დადგენილება, 2018 წლის 14 მარტის N15/2018 დადგენილება, 2019 წლის 20 მარტის N9/2019 დადგენილება)

კანდიდატის რეგისტრაციაში გასატარებლად ამომრჩეველთა საინიციატივო ჯგუფის წარმომადგენელმა საოლქო საარჩევნო კომისიას უნდა წარუდგინოს კანდიდატის მხარდამჭერ ამომრჩეველთა სია:

← პარლამენტის შუალედური არჩევნებში მონაწილეობის მიზნით კენჭისყრამდე არაუგვიანეს 50-ე დღისა (30 მარტი);

← მუნიციპალიტეტების მერის რიგგარეშე და საკრებულოების შუალედური არჩევნებისთვის კენჭისყრამდე არაუგვიანეს მე-40 დღისა (9 აპრილი).

ამომრჩეველთა საინიციატივო ჯგუფის მიერ კანდიდატის წარდგენა დადასტურებული უნდა იყოს შესაბამისი მაჟორიტარული საარჩევნო ოლქის ტერიტორიაზე რეგისტრირებულ მხარდამჭერ ამომრჩეველთა არანაკლებ 1 პროცენტის ხელმოწერებით. ამომრჩეველთა საინიციატივო ჯგუფის მიერ შესაბამის საარჩევნო ოლქში კანდიდატის წარსადგენად საჭირო მხარდამჭერთა ხელმოწერების მინიმალურ ოდენობას განსაზღვრავს ცენტრალური საარჩევნო კომისია განკარგულებით.

მხარდამჭერთა სიები საოლქო საარჩევნო კომისიაში წარდგენისთანავე ილუქება საინიციატივო ჯგუფის წარმომადგენლის თანდასწრებით, რაც დასტურდება, როგორც საოლქო საარჩევნო კომისიის თანამშრომლის, ისე საინიციატივო ჯგუფის წარმომადგენლის მიერ ლუქზე ხელმოწერების დატანებით.

კანდიდატის მხარდამჭერთა სიის შემოწმება სრულდება მისი წარდგენიდან 3 დღეში. მხარდამჭერთა სიის შემოწმების პროცესზე დასწრების უფლება აქვს საარჩევნო სუბიექტის წარმომადგენელს.

მხარდამჭერთა სიების შემოწმების დროს საოლქო საარჩევნო კომისიის უფლებამოსილი თანამშრომელი საინიციატივო ჯგუფის წარმომადგენელთან ერთად ამოწმებს ლუქის მთლიანობას და ხსნის ლუქს, რის შემდგომაც ითვლება წარმოდგენილი ხელმოწერების რაოდენობა. თუ ხელმოწერების რაოდენობა აკმაყოფილებს დადგენილ მინიმალურ ოდენობას, საოლქო საარჩევნო კომისიის თანამშრომელი ცესკოს 2014 წლის 20 მარტის №11/2014 დადგენილების შესაბამისად თანმიმდევრობით ამოწმებს მხარდამჭერთა ხელმოწერებს.

პარლამენტის წევრობის კანდიდატის მხარდამჭერთა სიების შემოწმებიდან 3 დღის ვადაში, ხოლო საკრებულოს წევრობის/მერის კანდიდატის მხარდამჭერთა სიების შემოწმებიდან 2 დღის ვადაში, შესაბამისი საარჩევნო კომისიის თავმჯდომარე:

← საარჩევნო რეგისტრაციაში ატარებს კანდიდატს, თუ კანდიდატის სარეგისტრაციო დოკუმენტაცია აკმაყოფილებს კანონმდებლობით განსაზღვრულ მოთხოვნებს;

← წერილობით აცნობებს ამომრჩეველთა საინიციატივო ჯგუფის წარმომადგენელს კანონმდებლობით განსაზღვრულ მოთხოვნებთან კანდიდატის სარეგისტრაციო დოკუმენტაციაში არსებული მონაცემების შეუსაბამობის შესახებ (შეუსაბამობის მითითებით), თუ ასეთი შეუსაბამობა არსებობს.

პარლამენტის წევრობის კანდიდატის წარმდგენ ამომრჩეველთა საინიციატივო ჯგუფის წარმომადგენელს 3 დღე ეძლევა საბუთების სრულყოფისთვის, ხოლო საკრებულოს წევრობის/მერობის კანდიდატის წარმდგენ ამომრჩეველთა საინიციატივო ჯგუფის წარმომადგენელს საბუთების სრულყოფისათვის ეძლევა 2 დღის ვადა.

შესწორებული მონაცემები მოწმდება და კანდიდატის საარჩევნო რეგისტრაციის საკითხი წყდება:

← პარლამენტის წევრობის მაჟორიტარი კანდიდატის მონაცემების წარდგენიდან 5 დღის ვადაში;

← საკრებულოს წევრობის მაჟორიტარი/მერობის კანდიდატის მონაცემების წარდგენიდან 3 დღის ვადაში.

თუ შესწორებული მონაცემები შეესაბამება საარჩევნო კოდექსითა და ცესკოს შესაბამისი დადგენილებით განსაზღვრულ მოთხოვნებს, შესაბამისი საარჩევნო კომისიის თავმჯდომარე საარჩევნო რეგისტრაციაში ატარებს კანდიდატს, ხოლო შეუსაბამობის შემთხვევაში, იმავე ვადაში გამოსცემს განკარგულებას მისთვის საარჩევნო რეგისტრაციაზე უარის თქმის შესახებ (განკარგულებაში ზუსტად აღინიშნება რეგისტრაციაზე უარის თქმის მიზეზები და კანონის ის ნორმები, რომელთა მოთხოვნების დაუკმაყოფილებლობამაც გამოიწვია უარის თქმა). განკარგულება ამომრჩეველთა საინიციატივო ჯგუფის წარმომადგენელს დაუყოვნებლივ ეცნობება და მოთხოვნისთანავე გადაეცემა.

საქართველოს პარლამენტის წევრობის/საკრებულოს წევრობის კანდიდატს და მერობის კანდიდატს განკარგულებით რეგისტრაციაში ატარებს შესაბამისი საოლქო საარჩევნო კომისიის თავმჯდომარე არჩევნების დღემდე არაუგვიანეს 30-ე დღისა (19 აპრილი) და რეგისტრაციიდან 3 დღის ვადაში აძლევს შესაბამის მოწმობას.

პარტიის/საარჩევნო ბლოკის მიერ წარდგენილი კანდიდატების რეგისტრაცია

(საარჩევნო კოდექსი - მუხლი 116.1,2,8; მუხლი - 117; მუხლი 144; მუხლი 145; მუხლი 167)

საქართველოს პარლამენტის/საკრებულოების შუალედურ და მერების რიგგარეშე არჩევნებში დამოუკიდებლად მონაწილე პარტიას/საარჩევნო ბლოკს არჩევნების დღემდე არაუგვიანეს 30-ე დღისა (19 აპრილი) უფლება აქვს წარადგინოს საქართველოს პარლამენტის/საკრებულოს წევრობის მაჟორიტარი და მერობის კანდიდატი.

პარლამენტის წევრობის მაჟორიტარი კანდიდატის წარსადგენად საქართველოს პარლამენტის შუალედურ არჩევნებში დამოუკიდებლად მონაწილე პარტია/საარჩევნო ბლოკი სათანადო განცხადებით მიმართავს ცესკოს ან შესაბამის საოლქო საარჩევნო კომისიას. კანდიდატის წარდგენის შესახებ განცხადებას, რომელიც დამოწმებული უნდა იყოს პარტიის/საარჩევნო ბლოკის ხელმძღვანელი პირის (პირების) ხელმოწერებით, 2-2 ეგზემპლარად უნდა ერთვოდეს:

← პარლამენტის წევრობის კანდიდატის მიერ შევსებული და ხელმოწერილი სააღრიცხვო ბარათი;

← საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი;

← პარლამენტის წევრობის კანდიდატის ფოტოსურათი.

მერობის კანდიდატის წარსადგენად მუნიციპალიტეტის მერის რიგგარეშე არჩევნებში დამოუკიდებლად მონაწილე პარტია/საარჩევნო ბლოკი სათანადო განცხადებით მიმართავს შესაბამის საოლქო საარჩევნო კომისიას. კანდიდატის წარდგენის შესახებ განცხადებას, რომელიც დამოწმებული უნდა იყოს პარტიის/საარჩევნო ბლოკის ხელმძღვანელი პირის (პირების) ხელმოწერებით, უნდა ერთვოდეს:

← კანდიდატის სააღრიცხვო ბარათი;

← ორი ფოტოსურათი;

← კანდიდატის საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი.

საკრებულოს წევრობის მაჟორიტარი კანდიდატის წარსადგენად მუნიციპალიტეტის საკრებულოს შუალედურ არჩევნებში დამოუკიდებლად მონაწილე პარტია/საარჩევნო ბლოკი სათანადო განცხადებით მიმართავს შესაბამის საოლქო საარჩევნო კომისიას. განცხადება დამოწმებული უნდა იყოს პარტიის ან საარჩევნო ბლოკში გაერთიანებული ყველა პარტიის უფლებამოსილი პირების ხელმოწერებით და უნდა ერთვოდეს:

← კანდიდატის საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი;

← 2 ფოტოსურათი;

← მის მიერ ხელმოწერილი სააღრიცხვო ბარათი (2 ცალად).

პარტიის/საარჩევნო ბლოკის მიერ წარდგენილი კანდიდატების რეგისტრაციის მიზნით განცხადებასა და თანდართულ დოკუმენტებს ამოწმებს საოლქო საარჩევნო კომისიის თავმჯდომარე, რომელიც საარჩევნო რეგისტრაციაში გაატარებს კანდიდატს, თუ წარდგენილი საბუთები აკმაყოფილებს საარჩევნო კოდექსით დადგენილ მოთხოვნებს. წინააღმდეგ შემთხვევაში წერილობით აცნობებს პარტიის/საარჩევნო ბლოკის წარმომადგენელს საარჩევნო კოდექსით დადგენილ მოთხოვნებთან განცხადებასა და თანდართულ საბუთებში არსებული მონაცემების შეუსაბამობის შესახებ (შეუსაბამობის მითითება აუცილებელია).

პარლამენტის წევრობის კანდიდატის წარმდგენი პარტიის/საარჩევნო ბლოკის წარმომადგენელს საბუთების სრულყოფისთვის ეძლევა 3 დღე, ხოლო საკრებულოს წევრობის/მერობის კანდიდატის წარმდგენი პარტიის/საარჩევნო ბლოკის წარმომადგენელს - 2 დღის ვადა.

შესწორებული მონაცემები მოწმდება და კანდიდატის საარჩევნო რეგისტრაციის საკითხი წყდება:

← პარლამენტის წევრობის მაჟორიტარი კანდიდატის მონაცემების წარდგენიდან 5 დღის ვადაში (მაგრამ არჩევნების დღემდე არაუგვიანეს მე-20 დღისა (29 აპრილი));

← მერობის კანდიდატის მონაცემების წარდგენიდან 2 დღის ვადაში (მაგრამ არჩევნების დღემდე არაუგვიანეს 24-ე დღისა (25 აპრილი));

← საკრებულოს წევრობის მაჟორიტარი კანდიდატის მონაცემების წარდგენიდან 3 დღის ვადაში (მაგრამ არჩევნების დღემდე არაუგვიანეს 23-ე დღისა (26 აპრილი)).

თუ შესწორებული მონაცემები შეესაბამება საარჩევნო კოდექსითა განსაზღვრულ მოთხოვნებს, შესაბამისი საარჩევნო კომისიის თავმჯდომარე საარჩევნო რეგისტრაციაში ატარებს კანდიდატს, ხოლო შეუსაბამობის შემთხვევაში, იმავე ვადაში გამოსცემს განკარგულებას მისთვის საარჩევნო რეგისტრაციაზე უარის თქმის შესახებ (განკარგულებაში ზუსტად აღინიშნება რეგისტრაციაზე უარის თქმის მიზეზები და კანონის ის ნორმები, რომელთა მოთხოვნების დაუკმაყოფილებლობამაც გამოიწვია უარის თქმა). განკარგულება ამომრჩეველთა პარტიის/საარჩევნო ბლოკის წარმომადგენელს დაუყოვნებლივ ეცნობება და მოთხოვნისთანავე გადაეცემა.

საქართველოს პარლამენტის/საკრებულოს წევრობის და მერობის კანდიდატს განკარგულებით რეგისტრაციაში ატარებს შესაბამისი საოლქო საარჩევნო კომისიის თავმჯდომარე და რეგისტრაციიდან 3 დღის ვადაში აძლევს შესაბამის მოწმობას.

არჩევნებში მონაწილეობის/კანდიდატად წარდგენის შესახებ გადაწყვეტილების გაუქმება (საარჩევნო კოდექსი - მუხლი -120.1; მუხლი - 146.1-2; მუხლი -168)

კანდიდატს, აგრეთვე მის წარმდგენ პარტიას/საარჩევნო ბლოკს/ამომრჩეველთა საინიციატივო ჯგუფს უფლება აქვს, ნებისმიერ დროს, კენჭისყრამდე არაუგვიანეს 12 დღისა (7 მაისი), უარი თქვან არჩევნებში მონაწილეობაზე ან წარდგენილ კანდიდატზე, რისთვისაც განცხადებით უნდა მიმართონ შესაბამის საარჩევნო კომისიას.

საარჩევნო სუბიექტების რიგითი ნომრის განსაზღვრა (საარჩევნო კოდექსი - მუხლი 381)

პარტიის/საარჩევნო ბლოკის მიერ წარდგენილ მაჟორიტარ/მერობის კანდიდატებს აქვთ იგივე რიგითი ნომერი, რომელიც მათ წარმდგენ პარტიას/საარჩევნო ბლოკს აქვს მინიჭებული.

ამომრჩეველთა საინიციატივო ჯგუფის მიერ წარდგენილ კანდიდატს რიგით ნომერს ანიჭებს შესაბამისი საოლქო საარჩევნო კომისია არჩევნების დღემდე არაუგვიანეს 30-ე დღეს (19 აპრილი). წილისყრის პროცედურები ტარდება შესაბამისი საოლქო საარჩევნო კომისიის შენობაში, სხდომებზე დასწრების უფლების მქონე პირთა თანდასწრებით. წილისყრის მიზნით კომისიის თავმჯდომარე:

← ერთი და იმავე ფორმისა და სახეობის ფურცლებზე, ერთი და იმავე საწერი საშუალებით წერს საარჩევნო ოლქში საინიციატივო ჯგუფების მიერ წარდგენილი კანდიდატების შესაბამისი რაოდენობის ფურცლებზე ნომრებს, რომლებიც იწყება არჩევნებში მონაწილე პარტიებისათვის/საარჩევნო ბლოკებისათვის მინიჭებული უმაღლესი რიგითი ნომრის მომდევნო რიცხვიდან;

← ყოველი ფურცელი უნდა დამოწმდეს საოლქო საარჩევნო კომისიის ბეჭდით;

← ყოველი ფურცელი ისე იკეცება, რომ შეუძლებელი იყოს მათზე დაწერილი ნომრების წაკითხვა;

← კომისიის თავმჯდომარე შევსებულ ფურცლებს ათავსებს გამჭვირვალე ყუთში, საიდანაც ამომრჩეველთა საინიციატივო ჯგუფის წარმომადგენლები სათითაოდ იღებენ მათ;

← წილნაყარი ნომერი ხდება საარჩევნო სუბიექტის რიგითი ნომერი.

საარჩევნო ოლქში რეგისტრირებული კანდიდატების იმ მონაცემებს, რომლებიც შეიტანება საარჩევნო ბიულეტენში, თავის ოფიციალურ ვებგვერდზე აქვეყნებს ცესკო კენჭისყრამდე არაუგვიანეს 25 დღისა (24 აპრილი).

ნაწილი IV

საოლქო საარჩევნო კომისიის საქმიანობა კენჭისყრის დღეს და კენჭისყრის დღის

შემდგომ პერიოდში

თავი I.

კენჭისყრის დღეს საოლქო საარჩევნო კომისია საუბნო საარჩევნო კომისიიდან იღებს სხვადასხვა სახის სავალდებულო ინფორმაციას, მათ შორის:

← საარჩევნო უბნის გახსნისა და საუბნო საარჩევნო კომისიის წევრთა რაოდენობის შესახებ;

← საარჩევნო ყუთის/ყუთების დალუქვის, პირველი ამომრჩევლის მიერ რეგისტრაციის გავლის, საარჩევნო ყუთში/ყუთებში საკონტროლო ფურცლების მოთავსებისა და კენჭისყრის დაწყების შესახებ;

← 10:00, 12:00, 15:00, 17:00 საათის მდგომარეობით, ასევე კენჭისყრის დასრულების შემდეგ კენჭისყრაში მონაწილე ამომრჩეველთა ხელმოწერების რაოდენობის შესახებ და გენდერულ მონაცემებს.

თავი II.

დოკუმენტაციის მიღება/დახარისხება

საოლქო საარჩევნო კომისიის სამოქმედო ტერიტორიაზე არსებული საუბნო საარჩევნო კომისიის უფლებამოსილი პირები საოლქო საარჩევნო კომისიას გადასცემენ საარჩევნო დოკუმენტაციის ყუთს/ტომარას და მისგან განცალკევებით:

← კენჭისყრის შედეგების შემაჯამებელ ოქმს/ოქმებს, შესწორების ოქმს/ოქმებს (ასეთის არსებობის შემთხვევაში);

← სარეგისტრაციო ჟურნალს და კომისიის წევრთა ახსნა-განმარტებებს (ასეთის არსებობის შემთხვევაში);

← განცხადებების/საჩივრებისა და კენჭისყრის დღის ჩანაწერთა წიგნის დალუქულ კონვერტს.

რეკომენდებულია, საარჩევნო დოკუმენტაციის[1] მიღება/დახარისხება მიმდინარეობდეს ქვემოთ მოცემული სქემის მიხედვით.

ნაკადის მარეგულირებელი კომისიის წევრი აკონტროლებს საუბნო საარჩევნო კომისიების უფლებამოსილი პირების ნაკადს და აგზავნის კენჭისყრის შედეგების შემაჯამებელი ოქმის შემოწმებაზე პასუხისმგებელ საოლქო საარჩევნო კომისიის წევრებთან.

კენჭისყრის შედეგების შემაჯამებელი ოქმის შემოწმებისთვის პასუხისმგებელი საოლქო საარჩევნო კომისიის წევრი/წევრები იბარებენ კენჭისყრის შედეგების შემაჯამებელ ოქმებს (შესწორების ოქმებსა და წერილობით ახსნა-განმარტებებთან ერთად (ასეთის არსებობის შემთხვევაში)) და ამოწმებენ კენჭისყრის შედეგების შემაჯამებელ ოქმებში შეტანილ მონაცემებს და რეკვიზიტებს.

საოლქო საარჩევნო კომისიის წევრი/წევრები კენჭისყრის შედეგების შემაჯამებელ ოქმებს შესწორების ოქმებთან და წერილობით ახსნა-განმარტებებთან ერთად (ასეთის არსებობის შემთხვევაში), შემოწმების შედეგების გათვალისწინებით, გადასცემენ საოლქო საარჩევნო კომისიის მდივანს.

საოლქო საარჩევნო კომისიის მდივანი კენჭისყრის შედეგების შემაჯამებელ ოქმებს (შესწორების ოქმებთან და ახსნა-განმარტებებთან ერთად (ასეთის არსებობის შემთხვევაში)) ტვირთავს საარჩევნო პროცესის მართვის ელექტრონულ სისტემაში.

საუბნო საარჩევნო კომისიისგან საარჩევნო დოკუმენტაციის ჩაბარებაზე პასუხისმგებელი კომისიის წევრი აღრიცხავს მიღებულ საარჩევნო დოკუმენტაციას/მასალებს და აკეთებს ჩანაწერს საარჩევნო დოკუმენტაციის/მასალების მიღების შესახებ, რის თაობაზეც ადგენს მიღება-ჩაბარების აქტს.

საუბნო საარჩევნო კომისიის კენჭისყრის შედეგების შემაჯამებელი ოქმის შესწორების ოქმის შედგენა (საარჩევნო კოდექსი ‒ მუხლი 26.2.დ1)

საუბნო საარჩევნო კომისიის წევრების ახსნა-განმარტებების ან/და სხვა სამართლებრივი და ფაქტობრივი საფუძვლების არსებობისას, საჭიროების შემთხვევაში, არაუგვიანეს კენჭისყრის დღის მომდევნო დღისა, საუბნო საარჩევნო კომისია ადგენს კენჭისყრის შედეგების შემაჯამებელი ოქმის შესწორების ოქმს.

შესწორების ოქმის შედგენის მიზნით საოლქო საარჩევნო კომისიის ტერიტორიაზე არსებული საუბნო საარჩევნო კომისიის ხელმძღვანელი პირი საოლქო საარჩევნო კომისიის შენობაში იწვევს საუბნო საარჩევნო კომისიის ყველა იმ წევრს, რომელიც ესწრებოდა საუბნო საარჩევნო კომისიის კენჭისყრის შედეგების შემაჯამებელი ოქმის შედგენას.

საუბნო საარჩევნო კომისია კომისიის წევრების ახსნა-განმარტებების ან/და სხვა სამართ- ლებრივი და ფაქტობრივი საფუძვლების გათვალისწინებით ადგენს შესწორების ოქმს, რომელშიც აღინიშნება კენჭისყრის შედეგების შემაჯამებელ ოქმში შეტანილი მონაცემის/ მონაცემების შესწორება და მისი შედგენის თარიღი და დრო.

შესწორების ოქმს ხელს აწერენ საუბნო საარჩევნო კომისიის წევრები, დაესმება შესაბამისი საოლქო საარჩევნო კომისიის ბეჭედი, გატარდება საოლქო საარჩევნო კომისიის სარეგისტრაციო ჟურნალში და დაერთვება კენჭისყრის შედეგების იმ შემაჯამებელ ოქმს, რომელშიც შეტანილი მონაცემი/მონაცემები შესწორდა.

საოლქო საარჩევნო კომისიის მიერ საუბნო საარჩევნო კომისიის კენჭისყრის შედეგების გადამოწმება (საარჩევნო კოდექსი ‒ მუხლი 21.ე)

საოლქო სარჩევნო კომისია განცხადების/საჩივრის საფუძველზე (თუ განცხადება/ საჩივარი შეტანილია საოლქო საარჩევნო კომისიაში კანონით დადგენილი წესით და დადგენილ ვადაში), აგრეთვე საკუთარი ინიციატივით უფლებამოსილია გადაამოწმოს საუბნო საარჩევნო კომისიის კენჭისყრის შედეგების შემაჯამებელი ოქმის სისწორე.

ამ მიზნით საოლქო საარჩევნო კომისია იკვლევს საუბნო საარჩევნო კომისიის წევრთა ახსნა-განმარტებებში (ასეთის არსებობის შემთხვევაში) არსებულ მონაცემებს და მათ საფუძველზე იღებს საოლქო საარჩევნო კომისიის განკარგულებას საუბნო საარჩევნო კომისიის შემაჯამებელ ოქმში მონაცემების შეცვლის შესახებ.

საუბნო საარჩევნო კომისიის წევრთა ახსნა-განმარტებების არარსებობის შემთხვევაში, ან თუ ახსნა-განმარტებების შესწავლა არ იძლევა შემაჯამებელი ოქმის მონაცემების სისწორის დადგენის შესაძლებლობას, საოლქო საარჩევნო კომისია სხდომაზე დამსწრეთა არანაკლებ 2/3-ით იღებს განკარგულებას საუბნო საარჩევნო კომისიიდან შემოსული პაკეტების გახსნისა და საარჩევნო ბიულეტენების გადათვლის შესახებ.

საუბნო საარჩევნო კომისიისგან მიღებული პაკეტების გახსნისა და საარჩევნო ბიულეტენების ხელახლა დათვლის შესახებ გადაწყვეტილების მიღების შემთხვევაში, საოლქო საარჩევნო კომისიამ უნდა აცნობოს ყველა საარჩევნო სუბიექტსა და დამკვირვებელ ორგანიზაციას, რომელთა წარმომადგენლებიც ესწრებოდნენ საარჩევნო უბანზე საარჩევნო ბიულეტენების დათვლას, და მათი სურვილის შემთხვევაში უზრუნველყოს ხელახლა დათვლის პროცესზე მათი წარმომადგენლების დასწრება.

საარჩევნო დოკუმენტაციის გახსნისას საოლქო საარჩევნო კომისიამ სასურველია დაიცვას საარჩევნო დოკუმენტაციის გადათვლის შემდეგი თანამიმდევრობა:

4 ამომრჩეველთა სიებში ხელმოწერების რაოდენობა;

4 ბათილი საარჩევნო ბიულეტენების რაოდენობა;

4 თითოეული კანდიდატისათვის მიცემული ხმების (საარჩევნო ბიულეტენების) რაოდენობა.

ზემოთ აღნიშნული შემოწმების შედეგად, საოლქო საარჩევნო კომისია უფლებამოსილია საკუთარი გადაწყვეტილებით შეცვალოს საუბნო საარჩევნო კომისიის შემაჯამებელ ოქმში მონაცემები. საოლქო საარჩევნო კომისიის გადაწყვეტილება საუბნო საარჩევნო კომისიის შემაჯამებელ ოქმში მონაცემების შეცვლის შესახებ მიიღება განკარგულებით სხდომაზე დამსწრეთა არანაკლებ 2/3-ით.

საოლქო საარჩევნო კომისიის წევრს, რომელიც არ ეთანხმება კომისიის გადაწყვეტილებას, უფლება აქვს წერილობით გამოთქვას განსხვავებული აზრი, რომელიც ერთვის ოქმს. ამასთანავე, განსხვავებული აზრის მქონე კომისიის წევრი ვალდებულია პატივი სცეს და დაემორჩილოს კომისიის მიერ მიღებულ გადაწყვეტილებებს. მას არა აქვს უფლება თავისი ქმედებით/უმოქმედობით ხელი შეუშალოს ამ გადაწყვეტილებათა აღსრულებას.

თავი III.

მუნიციპალიტეტის საკრებულოს შუალედური და მუნიციპალიტეტის მერის რიგგარეშე არჩევნების შედეგების შეჯამება საოლქო საარჩევნო კომისიაში (საარჩევნო კოდექსი - მუხლი 21; მუხლი 75; მუხლი 149; მუხლი 169)

საოლქო საარჩევნო კომისია საუბნო საარჩევნო კომისიების შემაჯამებელი ოქმების საფუძველზე, საქართველოს საარჩევნო კანონმდებლობის დარღვევის განხილვის შედეგების გათვალისწინებით, კენჭისყრის დღიდან არაუგვიანეს მე-11 დღისა (30 მაისი) თავის სხდომაზე აჯამებს არჩევნების შედეგებს და ადგენს საარჩევნო ოლქში გამართული არჩევნების შედეგების შემაჯამებელ ოქმს/ოქმებს, რომელსაც (რომელთაც) არაუგვიანეს მომდევნო დღისა გადასცემს ცესკოს.

საოლქო საარჩევნო კომისიის ყველა წევრი, რომელიც ესწრება კომისიის სხდომას, ვალდებულია ხელი მოაწეროს არჩევნების შედეგების შემაჯამებელ ოქმს. ოქმი დამოწმდება საოლქო საარჩევნო კომისიის ბეჭდით. თუ საოლქო საარჩევნო კომისიის წევრი არ ეთანხმება შემაჯამებელ ოქმში შეტანილ მონაცემებს, მას უფლება აქვს, ოქმში აღნიშნოს, რას არ ეთანხმება და ოქმს წერილობით დაურთოს განსხვავებული აზრი. განსხვავებული აზრის გამოთქმის შემთხვევაშიც საოლქო საარჩევნო კომისიის წევრი ვალდებულია ხელი მოაწეროს არჩევნების შედეგების შემაჯამებელ ოქმს კომისიის წევრის ხელმოწერისათვის განკუთვნილ სათანადო გრაფაში.

მუნიციპალიტეტის საკრებულოს შუალედური არჩევნების შედეგად არჩეულად ითვლება კანდიდატი, რომელიც არჩევნებში სხვებზე მეტი ხმას მიიღებს (არჩევნებში მონაწილე ამომრჩეველთა ხმების რაოდენობაში არ ჩაითვლება ბათილად ცნობილი საარჩევნო ბიულეტენებით გათვალისწინებული ხმების რაოდენობა). თუ არჩევნებში მონაწილე ორმა კანდიდატმა მოაგროვა ხმათა თანაბარი რაოდენობა, არჩეულად ჩაითვლება ის კანდიდატი, რომელიც უფრო ადრე იყო რეგისტრირებული საოლქო საარჩევნო კომისიაში.

მერის რიგგარეშე არჩევნებში არჩეულად ჩაითვლება ის კანდიდატი, რომელიც არჩევნებში მონაწილე ამომრჩეველთა ხმების 50%-ზე მეტს მიიღებს (არჩევნებში მონაწილე ამომრჩეველთა ხმების რაოდენობაში არ ჩაითვლება ბათილად ცნობილი საარჩევნო ბიულეტენებით გათვალისწინებული ხმების რაოდენობა). თუ არჩევნების პირველ ტურში მერი ვერ აირჩა, ცესკო პირველი ტურის შედეგების შეჯამებასთან ერთად ნიშნავს არჩევნების მეორე ტურს, რომელიც იმართება პირველი ტურიდან არაუგვიანეს 25-ე დღისა.

არჩევნების შედეგების შეჯამებიდან 10 დღის ვადაში საოლქო საარჩევნო კომისია ცესკოს ოფიციალურ ვებგვერდზე აქვეყნებს ცნობას შესაბამის ოლქში საკრებულოს შუალედური და მერის რიგგარეშე არჩევნების შედეგების შესახებ.

პარლამენტის შუალედური არჩევნების შედეგების შეჯამება საოლქო საარჩევნო კომისიაში (საარჩევნო კოდექსი - მუხლი 21; მუხლი 75; მუხლი 124, მუხლი 125; მუხლი 126)

საოლქო საარჩევნო კომისია საუბნო საარჩევნო კომისიების ოქმებისა და რაიონული/საქალაქო სასამართლოების გადაწყვეტილებების საფუძველზე, კენჭისყრის დღიდან არაუგვიანეს მე-11 დღისა (30 მაისი) თავის სხდომაზე აჯამებს არჩევნების შედეგებს და ადგენს არჩევნების შედეგების შემაჯამებელ ოქმს, რომელსაც არაუგვიანეს მომდევნო დღისა გადასცემს ცესკოს.

საოლქო საარჩევნო კომისიის ყველა წევრი, რომელიც ესწრება კომისიის სხდომას, ვალდებულია ხელი მოაწეროს არჩევნების შედეგების შემაჯამებელ ოქმს. ოქმი დამოწმდება საოლქო საარჩევნო კომისიის ბეჭდით. თუ საოლქო საარჩევნო კომისიის წევრი არ ეთანხმება შემაჯამებელ ოქმში შეტანილ მონაცემებს, მას უფლება აქვს, ოქმში აღნიშნოს, რას არ ეთანხმება და ოქმს წერილობით დაურთოს განსხვავებული აზრი. განსხვავებული აზრის გამოთქმის შემთხვევაშიც საოლქო საარჩევნო კომისიის წევრი ვალდებულია ხელი მოაწეროს არჩევნების შედეგების შემაჯამებელ ოქმს კომისიის წევრის ხელმოწერისათვის განკუთვნილ სათანადო გრაფაში.

პარლამენტის შუალედური არჩევნების შედეგად, მაჟორიტარულ საარჩევნო ოლქში არჩეულად ჩაითვლება ის კანდიდატი, რომელიც მიიღებს არჩევნებში მონაწილეთა ხმების ნახევარზე მეტს (არჩევნებში მონაწილე ამომრჩეველთა ხმების რაოდენობაში არ ჩაითვლება ბათილად ცნობილი საარჩევნო ბიულეტენებით გათვალისწინებული ხმების რაოდენობა).

თუ მაჟორიტარული საარჩევნო სისტემით ჩატარებული არჩევნების პირველ ტურში საქართველოს პარლამენტის წევრი ვერ აირჩა, ცესკო პირველი ტურის შედეგების შეჯამებასთან ერთად ნიშნავს არჩევნების მეორე ტურს, რომელიც იმართება პირველი ტურიდან არაუგვიანეს 25-ე დღისა.

არჩევნების შედეგების შემაჯამებელი ოქმის საჯაროობა

(საარჩევნო კოდექსი - მუხლი 75)

საოლქო საარჩევნო კომისია ვალდებულია უზრუნველყოს არჩევნების შემაჯამებელი ოქმის ფოტოასლის გამოკვრა საჯარო გაცნობისათვის.

საოლქო საარჩევნო კომისია შემაჯამებელი ოქმის ფოტოასლს (კომისიის წევრთა თანდართული განსხვავებული აზრებით) მისი მოთხოვნის შემთხვევაში დაუყოვნებლივ გადასცემს პარტიის/საარჩევნო ბლოკის/ამომრჩეველთა საინიციატივო ჯგუფის წარმომადგენლებს და დამკვირვებელი ორგანიზაციის დამკვირვებლებს.

შემაჯამებელი ოქმის ფოტოასლი უნდა დამოწმდეს საოლქო საარჩევნო კომისიის ბეჭდით და საოლქო საარჩევნო კომისიის თავმჯდომარისა და საოლქო საარჩევნო კომისიის მდივნის ხელმოწერებით. არჩევნების შედეგების შემაჯამებელი ოქმის ფოტოასლის მიღებას წარმომადგენელი/დამკვირვებელი საოლქო საარჩევნო კომისიის სარეგისტრაციო ჟურნალში ხელმოწერით ადასტურებს.

საოლქო საარჩევნო კომისიის მდივანი, კენჭისყრის შედეგების შეჯამებიდან 7 დღის ვადაში გახსნის საუბნო საარჩევნო კომისიის დალუქულ ჩანაწერთა წიგნებს, გადაიღებს წიგნების იმ გვერდების ფოტოასლებს, რომლებზედაც შესრულებულია ამომრჩევლის ვინაობის შემოწმების დამატებით წესთან დაკავშირებული ჩანაწერები (ამის შემდეგ ჩანაწერთა წიგნი ისევ უნდა დაილუქოს), თავის ხელმოწერით დაამოწმებს ჩანაწერებს და შესაბამის დალუქულ დოკუმენტებთან (პირადობის მოწმობების/პასპორტების ფოტოასლები) ერთად გადასცემს ცესკოს. კომისიის მდივანი, ზემოთ აღნიშნულ ვადაში აგრეთვე გადაიღებს ჩანაწერთა წიგნების იმ გვერდების ფოტოასლებს, რომლებზედაც შესრულებულია საარჩევნო უბნის გახსნისას კენჭისყრის შენობაში ყოფნის უფლების მქონე ყველა პირის ხელმოწერა, კომისიის ბეჭდითა და ხელმოწერით ამოწმებს მათ და საჭიროების შემთხვევაში გადასცემს ცესკოს.

ნაწილი V

საოლქო საარჩევნო კომისიაში განცხადების/ საჩივრის შეტანისა და განხილვის წესები

თავი I.

საოლქო საარჩევნო კომისია საარჩევნო დავებთან დაკავშირებული ადმინისტრაციული წარმოებისას ხელმძღვანელობს საქართველოს ორგანული კანონის „საქართველოს საარჩევნო კოდექსით“, საქართველოს ცენტრალური საარჩევნო კომისიის 2012 წლის 2 მარტის N8/2012 დადგენილებით დამტკიცებული საარჩევნო ადმინისტრაციაში განცხადება/ საჩივრის შეტანისა და განხილვის ინსტრუქციით (შემდგომში ‒ ინსტრუქცია), საქართველოს ცენტრალური საარჩევნო კომისიის 2012 წლის 3 თებერვლის N2/2012 დადგენილებით დამტკიცებული საოლქო საარჩევნო კომისიის რეგლამენტითა და საქართველოს ზოგადი ადმინისტრაციული კოდექსით[2].

საოლქო სარჩევნო კომისიაში საარჩევნო დავებთან დაკავშირებული ადმინისტრაციული წარმოების დაწყების საფუძველი შეიძლება იყოს:

← განცხადება/საჩივარი[3];

← საოლქო საარჩევნო კომისიის მიერ მიღებული გადაწყვეტილება საკუთარი ინიციატივით საკითხის შესწავლის შესახებ.

საოლქო საარჩევნო კომისიაში საარჩევნო დავებთან, მათ შორის კენჭისყრის დღის განც- ხადების/საჩივრის განხილვასთან დაკავშირებული და საკუთარი ინიციატივით დაწყებული ადმინისტრაციული წარმოება მიმდინარეობს ქვემოთ მოცემულ სქემაში ნაჩვენები ეტაპების შესაბამისად.

თავი II.

განცხადება/საჩივრის შემდგენი პირები და მათი უფლებები საუბნო და ზემდგომ საოლქო საარჩევნო კომისიაში (საარჩევნო კოდექსი - მუხლი 72; მუხლი 73)

კენჭისყრის დღის განცხადებასთან/საჩივართან დაკავშირებით ადმინისტრაციული წარმოება საოლქო საარჩევნო კომისიაში დაიწყება დაინტერესებული მხარის (უფლებამოსილი პირის) მიერ განცხადების/საჩივრის წარდგენის შემთხვევაში.

არჩევნების დამკვირვებლის სტატუსის მქონე ორგანიზაციის დამკვირვებლებს/საარჩევნო სუბიექტების წარმომადგენელებს უფლება აქვთ კენჭისყრის, ხმის დათვლისა და კენჭისყრის შედეგების შეჯამების პროცედურების დროს ჩადენილი/გამოვლენილი დარღვევების შესახებ განცხადებით/საჩივრით მიმართონ საუბნო საარჩევნო კომისიას საქართველოს ორგანული კანონის „საქართველოს საარჩევნო კოდექსი“ დადგენილი წესით.

იმ შემთხვევაში, თუ საუბნო საარჩევნო კომისიის თავმჯდომარემ არ აღმოფხვრა დარღვევა ან სხვაგვარი ფორმით უარი განაცხადა მოახდინოს რეაგირება განცხადებაზე/საჩივარზე, დამკვირვებელს/საარჩევნო სუბიექტის წარმომადგენელს ან იმავე სადამკვირვებლო ორგანიზაციის სხვა დამკვირვებელს/საარჩევნო სუბიექტის სხვა წარმომადგენელს უფლება აქვს საარჩევნო უბნის გახსნიდან (07:00 საათიდან) საარჩევნო ყუთის გახსნამდე გამოვლენილი დარღვევები დაუყოვნებლივ გაასაჩივროს შესაბამის საოლქო საარჩევნო კომისიაში (საოლქო საარჩევნო კომისია ვალდებულია მიიღოს შესაბამისი ზომები დარღვევის აღმოსაფხვრელად).

იმ შემთხვევაში, თუ საუბნო საარჩევნო კომისიის თავმჯდომარემ/კომისიამ არ აღმოფხვრა დარღვევა ან სხვაგვარი ფორმით უარი განაცხადა მოახდინოს რეაგირება განცხადებაზე/საჩივარზე, რომელიც ეხება ხმის დათვლისა და კენჭისყრის შედეგების შეჯამების პროცედურების დროს ჩადენილი დარღვევებს, დამკვირვებელს/საარჩევნო სუბიექტის წარმომადგენელს ან იმავე სადამკვირვებლო ორგანიზაციის სხვა დამკვირვებელს/საარჩევნო სუბიექტის სხვა წარმომადგენელს უფლება აქვს საუბნო საარჩევნო კომისიის/საუბნო საარჩევნო კომისიის თავმჯდომარის ქმედება 2 დღის ვადაში გაასაჩივროს შესაბამის საოლქო საარჩევნო კომისიაში (საოლქო საარჩევნო კომისია განცხადებას/საჩივარს განიხილავს მიღებიდან 2 დღის ვადაში).

საოლქო საარჩევნო კომისიაში განცხადების/საჩივრის რეგისტრაცია (საარჩევნო კოდექსი - მუხლი 72; მუხლი 73)

საოლქო საარჩევნო კომისიაში განცხადება/საჩივარი (იხ. სარეკომენდაციო ფორმა დანართი №1). შეტანილად ითვლება კომისიაში მისი რეგისტრაციის მომენტიდან. საარჩევნო კომისიაში განცხადების/საჩივრის შეტანა არ აჩერებს გასაჩივრებული გადაწყვეტილების მოქმედებას.

საოლქო საარჩევნო კომისიაში შეტანილ განცხადებას/საჩივარს რეგისტრაციაში ატარებს კომისიის მდივანი, შემდეგი წესის დაცვით:

← სარეგისტრაციო ჟურნალში მიუთითებს განმცხადებლის ვინაობას;

← განცხადების/საჩივრის წარმდგენი და მიმღები პირები ხელს აწერენ ჩანაწერის გასწვრივ;

← განცხადების/საჩივრის მიღების დადასტურების მიზნით, განმცხადებელს გადასცემს წერილობით ცნობას საკუთარი ხელმოწერით და ბეჭდით (იხ. დანართი №3).

კომისიის მდივანი განცხადების/საჩივრის რეგისტრაციისას ვალდებულია დარწმუნდეს, რომ განცხადება/საჩივარი შეიცავს საქართველოს საარჩევნო კოდექსით გათვალისწინებულ ყველა საჭირო რეკვიზიტს (იხ. დანართი №2).

ხარვეზის დადგენის წინაპირობები და განუხილველად დატოვების საფუძვლების შემოწმება (საარჩევნო კოდექსი - მუხლი 74; მუხლი 77.191)

საოლქო საარჩევნო კომისიის მდივანი ვალდებულია განცხადების/საჩივრის წარმდგენს დაუდგინოს ხარვეზი, თუ განცხადება/საჩივარი არ შეიცავს:

← განცხადების/საჩივრის შედგენის თარიღსა და დროს;

← განმცხადებლის/მომჩივნის სახელს, გვარს და რეგისტრაციის ადგილს;

← საარჩევნო უბნის ნომერს;

← მოწმის არსებობის შემთხვევაში – მის სახელს, გვარს და რეგისტრაციის ადგილს.

ასეთ შემთხვევაში, საოლქო საარჩევნო კომისიის მდივანი ვალდებულია განცხადების/საჩივრის წარმდგენს განუსაზღვროს გონივრული ვადა ხარვეზის გამოსასწორებლად. ეს ვადა უნდა იყოს გონივრული, რომ წარმდგენმა სუბიექტმა შეძლოს მითითებული ხარვეზის გამოსწორება.

სარეგისტრაციო ჟურნალში ხარვეზის ჩანაწერის გასწვრივ ხელს აწერენ განცხადების/ საჩივრის წარმდგენი და საოლქო საარჩევნო კომისიის მდივანი.

განცხადების/საჩივრის წარმდგენს დადგენილ ვადაში უფლება აქვს გამოასწოროს ხარვეზი ანალოგიური განცხადების/საჩივრის წარდგენის გზით, რომელშიც აღმოფხვრილი იქნება ხარვეზის დადგენის საფუძვლები ან/და წარადგინოს განცხადება, სადაც მიეთითება ის მონაცემები, რომელთა გამოც დაუდგინდა ხარვეზი.

ხარვეზის შევსების შემთხვევაში, საოლქო საარჩევნო კომისიის მდივანი, სარეგისტრაციო ჟურნალში რეგისტრირებული განცხადების/საჩივრის გასწვრივ აკეთებს ჩანაწერს ”შევსებულია”, ხარვეზის შევსების ზუსტი დროისა და თარიღის მითითებით. ჩანაწერის გასწვრივ ხელს აწერს განცხადება/საჩივრის წარმდგენი და საოლქო საარჩევნო კომისიის მდივანი. დადგენილ ვადაში ხარვეზის გამოუსწორებლობა განცხადების/საჩივრის განუხილველად დატოვების საფუძველია.

აღსანიშნავია, რომ ხარვეზის დადგენა არ ხდება საუბნო საარჩევნო კომისიის კენჭისყრის შედეგების შემაჯამებელი ოქმის გასაჩივრებასთან დაკავშირებულ განცხადებაზე/ საჩივარზე, ასევე იმ შემთხვევაში, როდესაც განცხადება/საჩივარი შეიცავს განუხილველად დატოვების ქვემოთ მოცემულ საფუძვლებს:

← დარღვეულია მისი შეტანის ვადა და წესი;

← განცხადება/საჩივარი შედგენილია არაუფლებამოსილი პირის მიერ;

← განცხადებაში/საჩივარში არ არის აღნიშნული დარღვევის არსი და მისი ჩადენის დრო.

განცხადების/საჩივრის განუხილველად დატოვების საფუძველია, ასევე ზოგადი ადმინისტრაციული კოდექსის 182-ე მუხლით გათვალისწინებული გარემოებები, კერძოდ, თუ:

← არსებობს საოლქო საარჩევნო კომისიის ან ზემდგომი საარჩევნო კომისიის გადაწყვეტილება იმავე საკითხზე;

← არსებობს სასამართლოს გადაწყვეტილება ან განჩინება იმავე დავის საგანზე მოსარჩელის მიერ სარჩელზე უარის თქმის, მოპასუხის მიერ სარჩელის ცნობის, ან მხარეთა მორიგების დამტკიცების შესახებ;

← სასამართლო წარმოებაშია საქმე დავაზე იმავე მხარეებს შორის, იმავე საგანზე და იმავე საფუძვლით;

← ზემდგომ საარჩევნო კომისიაში მიმდინარეობს ადმინისტრაციული წარმოება იმავე განცხადება/საჩივართან დაკავშირებით.

განცხადების/საჩივრის განუხილველად დატოვების საფუძვლების არსებობის შემთხვევაში საოლქო საარჩევნო კომისიის თავმჯდომარე გამოსცემს განკარგულებას განცხადების/ საჩივრის განუხილველად დატოვების შესახებ.

განცხადების/საჩივრის განუხილველად დატოვების შესახებ ინფორმაცია, საოლქო საარჩევნო კომისიის თავმჯდომარის განკარგულების გამოცემისთანავე, დაუყოვნებლივ უნდა ეცნობოს მხარეს.

განმცხადებელს/მომჩივანს განცხადების/საჩივრის განუხილველად დატოვების შესახებ შეიძლება ეცნობოს როგორც წერილობით, ტელეფონით (მათ შორის, მობილური ტელეფონით; მოკლე ტექსტური შეტყობინებით), ელექტრონული ფოსტით ან სხვა ტექნიკური საშუალებებით).

განმცხადებლი/მომჩივანი ინფორმირებულად ითვლება, თუ ინფორმირება დასტურდება:

← განმცხადებლის/მომჩივანის მიერ მითითებულ საკონტაქტო ტელეფონის ნომერზე დაკავშირებით;

← შეტყობინების ელექტრონული ფოსტის, მოკლე ტექსტური შეტყობინების ან სხვა ტექნიკური საშუალებებით გაგზავნის შემთხვევაში – შესაბამისი ტექნიკური საშუალებით გაგზავნის დადასტურებით.

განმცხადებელი/მომჩივანი ასევე ინფორმირებულად ჩაითვლება, თუ შეუძლებელია მასთან განცხადებაში/საჩივარში მითითებული ტექნიკური საშუალებებით დაკავშირება.

განცხადების/საჩივრის განუხილველად დატოვების შესახებ საოლქო საარჩევნო კომისიის თავმჯდომარის განკარგულების გამოცემის თაობაზე განმცხადებლის/მომჩივნის ინფორმირებასთან დაკავშირებით დგება შეტყობინების აქტი (დანართი N5). საოლქო საარჩევნო კომისიის თავმჯდომარის დავალებით შეტყობინების აქტს ადგენს და ხელს აწერს კომისიის ერთ-ერთი წევრი.

თავი III.

კენჭისყრის პროცედურებთან, ხმის დათვლასთან და კენჭისყრის შედეგების შეჯამებასთან დაკავშირებულ განცხადებებს/ საჩივრებს საოლქო საარჩევნო კომისია განიხილავს და გადაწყვეტილებებს იღებს საოლქო საარჩევნო კომისიაში შესაბამისი განცხადების/საჩივრის რეგისტრაციიდან 2 დღის ვადაში.

საოლქო საარჩევნო კომისია განცხადების/საჩივრის განხილვის შესახებ გადაწყვეტილებას იღებს მხარეთა მიერ წარმოდგენილი მტკიცებულებებისა და საარჩევნო ადმინისტრაციის მიერ საკუთარი ინიციატივით მოპოვებული მასალების სათანადო გამოკვლევისა და შესწავლის შემდეგ. საოლქო საარჩევნო კომისია გადაწყვეტილებას იღებს განკარგულებით, რომელიც შეიძლება საქართველოს საარჩევნო კოდექსით დადგენილი წესით გასაჩივრდეს მხოლოდ სასამართლოში.

მხარეს უფლება აქვს, საარჩევნო კანონმდებლობით დადგენილი წესით მიიღოს მონაწილეობა საჩივრის განხილვაში. ამასთან, მხარეს, რომელიც ესწრება საარჩევნო კომისიის სხდომას, სხდომის დაწყების წინ, მოთხოვნის შემთხვევაში უნდა გადაეცეს მისი საჩივრის განხილვასთან დაკავშირებული მოკვლევის მასალების ფოტოასლები. საოლქო საარჩევნო კომისიის სხდომაზე მხარის გამოუცხადებლობა არ ქმნის საჩივრის განხილვის გადადების საფუძველს.

საოლქო საარჩევნო კომისია ვალდებულია მხარეს საქმის განხილვის დრო და ადგილი შეატყობინოს საქმის განხილვის დაწყებამდე არაუგვიანეს 3 საათისა. თუ საჩივრის ავტორია:

← საარჩევნო კომისიაში რეგისტრირებული დამკვირვებელი ორგანიზაცია ან მისი წარმომადგენელი, საჩივრის განხილვის დროისა და ადგილის შესახებ ეცნობება ამ ორგანიზაციის საარჩევნო კომისიაში რეგისტრირებულ შესაბამის დამკვირვებელს ან ამ ორგანიზაციას;

← საარჩევნო სუბიექტი ან მისი დანიშნული წარმომადგენელი, საჩივრის განხილვის დროისა და ადგილის შესახებ ეცნობება ამ სუბიექტის მიერ დანიშნულ წარმომადგენელს;

← საარჩევნო კომისიის წევრი, საჩივრის განხილვის დროისა და ადგილის შესახებ პირადად მას ეცნობება.

საჩივრის განხილვისათვის მხარეები შეიძლება დაბარებულ იქნენ როგორც წერილობით, ისე ტელეფონით (მათ შორის, მობილური ტელეფონით; მოკლე ტექსტური შეტყობინებით), ელექტრონული ფოსტით, ფაქსით ან სხვა ტექნიკური საშუალებით.

მხარის ტექნიკური საშუალებებით დაბარება დასტურდება:

← მის მიერ მითითებულ საკონტაქტო ტელეფონის ნომერზე დაკავშირებით;

← ელექტრონული ფოსტის, ფაქსის ან მოკლე ტექსტური შეტყობინების შემთხვევაში − შესაბამისი ტექნიკური საშუალებით მოწოდებული დადასტურებით.

მხარის ტექნიკური საშუალებებით დაბარებისას დგება აქტი (იხ. დანართი №4), რომელიც უნდა დაერთოს კომისიის სხდომაზე წარმოდგენილ საჩივარს. საოლქო საარჩევნო კომისიაში აქტს კომისიის თავმჯდომარის დავალებით ადგენს კომისიის ერთ-ერთი წევრი და მას ხელს აწერენ აქტის შემდგენი და საოლქო საარჩევნო კომისიის თავმჯდომარე.

მხარეს უფლება აქვს:

← საარჩევნო კომისიასთან ურთიერთობა აწარმოოს წარმომადგენლის მეშვეობით;

← ისარგებლოს ადვოკატის დახმარებით.

წარმომადგენელი ვალდებულია საარჩევნო კომისიაში წარადგინოს კანონით დადგენილი წესით დამოწმებული წარმომადგენლობის დამადასტურებელი საბუთი:

← მოქალაქეების წარმომადგენლობა დასტურდება მათ მიერ გაცემული წარმომადგენლ- ობის დამადასტურებელი დოკუმენტით;

← ამომრჩეველთა საინიციატივო ჯგუფის წარმომადგენლობა დასტურდება წარმომადგენ- ლობის დამადასტურებელი შესაბამისი დოკუმენტით;

← პარტიის, დამკვირვებელი ორგანიზაციის წარმომადგენლობა დასტურდება მისი ხელმ- ძღვანელი პირის მიერ გაცემული მინდობილობით;

← ადვოკატის წარმომადგენლობა დასტურდება მარწმუნებლის მიერ დადგენილი წესით მასზე გაცემული დოკუმენტით (მინდობილობა/ორდერი).

განცხადების/საჩივრის წარმდგენ პირს უფლება აქვს საოლქო საარჩევნო კომისიის მიერ გადაწყვეტილების გამოტანამდე უარი განაცხადოს განცხადება/საჩივარზე (უკან გაითხოვოს განცხადება/საჩივარი).

უარი განცხადებაზე/საჩივარზე განცხადებული უნდა იქნეს წერილობით, საოლქო საარჩევნო კომისია წერილობით უარს დაურთავს განცხადებას/საჩივარს. ზეპირი მოსმენის დროს განმცხადებელი/მომჩივანი უფლებამოსილია განცხადება/საჩივარზე უარი განაცხადოს აგრეთვე ზეპირადაც, რაც აისახება საოლქო საარჩევნო კომისიის სხდომის ოქმში.

თავი IV.

საოლქო საარჩევნო კომისიაში საარჩევნო კანონმდებლობის დარღვევებთან (გარდა კენჭისყრის დღისა) დაკავშირებული განცხადების/საჩივრის რეგისტრაცია, განცხადების/საჩივრის განხილვაზე მხარეების დაბარება და განცხადების/საჩივრის განხილვა მიმდინარეობს ერთიანი წესით, რომელიც მოცემულია კენჭისყრისა და ხმის დათვლის პროცედურების დარღვევებზე წარდგენილ განცხადებებთან/საჩივრებთან მიმართებით.

საოლქო საარჩევნო კომისია არ ადგენს ხარვეზს საარჩევნო კანონმდებლობის დარღვევების გამო (გარდა კენჭისყრის დღისა) წარდგენილ განცხადებებზე/საჩივრებზე. შესაბამისი საფუძვლის არსებობისას განცხადება/საჩივარი ხარვეზის დაუდგენლად რჩება განუხილველი.

საუბნო საარჩევნო კომისიის/კომისიის ხელმძღვანელ პირთა გადაწყვეტილებები მათი მიღებიდან 2 კალენდარული დღის ვადაში შეიძლება გასაჩივრდეს შესაბამის საოლქო საარჩევნო კომისიაში. საოლქო საარჩევნო კომისია საუბნო საარჩევნო კომისიის/კომისიის ხელმძღვანელი პირის გადაწყვეტილების გამო წარდგენილ საჩივარს იხილავს 2 კალენდარული დღის ვადაში.

თავი V.

საოლქო საარჩევნო კომისიის/კომისიის ხელმძღვანელ პირთა გადაწყვეტილებები, გარდა ქვემოთ აღნიშნული გადაწყვეტილებებისა, მიღებიდან 1 კალენდარული დღის ვადაში შეიძლება გასაჩივრდეს ცესკოში.

საოლქო საარჩევნო კომისიის გადაწყვეტილებები, როგორიცაა ამომრჩეველთა შესახებ მონაცემებში/სიებში ცვლილების შეტანაზე უარის თქმის შესახებ და ადგილობრივი დამკვირვებელი ორგანიზაციის რეგისტრაციაზე უარის თქმის შესახებ და, ასევე, საუბნო საარჩევნო კომისიის/კომისიის ხელმძღვანელ პირთა გადაწყვეტილებების გამო (მათ შორის, კენჭისყრის შედეგების შემაჯამებელი ოქმის შედგენის გამო) შეიძლება გასაჩივრდეს შესაბამის რაიონულ/საქალაქო სასამართლოში 2 კალენდარული დღის ვადაში.

დანართი N1

-------------------------------------------------------------------------------------------------------------------------

ა) განცხადება/საჩივრის საარჩევნო უბანში წარდგენის შემთხვევაში მიეთითება საარჩევნო უბნისა და ოლქის დასახელება და ნომერი

გ) განცხადება/საჩივრის საარჩევნო ოლქში წარდგენის შემთხვევაში მიეთითება საარჩევნო ოლქის დასახელება და ნომერი

გ ა ნ ც ხ ა დ ე ბ ა / ს ა ჩ ი ვ ა რ ი

(საჭირო გახაზეთ)

განმცხადებელი/მომჩივანი ------------------------------------------------------------------------------------

სახელი, გვარი, მისამართი რეგისტრაციის ადგილის მიხედვით და დამნიშნავი საარჩევნო სუბიექტის/დამკვირვებელი ორგანიზაციის სახელწოდება

-------------------------------------------------------------------------------------------------------------------------

საკონტაქტო ტელეფონის ნომერი, ფაქსი, ელ. ფოსტის მისამართი (ასეთის არსებობის შემთხვევაში)

დარღვევა: კენჭისყრის პროცედურა □ დარღვევის ჩადენის დრო ---------------------------საათი, წუთი

ხმის დათვლა/კენჭისყრის შედეგების

შეჯამების პროცედურა □ № ”---” ”-------------------” საარჩევნო უბანი

დარღვევის არსი: -------------------------------------------------------------------------------------------------

-------------------------------------------------------------------------------------------------------------------------

-------------------------------------------------------------------------------------------------------------------------

მოწმე (არსებობის შემთხვევაში) -----------------------------------------------------------------------------

სახელი, გვარი, მისამართი რეგისტრაციის ადგილის მიხედვით

დამრღვევის დადგენის შემთხვევაში ‒ მისი ის მონაცემები, რომელთა დადგენაც შესაძლებელი გახდა ---------------------------------------------------------------------------------------------------------------------------------------------------------------------------------------------------------------------

დამრღვევის ახსნა-განმარტება (ასეთის არსებობის შემთხვევაში) ------------------------------------------------------------------------------------------------------------------------------------------------------------------------------------------------------------------------------------------------------------------------------------(სხვა დამატებითი ინფორმაცია) ------------------------------------------------------------------------------------------------------------------------------------------------------------------------------------------------------- ყოველივე ზემოაღნიშნულიდან გამომდინარე, გთხოვთ, -----------------------------------------------------------------------------------------------------------------------------------------------------------------------

განცხადება/საჩივრის განხილვისას პოზიციის დასაბუთებისთვის საჭირო გონივრული დრო--------- წუთი

”----“ “-----------“ 20----- წელი

განმცხადებელი/მომჩივანი:

განცხადების/საჩივრის ------------------------------------------------ ------------------

(შედგენის დრო (საათი, წუთი)) ხელმოწერა

დანართი N2

საარჩევნო კომისიაში წარდგენილი განცხადების/საჩივრის რეკვიზიტები

განცხადებაში/საჩივარში აღინიშნება:[4]

← განცხადების/საჩივრის შედგენის თარიღი და დრო*;

← განმცხადებლის/მომჩივნის სახელი, გვარი და რეგისტრაციის ადგილი*;

← საარჩევნო უბნის ნომერი*;

← მოწმის არსებობის შემთხვევაში – მისი სახელი, გვარი და რეგისტრაციის ადგილი*;

← დარღვევის არსი და ჩადენის დრო**;

← დამრღვევის დადგენის შემთხვევაში – მისი ის მონაცემები, რომელთა დადგენაც შესაძლებელი გახდა**;

← დამრღვევის ახსნა-განმარტება (ასეთის არსებობის შემთხვევაში)**;

← განმცხადებლის/მომჩივნის საკონტაქტო ტელეფონის (საცხოვრებელი ადგილის ან/და მობილურის) ნომერი***;

← განმცხადებლის/მომჩივნის ფაქსის ნომერი და ელექტრონული ფოსტის მისამართი (მათი არსებობის შემთხვევაში)***;

← სხვა დამატებითი ინფორმაცია.

დანართი N3

№ „……“…………… საოლქო საარჩევნო კომისია

ცნობა

განცხადების/საჩივრის რეგისტრაციაში გატარების შესახებ

განცხადების/საჩივრის მიღების თარიღი: .......................................................................... განცხადების/საჩივრის მიღების დრო: ............................................................................... განცხადების/საჩივრის სარეგისტრაციო ნომერი: ............................................................... კომისიის მდივანი: ....................................

/ხელმოწერა/

დანართი N4

მხარის ტექნიკური საშუალებებით დაბარების

ა ქ ტ ი

ქ. ------------------- „----“ „----------“ 20-- წ.

აქტის შემდგენი ----------------------------------------------------------------------------------------------------- (სახელი, გვარი, თანამდებობა)

შევადგინე ეს აქტი მასზედ, რომ -----------------------------------------------------------------------------

-------------------------------------------------------------------------------------------------------------------------

-------------------------------------------------------------------------------------------------------------------------

(დასაბარებელი მხარის ვინაობა, იმ ტექნიკური საშუალების დასახელება და ნომერი, რომლიდანაც და რომელზეც მოხდა მხარესთან დაკავშირება, და შედეგი)

-------------------------------------------------------------------------------------------------------------------------

-------------------------------------------------------------------------------------------------------------------------

(საჩივრის განხილვის დრო და ადგილი)

-------------------------------------------------------------------------------------------------------------------------

(საჩივრის დასახელება, რომლის გამოც ხდება დაბარება)

-------------------------------------------------------------------------------------------------------------------------

-------------------------------------------------------------------------------------------------------------------------

-------------------------------------------------------------------------------------------------------------------------

გამოუცხადებლობის შემთხვევაში მხარეს განემარტა „საქართველოს საარჩევნო კოდექსი“ საქართველოს ორგანული კანონის 77-ე მუხლის 25-ე და 31-ე პუნქტების შინაარსი.

ყოველივე ზემოაღნიშნულზე შედგა ეს აქტი, რომლის სისწორესაც ხელმოწერით ვადასტურებთ:

----------------------------------------------------------------

(აქტის შემდგენის ხელმოწერა)

--------------------------------------------------------------------

(საოლქო საარჩევნო კომისიის თავმჯდომარის/ცესკოს განყოფილების უფროსის ხელმოწერა)

აქტის შედგენის დრო -----------------------------------------

რიცხვი/თვე/წელი

დანართი N5

საარჩევნო კომისიის თავმჯდომარის განკარგულებით

განცხადების/საჩივრის განუხილველად დატოვების შესახებ ინფორმაციის

მხარისათვის შეტყობინების

ა ქ ტ ი

ქ. ------------------- „----“ „----------“ 20-- წ.

აქტის შემდგენი --------------------------------------------------------------------------------------------------- (სახელი, გვარი, თანამდებობა)

შევადგინე ეს აქტი მასზე, რომ -----------------------------------------------------------------------------

-------------------------------------------------------------------------------------------------------------------------

------------------------------------------------------------------------------------------------------------------------- (მხარის ვინაობა, იმ ტექნიკური საშუალების დასახელება და ნომერი, რომლიდანაც და რომელზეც მოხდა მხარესთან

დაკავშირება და შედეგი)

-------------------------------------------------------------------------------------------------------------------------

-------------------------------------------------------------------------------------------------------------------------

(საჩივრის დასახელება, რომელიც დარჩა განუხილველი)

-------------------------------------------------------------------------------------------------------------------------

(საჩივრის განუხილველად დატოვების დრო, თარიღი)

-------------------------------------------------------------------------------------------------------------------------

-------------------------------------------------------------------------------------------------------------------------

-------------------------------------------------------------------------------------------------------------------------

ყოველივე ზემოაღნიშნულზე შედგა ეს აქტი, რომლის სისწორესაც ხელმოწერით ვადასტურებთ:

-------------------------------------------------------------------------------------------------------------------------

(საოლქო საარჩევნო კომისიის შესაბამისი წევრის/ცესკოს იურიდიული დეპარტამენტის შესაბამისი თანამშრომლის ხელმოწერა)

აქტის შედგენის დრო -----------------------------------------

რიცხვი/თვე/წელი

-----------------------

[1] საარჩევნო დოკუმენტაცია – საარჩევნო კომისიაში შესული და საარჩევნო კომისიიდან გასული განცხადება, საჩივარი, წერილი, ოქმი, საარჩევნო ბიულეტენი, სპეციალური კონვერტი, საქართველოს საარჩევნო ადმინისტრაციის სამართლებრივი აქტი, საკონტროლო ფურცელი, სარეგისტრაციო ჟურნალი, ამომრჩეველთა სია, ამომრჩევლის ბარათი, საარჩევნო კომისიის წევრის ახსნა­განმარტება.

[2] საუბნო საარჩევნო კომისიების წევრებისთვის დისციპლინური პასუხისმგებლობის ზომის შეფარდებისათვის საოლქო საარჩევნო კომისიები იყენებენ ზოგადი ადმინისტრაციული კოდექსით დადგენილ მარტივი ადმინისტრაციული წარმოების წესებს (საქართველოს ზოგადი ადმინისტრაციული კოდექსის VI, VII, XIII თავის საფუძველზე).

[3] განცხადება არის უფლების მოპოვებაზე ადმინისტრაციულ ­ სამართლებრივი აქტის გამოცემით/ქმედების განხორციელებით დაინტერესებული მხარის მიერ შეტანილი წერილობითი მოთხოვნა ან ზეპირი განცხადება, ხოლო საჩივარი ‒ დაინტერესებული მხარის მიერ შესაბამის საუბნო/საოლქო საარჩევნო კომისიაში დადგენილი წესით წარდგენილი წერილობითი მოთხოვნა დარღვეული უფლების აღდგენის მიზნით საუბნო საარჩევნო კომისიის/კომისიის ხელმძღვანელი პირის მიერ გამოცემული ადმინისტრაციულ ­ სამართლებრივი აქტის ბათილად გამოცხადების, შეცვლის ან ახალი ადმინისტრაციულ ­ სამართლებრივი აქტის გამოცემის ან საუბნო/საოლქო საარჩევნო კომისიის/კომისიის ხელმძღვანელი პირის მიერ ისეთი მოქმედების განხორციელების ან ისეთი მოქმედების განხორციელებისაგან თავის შეკავების შესახებ, რომელიც არ გულისხმობს ადმინისტრაციულ ­ სამართლებრივი აქტის გამოცემას.

*აღნიშნული რეკვიზიტების არაზუსტად ან არასრულყოფილად მითითება არის განცხადებაზე/საჩივარზე ხარვეზის დადგენის საფუძველი, ხოლო ხარვეზის გამოუსწორებლობის შემთხვევაში − მისი განუხილველად დატოვების საფუძველი.

**აღნიშნული რეკვიზიტების მიუთითებლობა არის ხარვეზის დადგენის გარეშე განცხადების/საჩივრის განუხილველად დატოვების საფუძველი.

***აღნიშნული რეკვიზიტების არაზუსტად ან არასრულყოფილად მითითება არ შეიძლება გახდეს განცხადებაზე/საჩივარზე ხარვეზის დადგენის და მისი განუხილველად დატოვების საფუძველი, მაგრამ შეიძლება გახდეს მხარის საჩივრის განხილვაზე დაბარების შეუძლებლობის საფუძველი.

-----------------------

საოლქო საარჩევნო კომისიის დაკომპლექტების წესი და უფლებამოსილება

ყურადღება!

პარტიას უფლება აქვს, ნებისმიერ დროს, გარდა კენჭისყრის დღისა (19 მაისი), გამოიწვიოს თავის მიერ დანიშნული საოლქო საარჩევნო კომისიის წევრი. ამის თაობაზე პარტიამ უნდა აცნობოს შესაბამის საარჩევნო კომისიას.

ყურადღება!

საოლქო საარჩევნო კომისიის წევრს ეკრძალება წინასაარჩევნო აგიტაციის გაწევა და აგიტაციაში მონაწილეობა.

საოლქო საარჩევნო კომისიის მუშაობის წესი

ყურადღება!

საარჩევნო კომისიის ფუნქციებსა და საქმიანობაში ჩარევა არის ადმინისტრაციული სამართალდარღვევა, რის თაობაზეც ადმინისტრაციულ სამართალდარღვევათა შესახებ ოქმს ადგენს შესაბამისი საოლქო საარჩევნო კომისიის მიერ უფლებამოსილი პირი (თანამდებობის პირი) და დაუყოვნებლივ აგზავნის შესაბამის რაიონულ/საქალაქო სასამართლოში. დარღვევის დადასტურების შემთხვევაში სასამართლო იღებს გადაწყვეტილებას შესაბამისი პირის 500 ლარის ოდენობით დაჯარიმების შესახებ (საქართველოს საარჩევნო კოდექსი - მუხლი 911; მუხლი 93.1).

ყურადღება!

საარჩევნო სუბიექტის წარმომადგენელს აქვს უფლება, შესაბამისი საარჩევნო კომისიის სხდომაზე მოითხოვოს სიტყვით გამოსვლა და აზრის გამოთქმა, ამა თუ იმ საკითხზე გადაწყვეტილების მიღება (საქართველოს საარჩევნო კოდექსი - მუხლი 42.5).

ყურადღება!

კომისიის წევრს, რომელიც არ ეთანხმება კომისიის გადაწყვეტილებას, უფლება აქვს, წერილობით გამოთქვას განსხვავებული აზრი, რომელიც ერთვის ოქმს.

განსხვავებული აზრის მქონე კომისიის წევრი ვალდებულია პატივი სცეს და დაემორჩილოს კომისიის მიერ მიღებულ გადაწყვეტილებებს. მას არა აქვს უფლება თავისი ქმედებით/უმოქმედობით ხელი შეუშალოს კომისიის გადაწყვეტილებათა აღსრულებას.

ყურადღება!

საოლქო საარჩევნო კომისიაში არ ხდება განცხადებების/საჩივრების ელექტრონული ფორმით მიღება.

ყურადღება!

საოლქო საარჩევნო კომისიის/კომისიის ხელმძღვანელ პირთა გადაწყვეტილებების, საოლქო საარჩევნო კომისიის კენჭისყრისა და არჩევნების შედეგების შემაჯამებელი ოქმის ფოტოასლები, დაუყოვნებლივ უნდა გადაეცეს ყველა დაინტერესებულ პირს, მათი მოთხოვნის შემთხვევაში.

საუბნო საარჩევნო კომისიის კენჭისყრის შედეგების შემაჯამებელი ოქმის ფოტოასლები კენჭისყრის დღის მეორე დღიდან, დაუყოვნებლივ უნდა გადაეცეს ყველა დაინტერესებულ პირს, მათი მოთხოვნის შემთხვევაში (შემაჯამებელი ოქმის ფოტოასლი გაიცემა შესაბამისი საოლქო საარჩევნო კომისიის მიერ).

საჩივართან დაკავშირებული გადაწყვეტილება (გარდა კომისიის სხდომის ოქმისა) მხარეს, რომელიც მონაწილეობს საჩივრის განხილვაში, მისი მოთხოვნის შემთხვევაში უნდა ჩაჰბარდეს ამ გადაწყვეტილების მიღების მომდევნო დღის 12 საათამდე.

საუბნო საარჩევნო კომისიის პირველი სხდომის ორგანიზება

ყურადღება!

← საუბნო საარჩევნო კომისიის თავმჯდომარე/კომისიის თავმჯდომარის მოადგილე/ კომისიის მდივანი არ შეიძლება იყვნენ ერთი და იმავე საარჩევნო სუბიექტის მიერ წარდგენილი კომისიის წევრები.

← საუბნო საარჩევნო კომისიის თავმჯდომარედ/კომისიის თავმჯდომარის მოადგილედ/ კომისიის მდივნად ასარჩევად ერთი და იმავე კანდიდატურის დასახელება შეიძლება მხოლოდ ორჯერ.

← საუბნო საარჩევნო კომისიის თავმჯდომარედ/კომისიის თავმჯდომარის მოადგი-ლედ/კომისიის მდივნად დასახელებულ კანდიდატს უფლება აქვს, მონაწილეობა მიიღოს კენჭისყრაში და ხმა მისცეს საკუთარი კანდიდატურის სასარგებლოდ.

ამომრჩეველთა სიების შედგენის, გამოქვეყნებისა და მონაცემთა გადამოწმების წესი

ყურადღება!

← კედლის სიის თავდაპირველი ვერსია უნდა ჩამოიხსნას და იმავე ადგილას დაზუსტებული ვერსია უნდა გამოიკრას.

← დაუშვებელია სამაგიდო სიის და მისი ასლის საჯარო ინფორმაციის სახით გაცემა.

ყურადღება!

ამომრჩეველთა შესახებ მონაცემების გაცნობა და ასლის გაცემა ხორციელდება საჯარო ინფორმაციის გაცნობისა და გაცემისთვის საქართველოს კანონმდებლობით დადგენილი წესით.

ყურადღება!

ამომრჩეველთა ერთიანი სიის საჯარო ინფორმაციისთვის განკუთვნილი ფოტოსურათებიანი ვერსიის გაცემა დასაშვებია მხოლოდ ელექტრონული სახით. უფლებამოსილმა პირმა სიის მისაღებად საოლქო საარჩევნო კომისიას უნდა წარუდგინოს სათანადო მოცულობის მქონე ინფორმაციის ელექტრომატარებელი.

ყურადღება!

ზემოთ აღნიშნული მიზნებისთვის, საოლქო საარჩევნო კომისიას უფლება აქვს მიმართოს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს - სახელმწიფო სერვისების განვითარების სააგენტოს/საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს ან/და სამინისტროს ტერიტორიულ ორგანოს. მიმართვის შემთხვევაში სააგენტო/სამინისტრო ან/და მისი ტერიტორიული ორგანოები ვალდებულინი არიან დაუყოვნებლივ მიაწოდონ საოლქო საარჩევნო კომისიას შესაბამისი ინფორმაცია.

ყურადღება!

სპეციალური სიის საჯარო ინფორმაციისთვის მიკუთვნებული ვერსია (კედლის სია) თვალსაჩინო ადგილას უნდა გამოიკრას საუბნო საარჩევნო კომისიისა და კენჭისყრის შენობებში.

ყურადღება!

აღნიშნული რაოდენობის შევსების შემდეგ საუბნო საარჩევნო კომისიის თავმჯდომარე ყოველი ახალი შემოსული განცხადების შესახებ დაუყოვნებლივ ატყობინებს ზემდგომ საოლქო საარჩევნო კომისიას.

საოლქო საარჩევნო კომისია განცხადებებს განიხილავს და ამომრჩეველთა გადასატანი საარჩევნო ყუთის სიაში ამომრჩევლის შეყვანის მიზანშეწონილობის შესახებ გადაწყვეტილებას იღებს სხდომაზე დამსწრეთა არანაკლებ ორი მესამედით.

ყურადღება!

გადასატანი საარჩევნო ყუთის სიაში შეიტანება ამომრჩევლის შესახებ იგივე მონაცემები, რომლებიც არის ამომრჩეველთა ერთიან სიაში, გარდა მისი ფოტოსურათისა და დამატებით აღინიშნება მისი რიგითი ნომერი ერთიან ან სპეციალურ სიაში.

გადასატანი საარჩევნო ყუთის სიის საჯარო ინფორმაციისთვის მიკუთვნებული ვერსია (კედლის სია) შედგენისთანავე თვალსაჩინო ადგილას უნდა გამოიკრას საუბნო საარჩევნო კომისიისა და კენჭისყრის შენობებში.

მზადება კენჭისყრის დღისთვის

ყურადღება!

მიღება-ჩაბარების აქტის გაფორმებამდე მიმღები და გამცემი პირები ამოწმებენ საარჩევნო ბიულეტენების რეკვიზიტების სისწორეს და საარჩევნო ბიულეტენებისა და სპეციალური კონვერტების რაოდენობის შესაბამისობას მიღება-ჩაბარების აქტში შეტანილ მონაცემებთან. ამის შემდეგ საარჩევნო ბიულეტენები კვლავ ილუქება, რასაც მხარეები ხელმოწერით ადასტურებენ.

ყურადღება!

თუ საარჩევნო ბიულეტენში შეტანილი რომელიმე საარჩევნო სუბიექტი აღარ მონაწილეობს არჩევნებში, განცხადება ამის შესახებ უნდა გამოიკრას თვალსაჩინო ადგილას კენჭისყრის შენობაში და ფარული კენჭისყრის კაბინებში.

დამკვირვებელთა, საარჩევნო სუბიექტების წარმომადგენელთა რეგისტრაცია, პრესისა და მასობრივი ინფორმაციის სხვა საშუალებების წარმომადგენელთა აკრედიტაცია

ყურადღება!

ორგანიზაციის რეგისტრაციის მომენტისათვის, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოს მიერ გაცემული ამონაწერის მონაცემების ნამდვილობისა და საქართველოს ორგანული კანონის „საქართველოს საარჩევნო კოდექსი“ 39-ე მუხლის მე-2 პუნქტით გათვალისწინებული მოთხოვნების გადამოწმების/ დადასტურების მიზნით, საჯარო რეესტრის ეროვნული სააგენტო ცესკოს უზრუნველყოფს შესაბამისი ელექტრონული მონაცემების ბაზების ხელმისაწვდომობისა და გადამოწმების შესაძლებლობით.

მოთხოვნის შემთხვევაში, ცესკოს სარეგისტრაციო და ადმინისტრაციული დეპარტამენტი საოლქო საარჩევნო კომისიას დაუყოვნებლივ, წერილობით აწვდის ინფორმაციას ორგანიზაციის მიერ წარდგენილი ამონაწერის მონაცემების ნამდვილობისა და საარჩევნო კოდექსის 39-ე მუხლის მე-2 პუნქტით გათვალისწინებული მოთხოვნების გადამოწმების/ დადასტურების მიზნით.

ყურადღება!

ადგილობრივი დამკვირვებელი ორგანიზაციების მიერ დამკვირვებელთა ელექტრონული საშუალებებით დანიშვნის შესახებ განცხადებების წარდგენისა და რეგისტრაციის წესი და პირობები განსაზღვრულია ცესკოს 2018 წლის 17 მარტის №21/2018 დადგენილებით.

ყურადღება!

ცესკოში რეგისტრირებულ ადგილობრივ დამკვირვებელს უფლება აქვს, დაკვირვება განახორციელოს ყველა დონის ნებისმიერ საარჩევნო კომისიაში. ადგილობრივი დამკვირვებელი ორგანიზაციის დამკვირვებელი საოლქო საარჩევნო კომისიაში და ის დამკვირვებელი, რომელიც დაკვირვებას ახორციელებს საარჩევნო ოლქის ტერიტორიაზე არსებულ საარჩევნო უბანში, უფლებამოსილია, კენჭისყრის დღეს დაკვირვება განახორციელოს შესაბამისი ოლქის ტერიტორიაზე არსებულ ნებისმიერ საარჩევნო უბანში.

ყურადღება!

ცესკოსა და საოლქო საარჩევნო კომისიაში დანიშნული საარჩევნო სუბიექტების წარმომადგენლები არ შეიძლება იმავდროულად დაინიშნონ სხვა საარჩევნო კომისიაში, ხოლო საუბნო საარჩევნო კომისიაში დანიშნული წარმომადგენლი არ შეიძლება იმავდროულად დაინიშნოს ცესკოსა და საოლქო საარჩევნო კომისიაში.

საარჩევნო სუბიექტის წარმომადგენლად რეგისტრირებული პირის საარჩევნო სუბიექტად რეგისტრაციის შემთხვევაში, პირს უუქმდება წარმომადგენლის რეგისტრაცია შესაბამის საარჩევნო კომისიაში.

ყურადღება!

საარჩევნო სუბიექტს უფლება აქვს, ნებისმიერ დროს, გარდა კენჭისყრის დღის წინა დღისა (18 მაისი) და კენჭისყრის დღისა (19 მაისი), გამოიწვიოს ან/და შეცვალოს თავისი წარმომადგენელი, რის თაობაზედაც უნდა აცნობოს შესაბამის საარჩევნო კომისიას.

საარჩევნო სუბიექტების მიერ ელექტრონული საშუალებებით წარმომადგენელთა დანიშვნის შესახებ განცხადებების წარდგენისა და რეგისტრაციის წესი და პირობები განსაზღვრულია ცესკოს 2018 წლის 17 მარტის №21/2018 დადგენილებით.

ყურადღება!

ორგანიზაციის აკრედიტაციის მომენტისათვის, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოს მიერ გაცემული ამონაწერის მონაცემების ნამდვილობის გადამოწმების/დადასტურების მიზნით, საჯარო რეესტრის ეროვნული სააგენტო ცესკოს უზრუნველყოფს ელექტრონული მონაცემების ბაზების ხელმისაწვდომობის და გადამოწმების შესაძლებლობით. მოთხოვნის შემთხვევაში, ცესკოს სარეგისტრაციო და ადმინისტრაციული დეპარტამენტი საოლქო საარჩევნო კომისიას წერილობით, დაუყოვნებლივ აწვდის ინფორმაციას ორგანიზაციის მიერ წარდგენილი ამონაწერის მონაცემების ნამდვილობის გადამოწმების/ დადასტურების მიზნით.

საქართველოს პარლამენტის წევრობის კანდიდატის, მუნიციპალიტეტის საკრებულოს წევრობის კანდიდატისა და მერობის კანდიდატის წარდგენა/რეგისტრაცია

ყურადღება!

ამომრჩეველთა საინიციატივო ჯგუფის წევრი არ შეიძლება იმავდროულად იყოს სხვა ამომრჩეველთა საინიციატივო ჯგუფის წევრი.

ყურადღება!

მუნიციპალიტეტების მერის რიგგარეშე და საკრებულოების შუალედური არჩევნებისთვის კანდიდატის წარდგენის მიზნით საოლქო საარჩევნო კომისიაში შეტანილ განცხადებაში დამატებით აღნიშნული უნდა იყოს საარჩევნო ოლქის დასახელება, სადაც პირი წარდგენილია კანდიდატად.

ყურადღება!

პარლამენტის შუალედური არჩევნებისთვის კანდიდატის წარდგენის მიზნით საოლქო საარჩევნო კომისიაში შეტანილ განცხადებას ასევე უნდა ერთოდეს ნარკოლოგიური შემოწმების შესახებ ცნობა, რომელიც წარდგენილი უნდა იქნეს ერთ ეგზემპლარად.

ყურადღება!

პარლამენტის შუალედურ არჩევნებში მონაწილეობის მიზნით კანდიდატის წარდგენა არ საჭიროებს მხარდამჭერ ამომრჩეველთა ხელმოწერებით დადასტურებას, თუ დასახელებული კანდიდატი ბოლო საპარლამენტო არჩევნებში არჩეული იყო საქართველოს პარლამენტის წევრად.

ყურადღება!

თუ ხელმოწერების რაოდენობა დადგენილ მინიმალურ ოდენობაზე ნაკლები აღმოჩნდა, საარჩევნო სუბიექტად რეგისტრაციის მსურველს უარი ეთქმევა საარჩევნო რეგისტრაციაზე.

ყურადღება!

პარლამენტის შუალედური არჩევნებისთვის კანდიდატის წარდგენის მიზნით ცესკოში ან/და საოლქო საარჩევნო კომისიაში შეტანილ განცხადებას ასევე უნდა ერთოდეს ნარკოლოგიური შემოწმების შესახებ ცნობა, რომელიც წარდგენილი უნდა იქნეს ერთ ეგზემპლარად.

საუბნო საარჩევნო კომისიებთან კოორდინაცია/კომუნიკაცია

ყურადღება!

ამომრჩეველთა ხელმოწერების რაოდენობასა და გენდერულ მონაცემებს საოლქო საარჩევნო კომისია აწვდის ცენტრალურ საარჩევნო კომისიას.

დოკუმენტაციის მიღება/დახარისხება საოლქო საარჩევნო კომისიაში

[pic]

არჩევნების/კენჭისყრის შედეგების შეჯამება და არჩევნების შედეგების დადგენა

ყურადღება!

მუნიციპალიტეტის საკრებულოს შუალედური არჩევნების შედეგების შემაჯამებელი ოქმის დამოწმებული ფოტოასლი გადაეცემა შესაბამისი საკრებულოს სამანდატო კომისიას.

ყურადღება!

კანონით დადგენილი წესით მოთხოვნის შემთხვევაში კენჭისყრის შედეგების შემაჯამებელი ოქმის დამოწმებული ასლის გაუცემლობა გამოიწვევს კომისიის თავმჯდომარისა და კომისიის მდივნის პასუხისმგებლობას საქართველოს კანონმდებლობით დადგენილი წესით.

საარჩევნო დავებთან დაკავშირებული

ადმინისტრაციული წარმოება

განცხადების/საჩივრის წარდგენა

საკუთარი ინიციატივა

განუხილველად დატოვება

ადმინისტრაციული წარმოების დაწყების საფუძველი

არსებითი განხილვა

ხარვეზის დადგენა

განუხილველად დატოვების საფუძვლების შემოწმება

რეგისტრაცია

კენჭისყრის დღის განცხადების/საჩივრის წარდგენა და რეგისტრაცია

ყურადღება!

თუ საოლქო საარჩევნო კომისიის მდივანი არ იბარებს განცხადებას/საჩივარს, განმცხადებელს/მომჩივანს უფლება აქვს, დაუკავშირდეს ცესკოს ცხელ ხაზს ტელეფონის ნომერზე: 032-251 00 51.

შენიშვნა:

ხარვეზის შევსების გონივრული ვადა დგინდება შესაბამისი საოლქო საარჩევნო კომისიის მდივნისა და განცხადება/საჩივრის წარმდგენი პირის შეთანხმების საფუძველზე. ხარვეზის შევსების ვადის თაობაზე მხარეთა შეუთანხმებლობის შემთხვევაში, ვადას ერთპიროვნულად ადგენს საარჩევნო კომისიის მდივანი.

ყურადღება!

თუ მხარესთან დასაკავშირებლად განცხადებაში/საჩივარში არ არის მითითებული ტექნიკური საშუალების შესახებ მონაცემი, საოლქო საარჩევნო კომისიის თავმჯდომარის განკარგულება მისი გამოცემისთანავე გამოიკვრება საოლქო საარჩევნო კომისიის შენობაში და აღნიშნულ შემთხვევაში მხარე ინფორმირებულად ითვლება.

კენჭისყრის დღის განცხადების/საჩივრის განხილვა

ყურადღება!

საოლქო საარჩევნო კომისია არ განიხილავს განცხადებას/საჩივარს, თუ შესაბამისი საარჩევნო კომისიის თავმჯდომარის მიერ გამოცემულია განკარგულება განცხადების/საჩივრის განუხილველად დატოვების შესახებ (საარჩევნო კოდექსი ‒ მუხლი 8.13).

ყურადღება!

მხარე დაბარებულად ჩაითვლება, თუ შეუძლებელია მასთან საჩივარში მითითებული ტექნიკური საშუალებებით დაკავშირება (მობილური ტელეფონის, ფაქსის, კომპიუტერის გამორთულ მდგომარეობაში ყოფნის გამო და სხვ.).

ყურადღება!

თუ წარმომადგენელი არ წარადგენს შესაბამისი წესით დამოწმებულ წარმომადგენლობის დამადასტურებელ საბუთს, მას არ მიეცემა განცხადების/საჩივრის განხილვაში მონაწილეობის უფლება და გადაწყვეტილება მიიღება მისი პოზიციის გაუთვალისწინებლად.

ყურადღება!

განცხადების/საჩივრის უკან გამოთხოვის (უარი განცხადება/საჩივარზე) შემთხვევაში საოლქო საარჩევნო კომისიის თავმჯდომარე არ გამოსცემს განკარგულებას განცხადების/საჩივრის განუხილველად დატოვების შესახებ.

საარჩევნო კანონმდებლობის დარღვევებზე (გარდა კენჭისყრის დღისა) წარდგენილი განცხადების/საჩივრის განხილვა

საოლქო საარჩევნო კომისიის/ კომისიის ხელმძღვანელ პირთა გადაწყვეტილებების გასაჩივრების

ვადა და წესი