სსიპ - საქართველოს ინოვაციების და ტექნოლოგიების სააგენტოს მიერ გრანტის გაცემის წესის დამტკიცების შესახებ საქართველოს ეკონომიკისა და მდგრადი განვითარების მინისტრის 2018 წლის 23 თებერვალის №1-1/73 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

„სსიპ – საქართველოს ინოვაციების და ტექნოლოგიების სააგენტოს მიერ გრანტის გაცემის წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2018 წლის 23 თებერვლის №1-1/73 ბრძანებით (სსმ, ვებგვერდი, 26/02/2018 040030000.22.024.016534) დამტკიცებულ სსიპ საქართველოს ინოვაციების და ტექნოლოგიების სააგენტოს მიერ გრანტის გაცემის წესის პირველ მუხლის „ბ“ ქვეპუნქტში შევიდეს ცვლილება და ჩამოყალიბდეს შემდეგი რედაქციით:

 

„ბ) მცირე გრანტი, რომელიც გაიცემა სააგენტოს თავმჯდომარის მიერ ინდივიდუალურ-სამართლებრივი აქტით დამტკიცებული წესით:

 

ბ.ა) პროტოტიპის გრანტი – ინოვაციური პროდუქტის პროტოტიპის დასაფინანსებლად თითოეული პროექტისათვის არაუმეტეს 15000 ლარის ოდენობით;

 

ბ.ბ) სამგზავრო გრანტი – ქვეყნის ფარგლებს გარეთ ინოვაციების და ტექნოლოგიების სფეროში დაგეგმილ ღონისძიებებში მონაწილეობის მიღების დასაფინანსებლად თითეული პროექტისათვის არაუმეტეს 5000 ლარის ოდენობით;

 

ბ.გ) ღონისძიების პრიზი – ინოვაციების და ტექნოლოგიების ხელშემწყობ ღონისძიებებში გამარჯვებული პროექტების დასაფინანსებლად თითოეული პროექტისათვის არაუმეტეს 20 000 ლარის ოდენობით.“.

ბრძანება ამოქმედდეს გამოქვეყნებისთანავე.