ექსპლუატანტმა უნდა გამოიყენოს პირდაპირი დისტანციური იდენტიფიცირების სისტემის მოწყობილობა, რომელიც აკმაყოფილებს შემდეგ მოთხოვნებს:

ა) უზრუნველყოფს ექსპლუატანტის სარეგისტრაციო ნომრის ჩატვირთვას ამ წესის მე-15 მუხლის შესაბამისად, სარეგისტრაციო სისტემის პროცესის გათვალისწინებით. პირდაპირი დისტანციური იდენტიფიცირების სისტემამ არ უნდა მისცეს ექსპლუატანტის არასწორი სარეგისტრაციო ნომრის ჩატვირთვის შესაძლებლობა;

ბ) გააჩნია უნიკალური სერიული ნომერი, რომელიც გარკვევით უნდა იყოს დატანილი მოწყობილობაზე და მის შეფუთვაზე ან მითითებული იყოს მომხმარებლის ინსტრუქციაში. სერიული ნომერი შედგება:

ბ.ა) მწარმოებლის კოდისგან (MFR) იკაო-ს ოფიციალური გამოცემა „Doc 8643” შესაბამისად. მწარმოებლის კოდი შედგება 4 სიმბოლოსაგან, რომელიც შეიძლება შედგებოდეს ციფრებისა და ლათინური ანბანის დიდი ასოებისგან, გარდა „O“ და „I“ ასოებისა;

ბ.ბ) მწარმოებლის მიერ მინიჭებული სერიული ნომრის სიმბოლოების რაოდებობის აღმნიშვნელი კოდისგან „Length Code“.

შენიშვნა: აღნიშნული კოდი შედგება ერთი სიმბოლოსაგან და განსაზღვრავს მწარმოებლის მიერ მინიჭებული სერიული ნომერის სიმბოლოების რაოდენობას 1-დან 15-მდე. მწარმოებლის მიერ მინიჭებული სერიული ნომრის სიმბოლოების რაოდებობის აღმნიშვნელ კოდს შესაძლებელია გააჩნდეს შემდეგი მნიშვნელობი: 1, 2,…, 9, A = 10, B = 11,…, F = 15;

ბ.გ) მწარმოებლის მიერ მინიჭებული სერიული ნომრისგან, რომელიც შედგება არაუმეტეს 15 ალფანუმერული სიმბოლოსაგან, გარდა „O“ და „I“ ასოებისა. აღნიშნული სერიული ნომერი უნდა მოიცავდეს ციფრებს და ასოებს.

გ) უზრუნველყოფს ექსპლუატაციის მთელი პერიოდის განმავლობაში, დროის რეალურ რეჟიმში (Live რეჟიმი), მონაცემების პირდაპირი უწყვეტი ტრანსლირებას უპილოტო საჰაერო ხომალდიდან ღია და დოკუმენტირებული ტრანსლირების პროტოკოლის გამოყენებით იმგვარად, რომ ტრანსლირების მანძილზე შესაძლებელი იყოს მონაცემების პირდაპირი მიღება უშუალოდ მობილური მოწყობილობების გამოყენებით უნდა განხორციელდეს შემდეგი მონაცემების ტრანსლირება:

გ.ა) ექსპლუატანტის რეგისტრაციის ნომერი;

გ.ბ) პირდაპირი დისტანციური იდენტიფიცირების სისტემის მოწყობილობის უნიკალური სერიული ნომერი;

გ.გ) უპილოტო საჰაერო ხომალდის გეოგრაფიული ადგილმდებარეობა და მისი სიმაღლე ზედაპირიდან ან აფრენის წერტილიდან;

გ.დ) ფრენის კურსი, რომელიც განისაზღვრება საათის ისრის მიმართულებით ჩრდილოეთ გეოგრაფიული მერიდიანიდან და უპილოტო საჰაერო ხომალდის სახმელეთო სიჩქარე;

გ.ე) დისტანციური პილოტის ან ასეთის არარსებობის შემთხვევაში, აფრენის წერტილის გეოგრაფიული ადგილმდებარეობა.

დ) უზრუნველყოფს, რომ ექსპლუატანტმა ვერ შეძლოს ამ მუხლის „გ“ პუნქტის „გ.ბ“, „გ.გ“, „გ.დ“ და „გ.ე“ ქვეპუნქტებში მითითებული მონაცემების შეცვლა;

ე) გააჩნია მომხმარებლის სახელმძღვანელო, რომელშიც მითითებულია ტრანსლაციის პროტოკოლი, რომელიც გამოიყენება პირდაპირი დისტანციური იდენტიფიცირების მონაცემების გადაცემისთვის და ასევე:

ე.ა) გააჩნია უპილოტო საჰაერო ხომალდზე მოწყობილობის დაყენების ინსტრუქცია;

ე.ბ) გააჩნია ექსპლუატანტის რეგისტრაციის ნომრის ჩატვირთვის ინსტრუქცი