1. რეგისტრაციას ექვემდებარება ის უპილოტო საჰაერო ხომალდი, რომელსაც გააჩნია ტიპის სერტიფიკატი და ის ექსპლუატანტი, რომელიც ახორციელებს ექსპლუატაციას ამ მუხლის მე-4 პუნქტის შესაბამისად;

2. ექსპლუატანტის რეგისტრაცია ხორციელდება სააგენტოს შესაბამის ვებგვერდზე და რეგისტრაციის პროცესში ელექტრონულად მიეთითება შემდეგი ინფორმაცია:

ა) ფიზიკური პირის შემთხვევაში - გვარი/სახელი, დაბადების თარიღი და იურიდიული პირის შემთხვევაში - დასახელება და საიდენტიფიკაციო ნომერი;

ბ) ექსპლუატანტის რეგისტრაციის მისამართი;

გ) ექსპლუატანტის ელ. ფოსტის მისამართი და ტელეფონის ნომერი;

დ) მესამე პირების მიმართ დაზღვევის დამადასტურებელი დოკუმენტი;

ე) ექსპლუატანტის დადასტურება იმის შესახებ, რომ - „ექსპლუატაციაში უშუალოდ ჩართული პერსონალის ყველა წევრს გააჩნია მათზე დაკისრებული ამოცანების შესასრულებლად საჭირო კვალიფიკაცია, ხოლო უპილოტო საჰაერო ხომალდის სისტემის ექსპლუატაცია განხორციელდება დისტანციური პილოტის მიერ, რომელსაც გააჩნია სათანადო დონის კვალიფიკაცია“;

ვ) არსებობის შემთხვევაში, ექსპლუატაციის ნებართვები (თანხმობა), მსუბუქი უპილოტო საჰაერო ხომალდის სისტემის ექსპლუატანტის სერტიფიკატები და დეკლარაციები შესაბამის დადასტურებებთან ერთად;

3. უპილოტო საჰაერო ხომალდის რეგისტრაციის მიზნით, სააგენტოს წარედგინება შემდეგი ინფორმაცია:

ა) უპილოტო საჰაერო ხომალდის მწარმოებლის დასახელება;

ბ) უპილოტო საჰაერო ხომალდის დასახელება;

გ) უპილოტო საჰაერო ხომალდის სერიული ნომერი;

დ) იმ პირის სახელი/გვარი ან დასახელება, მისამართი, ელ. ფოსტა და ტელეფონის ნომერი, რომლის სახელზეც რეგისტრირდება უპილოტო საჰაერო ხომალდი.

4. ექსპლუატანტი უნდა დარეგისტრირდეს:

ა) „ღია კატეგორიაში“ ისეთი უპილოტო საჰაერო ხომალდის ექსპლუატაციის განხორციელების მიზნით:

ა.ა) რომლის მაქსიმალური ასაფრენი მასა 250 გრამი ან მეტია, ან რომელთან შეჯახების შედეგად ადამიანი 80 ჯოულზე მეტი კინეტიკური ენერგიის ზემოქმედების ქვეშ აღმოჩნდება;

ა.ბ) რომელიც აღჭურვილია სენსორით, რომელსაც შეუძლია პირადი მონაცემების დამუშავება, გარდა უპილოტო საჰაერო ხომალდის სისტემა-სათამაშოსი.

ბ) „სპეციფიკურ კატეგორიაში“ ნებისმიერი მასის მქონე უპილოტო საჰაერო ხომალდის ექსპლუატაციის განხორციელების მიზნით.

5. რეგისტრაციისას ექსპლუატანტს და უპილოტო საჰაერო ხომალდს სააგენტო ანიჭებს უნიკალურ ციფრულ სარეგისტრაციო ნომერს, რომლითაც ხორციელდება მათი იდენტიფიცირება;

6. უპილოტო საჰაერო ხომალდის სახელმწიფო და სარეგისტრაციო ნიშანს უნდა ჰქონდეს „ჩიკაგოს კონვენციის“ მე-7 დანართით გათვალისწინებული ფორმა. აკრძალულია უპილოტო საჰაერო ხომალდის ერთდროულად ერთზე მეტ სახელმწიფოში რეგისტრაცია;

7. ექსპლუატანტი ვალდებულია ექსპლუატანტის რეგისტრაციის ნომერი დაიტანოს ყველა იმ უპილოტო საჰაერო ხომალდზე, რომელიც ამ მუხლის მე-4 პუნქტში აღწერილ პირობებს აკმაყოფილებს;

8. ექსპლუატანტის რეგისტრაციისას სააგენტო ამოწმებს, როგორც ფიზიკური პირის, ისე იურიდიული პირის, შემდეგი მონაცემების ნამდვილობას შესაბამის უფლებამოსილ უწყებებთან:

ა) სსიპ სახელმწიფო სერვისების განვითარების სააგენტოში - ფიზიკური პირის გვარი/სახელი, პირადი ნომერი, დაბადების თარიღი და რეგისტრაციის მისამართი;

ბ) სსიპ საჯარო რეესტრის ეროვნული სააგენტოში - იურიდიული პირის დასახელება, საიდენტიფიკაციო ნომერი და რეგისტრაციის მისამართ