სააგენტო უზრუნველყოფს:

ა) „სერტიფიცირებულ კატეგორიაში“ უპილოტო საჰაერო ხომალდის სისტემის ექსპლუატანტის სერტიფიკატის და დისტანციური პილოტის მოწმობის გაცემას, შეჩერებასა და გაუქმებას;

ბ) ამ წესის 21-ე, 22-ე და 23-ე მუხლების შესაბამისად დისტანციური პილოტების მიერ ელექტრონული თეორიული გამოცდის გავლის შესახებ დადასტურების გაცემას, ცვლილების შეტანას, შეჩერებას, შეზღუდვასა და გაუქმებას;

გ) ექსპლუატაციის თანხმობის და მსუბუქი უპილოტო საჰაერო ხომალდის სისტემის ექსპლუატანტის სერტიფიკატის (LUC) გაცემას, ცვლილების შეტანას, შეჩერებას, შეზღუდვასა და გაუქმებას და იმ საექსპლუატაციო დეკლარაციის სისრულის დადასტურებას, რომელიც მოითხოვება უპილოტო საჰაერო ხომალდის სისტემის „სპეციფიკურ კატეგორიაში“ ექსპლუატაციის განხორციელებისთვის;

დ) უპილოტო საჰაერო ხომალდის სისტემის ექსპლუატაციის თანხმობებთან, საქსპლუატაციო დეკლარაციებთან და დისტანციური პილოტების მიერ ელექტრონული თეორიული გამოცდის გავლის დამადასტურებელ დოკუმენტებთან და მსუბუქი უპილოტო საჰაერო ხომალდის სისტემის ექსპლუატანტის სერტიფიკატებთან (LUC) დაკავშირებული დოკუმენტების, ჩანაწერების და ანგარიშების შენახვას;

ე) უპილოტო საჰაერო ხომალდის სისტემის ექსპლუატაციის გეოგრაფიულ ზონების შესახებ ინფორმაციის ციფრულ ფორმატში ხელმისაწვდომობას, რომლებიც სააგენტოს მიერ არის იდენტიფიცირებული და საქართველოს საჰაერო სივრცის ნაწილს წარმოადგენს;

ვ) საექსპლუატაციო დეკლარაციის მიღებისა და მისი სისრულის დადასტურების და ასევე თანხმობის გაცემას;

ზ) შემდეგი პირების ზედამხედველობას:

ზ.ა) ექსპლუატანტები, რომლებმაც წარადგინეს საექსპლუატაციო დეკლარაცია ან რომლებიც ფლობენ ექსპლუატაციის თანხმობას ან მსუბუქი უპილოტო საჰაერო ხომალდის სისტემის ექსპლუატანტის სერტიფიკატს (LUC);

ზ.ბ) მოდელი საჰაერო ხომალდების ექსპლუატანტი ორგანიზაციები, რომლებსაც გააჩნია ამ წესის მე-17 მუხლით გათვალისწინებული თანხმობა.

თ) „ღია კატეგორიისაგან“ განსხვავებული კატეგორიაში ექსპლუატაციასთან მიმართებაში ექსპლუატანტების ზედამხედველობას სააგენტოს დირექტორის 2018 წლის 31 აგვისტოს N166 ბრძანებით დამტკიცებული "სამოქალაქო საავიაციო საქმიანობის ინსპექტირების წესის" შესაბამისად და ასევე დისტანციური პილოტების ზედამხედველობას ამ წესის მოთხოვნებთან შესაბამისობის უზრუნველყოფის მიზნით;

ი) იმ ინციდენტების გამოვლენას და მოკვლევას, რაც უკავშირდება ექსპლუატანტების მიერ კანონმდებლობით დადგენილი მოთხოვნების შეუსრულებლობას;

კ) ექსპლუატანტებისთვის ინფორმაციის და მითითებების მიწოდებას, რაც ხელს შეუწყობს უპილოტო საჰაერო ხომალდის სისტემის უსაფრთხო ექსპლუატაციას;

ლ) ტიპის სერტიფიკატის მქონე უპილოტო საჰაერო ხომალდის სისტემების და ექსპლუატანტების რეგისტრაცია