უპილოტო საჰაერო ხომალდის სისტემის ექსპლუატაცია „ღია კატეგორიის“ (A1) ქვეკატეგორიაში უნდა აკმაყოფილებდეს ყველა შემდეგ პირობას:

ა) ამ მუხლის „ე“ პუნქტის „ე.დ“ ქვეპუნქტში მითითებული უპილოტო საჰაერო ხომალდის ექსპლუატაციისას დისტანციურმა პილოტმა არ უნდა გადაუფრინოს უპილოტო საჰაერო ხომალდით ადამიანების თავშეყრის ადგილს და დარწმუნდეს, რომ მხოლოდ მონაწილე პირების თავზე მოხდება გადაფრენა. არამონაწილე პირების თავზე უნებლიე გადაფრენის შემთხვევაში, დისტანციურმა პილოტმა მაქსიმალურად უნდა შეამციროს აღნიშნული პირების თავზე ფრენის დრო;

ბ) ამ მუხლის „ე“ პუნქტის „ე.ა“ „ე.ბ“ და „ე.გ“ ქვეპუნქტებში მითითებული უპილოტო საჰაერო ხომალდების ექსპლუატაციისას დისტანციურმა პილოტმა შეიძლება გადაუფრინოს არამონაწილე პირებს, მაგრამ არ უნდა გადაუფრინოს ადამიანების თავშეყრის ადგილს;

გ) ამ წესის მე-5 მუხლის „დ“ ქვეპუნქტში აღნიშნულის მიუხედავად, ფრენა „ფრენის რეჟიმში მომყევი" უნდა შესრულდეს დისტანციურ პილოტამდე 50 მეტრის მანძილის ფარგლებში;

დ) ფრენა უნდა შესრულდეს დისტანციური პილოტის მიერ:

დ.ა) რომელიც გაცნობილია უპილოტო საჰაერო ხომალდის სისტემის მწარმოებლის „მომხმარებლის სახელმძღვანელოს“;

დ.ბ) ამ წესის 53-ე მუხლში განსაზღვრული C1 კლასის უპილოტო საჰაერო ხომალდის სისტემების შემთხვევაში, პირს დასრულებული აქვს სააგენტოს ონლაინსასწავლო კურსი და წარმატებით აქვს ჩაბარებული სააგენტოს მიერ ჩატარებული 40 კითხვისაგან შემდგარი ონლაინთეორიული გამოცდა ან „COMMISSION IMPLEMENTING REGULATION (EU) 2019/947 of 24 May 2019 on the rules and procedures for the operation of unmanned aircraft“ რეგულაციის მოთხოვნების თანახმად შესაბამისი გამოცდა, რომელიც მოიცავს შემდეგ საკითხებს:

დ.ბ.ა) საავიაციო უსაფრთხოება;

დ.ბ.ბ) საჰაერო სივრცის შეზღუდვები;

დ.ბ.გ) საავიაციო რეგულაციები;

დ.ბ.დ) ადამიანის შესაძლებლობების ზღვრები;

დ.ბ.ე) საექსპლუატაციო პროცედურები;

დ.ბ.ვ) ზოგადი ცოდნა უპილოტო საჰაერო ხომალდის სისტემის შესახებ;

დ.ბ.ზ) პირადი ცხოვრების ხელშეუხებლობა და მონაცემთა დაცვა;

დ.ბ.თ) დაზღვევა;

დ.ბ.ი) საავიაციო უშიშროება.

ე) ფრენა სრულდება უპილოტო საჰაერო ხომალდის სისტემით, რომელიც:

ე.ა) თვითნაკეთი უპილოტო საჰაერო ხომალდის სისტემის შემთხვევაში, მისი მაქსიმალური ასაფრენი მასა სასარგებლო ტვირთის ჩათვლით 250 გ-ზე ნაკლებია, ხოლო ფრენის მაქსიმალური სიჩქარე 19 მ/წ-ზე ნაკლებია;

ე.ბ) ქარხნული წარმოების უპილოტო საჰაერო ხომალდის სისტემის შემთხვევაში, მისი მაქსიმალური ასაფრენი მასა სასარგებლო ტვირთის ჩათვლით 250 გ-ზე ნაკლებია;

ე.გ) მარკირებულია ნიშნით ამ წესის N1 დანართის შესაბამისად და აკმაყოფილებს ამ წესის 52-ე მუხლით დადგენილ მოთხოვნებს;

ე.დ) მარკირებულია ნიშნით ამ წესის N2 დანართის შესაბამისად და აკმაყოფილებს ამ წესის 53-ე მუხლით დადგენილ მოთხოვნებს და ფრენისას აღჭურვილია აქტიური და განახლებული პირდაპირი დისტანციური იდენტიფიცირებისა და გეოინფორმირების სისტემები