უპილოტო საჰაერო ხომალდის სისტემის ექსპლუატაცია „ღია კატეგორიის“ (A3) ქვეკატეგორიაში უნდა აკმაყოფილებდეს ყველა შემდეგ პირობას:

ა) ექსპლუატაცია სრულდება იმ ტერიტორიის ფარგლებში, სადაც უპილოტო საჰაერო ხომალდის სისტემის ექსპლუატაციის დროის მთელი პერიოდის განმავლობაში, ფრენის არეალის ფარგლებში, არსებულ არცერთ არამონაწილე პირს საფრთხე არ დაემუქრება;

ბ) ექსპლუატაცია სრულდება საცხოვრებელი და რეკრეაციული ზონებიდან არანაკლებ 150 მეტრი ჰორიზონტალური მანძილის დაშორებით;

გ) ექსპლუატაცია ხორციელდება დისტანციური პილოტის მიერ, რომელიც გაცნობილია უპილოტო საჰაერო ხომალდის სისტემის მწარმოებლის „მომხმარებლის სახელმძღვანელოს“ და რომელმაც დაასრულა სააგენტოს ონლაინ სასწავლო კურსი და ჩააბარა ონლაინთეორიული გამოცდა ამ წესის 21-ე მუხლის „დ“ პუნქტის „დ.ბ“ ქვეპუნქტის შესაბამისად;

დ) ფრენა სრულდება უპილოტო საჰაერო ხომალდით:

დ.ა) რომლის მაქსიმალური ასაფრენი მასა, თვითნაკეთი უპილოტო საჰაერო ხომალდის სისტემის შემთხვევაში, სასარგებლო ტვირთის ჩათვლით 25 კგ-ზე ნაკლებია;

დ.ბ) რომელიც საწვავით და სასარგებლო ტვირთის ჩათვლით მაქსიმალური მასით 25 კგ-ზე ნაკლებია;

დ.გ) რომელიც მარკირებულია ნიშნით ამ წესის N3 დანართის შესაბამისად და აკმაყოფილებს ამ წესის 54-ე მუხლით დადგენილ მოთხოვნებს და რომელიც პირდაპირი დისტანციური იდენტიფიცირების და გეოინფორმირების აქტიური და განახლებული სისტემებით არის აღჭურვილი;

დ.დ) რომელიც მარკირებულია ნიშნით ამ წესის N4 დანართის შესაბამისად და აკმაყოფილებს ამ წესის 55-ე მუხლით დადგენილ მოთხოვნებს და რომელიც პირდაპირი დისტანციური იდენტიფიცირების და გეოინფორმირების აქტიური და განახლებული სისტემებით არის აღჭურვილი;

დ.ე) რომელიც მარკირებულია ნიშნით ამ წესის N5 დანართის შესაბამისად და აკმაყოფილებს ამ წესის 56-ე მუხლით დადგენილ მოთხოვნებ