1. ამ წესის მე-6 მუხლის შესაბამისად, ექსპლუატანტი უფლებამოსილია, სპეციფიკურ კატეგორიაში განახორციელოს ექსპლუატაცია ამ წესის 30-ე მუხლით გათვალისწინებული ექსპლუატაციის თანხმობის გარეშე სააგენტოს მიერ დამტკიცებული სტანდარტული სცენარის შესაბამისად. საექსპლუატაციო დეკლარაცია სააგენტოს წარედგინება, თუ ექსპლუატაცია ხორციელდება:

ა) უპილოტო საჰაერო ხომალდით:

ა.ა) რომლის მაქსიმალური გაბარიტული ზომები 3 მეტრს არ აღემატება და რომლის ექსპლუატაცია ხორციელდება პირდაპირი ხედვის არეში (VLOS), კონტროლირებად მიწისზედა არეში, მაგრამ არა ადამიანების თავშეყრის ადგილის თავზე;

ა.ბ) რომლის მაქსიმალური გაბარიტული ზომები ერთ მეტრს არ აღემატება და რომლის ექსპლუატაცია ხორციელდება პირდაპირი ხედვის არეში (VLOS) მაგრამ არა ადამიანების თავშეყრის ადგილის თავზე;

ა.გ) რომლის მაქსიმალური გაბარიტული ზომები ერთ მეტრს არ აღემატება და რომლის ექსპლუატაცია ხორციელდება პირდაპირი ხედვის არის მიღმა (BVLOS) დაუსახლებელი რაიონის თავზე;

ა.დ) რომლის მაქსიმალური გაბარიტული ზომები 3 მეტრს არ აღემატება და რომლის ექსპლუატაცია ხორციელდება პირდაპირი ხედვის არის მიღმა (BVLOS) კონტროლირებად მიწის ზედა არეში.

ბ) ხმელეთის ზედაპირიდან 120 მეტრზე დაბალ სიმაღლეზე:

ბ.ა) არაკონტროლირებად საჰაერო სივრცეში, გარდა იმ შემთხვევისა, თუ კანონმდებლობით დადგენილია სხვა შეზღუდვები უპილოტო საჰაერო ხომალდის სისტემის ექსპლუატაციის გეოგრაფიული ზონებში, სადაც  პილოტირებად ხომალდთან სახიფათო მიახლოების ალბათობა არის მაღალი;

ბ.ბ) კონტროლირებად საჰაერო სივრცეში, ექსპლუატაციის არესთან მიმართებაში გამოქვეყნებული პროცედურების შესაბამისად, მას შემდეგ, რაც განხორციელდება საჭირო კოორდინაცია და გაიცემა ფრენის ცალკეული სამეთვალყურეო ნებართვა.

2. ექსპლუატანტის დეკლარაცია უნდა შეიცავდეს:

ა) ინფორმაციას ექსპლუატანტის შესახებ;

ბ) განცხადებას იმასთან დაკავშირებით, რომ ექსპლუატაცია აკმაყოფილებს ამ მუხლის პირველ პუნქტში განსაზღვრულ საექსპლუატაციო და სააგენტოს მიერ დამტკიცებული სტანდარტული სცენარის მოთხოვნებს;

გ) განცხადებას იმასთან დაკავშირებით, რომ ექსპლუატანტი განახორციელებს ექსპლუატაციის უსაფრთხოების უზრუნველყოფისთვის საჭირო პრევენციული ზომების დაცვას, მათ შორის ექსპლუატაციასთან, უპილოტო საჰაერო ხომალდთან, ექსპლუატაციაში მონაწილე პერსონალის კომპეტენციასთან დაკავშირებით დადგენილი მოთხოვნების ჩათვლით.

დ) მესამე პირების მიმართ დაზღვევის დამადასტურებელ დოკუმენტს;.

3. დეკლარაციის მიღებისთანავე, სააგენტო ამოწმებს დეკლარაციის სისრულეს ამ მუხლის მე-2 პუნქტში განსაზღვრულ ყველა მოთხოვნის გათვალისწინებით და ექსპლუატანტს უგზავნის დეკლარაციის მიღების და მისი სისრულის დადასტურებას.

4. სააგენტოსგან დეკლარაციის მიღებისა და სისრულის დადასტურებისთანავე, ექსპლუატანტი უფლებამოსილია დაიწყოს ექსპლუატაციის განხორციელება.

5. ექსპლუატანტი ვალდებულია სააგენტოს დაუყოვნებლივ აცნობოს წარდგენილ დეკლარაციაში მოცემულ ინფორმაციაში ნებისმიერი სახის ცვლილების განხორციელებასთან დაკავშირები