ექსპლუატანტი ვალდებულია:

ა) დაადგინოს პროცედურები და შეზღუდვები, რომლებიც განზრახულ ექსპლუატაციის ტიპსა და მასთან დაკავშირებულ რისკებს შეესაბამება, მათ შორის:

ა.ა) საექსპლუატაციო პროცედურები, ექსპლუატაციის უსაფრთხოების უზრუნველყოფის მიზნით;

ა.ბ) პროცედურები, რათა განზრახული ექსპლუატაციისას უზრუნველყოფილ იქნეს ექსპლუატაციის რაიონის მამართ დადგენილი მოთხოვნების დაცვა, რაც შესაძლოა მოიცავდეს საავიაციო უშიშროების საკითხებს;

ა.გ) უპილოტო საჰაერო ხომლადზე მართლსაწინაამღდეგო ქმედების და არასანქციონირებული წვდომისგან დაცვის ზომები;

ა.დ) პროცედურები, რომელთა მეშვეობითაც უზრუნველყოფილი იქნება ყველა სახის ექსპლუატაციის განხორციელებისას ფიზიკური პირების დაცვა მათი პირადი მონაცემების დამუშავების და ამ მონაცემების თავისუფალი გავრცელებისგან „საქართველოს კანონის პერსონალური მონაცემთა დაცვის შესახებ“ შესაბამისად;

ა.ე) ინსტრუქციები უპილოტო საჰაერო ხომალდის სისტემის ექსპლუატაციის დაგეგმვის მიზით, რომელთა მეშვეობითაც ხორციელდება ექსპლუატაციის უარყოფითი ზემოქმედების მინიმუმამდე დაყვანა მათ შორის ხმაურის და სხვა დამაბინძურებელი ფაქტორების, რომელიც ზეგავლენას ახდენს ადამიანებსა და გარემოზე.

ბ) დანიშნოს თითოეულ ექსპლუატაციაზე პასუხისმგებელი დისტანციური პილოტი ან ავტონომიური ექსპლუატაციის შემთხვევაში უზრუნველყოს, რომ ფრენის ყველა ეტაპზე ვალდებულებები და ამ წესის 32-ე მუხლის მე-2 და მე-3 პუნქტებში დადგენილი მოთხოვნები სათანადოდ იყოს განაწილებული ამ მუხლის „ა“ პუნქტის შესაბამისად დადგენილი პროცედურების მიხედვით;

გ) ექსპლუატაციის განხორციელებისას უზრუნველყოს რადიოსიხშირული სპექტრის ეფექტური გამოყენება, რათა თავიდან იქნეს აცილებული არასასურველი დაბრკოლებების შექმნის საფრთხე;

დ) ექსპლუატაციის დაწყებამდე უზრუნველყოს, რომ დისტანციური პილოტები აკმაყოფილებენ ყველა შემდეგ მოთხოვნას:

დ.ა) გააჩნიათ კვალიფიკაცია, რომელიც საჭიროა მათზე დაკისრებული ამოცანების შესასრულებლად ექსპლუატაციის თანხმობაში მითითებული საჭირო სწავლების შესაბამისად ან ამ წესის 28-ე მუხლის მიხედვით ექსპლუატაციის განხორციელების შემთხვევაში იმ პირობების და შეზღუდვების გათვალისწინებით, რომლებიც განსაზღვრულია სააგენტოს მიერ დამტკიცებული შესაბამისი სტანდარტული სცენარით ან რომელიც განსაზღვრულია მსუბუქი უპილოტო საჰაერო ხომალდის სისტემის ექსპლუატანტის სერტიფიკატით (LUC);

დ.ბ) გააჩნიათ ამ წესის მე-9 მუხლის მე-2 პუნქტში განსაზღვრული უნარები;

დ.გ) გავლილი აქვთ დისტანციური პილოტის სწავლება, როგორც ეს განსაზღვრულია ექსპლუატაციის თანხმობაში იმ სახის ექსპლუატაციების განხორციელებისას, რომელიც აღნიშნულ თანხმობას საჭიროებს.

დ.დ) გავლილი აქვთ დისტანციური პილოტის სწავლება დეკლარაციის საფუძველზე განხორციელებული ექსპლუატაციისას, რომელიც უნდა შესრულდეს სააგენტოს მიერ დამტკიცებულ სტანდარტულ სცენარში განსაზღვრული პრევენციული ზომების გათვალისწინებით;

დ.ე) გაცნობილნი არიან ექსპლუატანტის ექსპლუატაციის სახელმძღვანელოს, თუ ასეთი რამ მოითხოვება რისკის შეფასების და ამ მუხლის „ა“ პუნქტის შესაბამისად დადგენილი პროცედურების მიხედვით;

დ.ვ) მოპოვებული აქვთ განახლებული ინფორმაცია განზრახული ექსპლუატაციასთან დაკავშირებით იმ ნებისმიერ გეოგრაფიულ ზონებთან მიმართებაში, რომლებიც განსაზღვრულია ამ წესის მე-16 მუხლის შესაბამისად;

ე) უზრუნველყოს, რომ პერსონალი, რომელსაც უპილოტო საჰაერო ხომალდის სისტემის ექსპლუატაციისას მნიშვნელოვანი პასუხისმგებლობა აკისრია, გარდა დისტანციური პილოტისა აკმაყოფილებს ყველა შემდეგ მოთხოვნას:

ე.ა) გავლილი აქვს ექსპლუატანტის მიერ შემუშავებული პრაქტიკული სწავლება სამუშაო ადგილზე;

ე.ბ) გაცნობილია ექსპლუატანტის საექსპლუატაციო პროცედურებს, თუ ასეთი რამ მოითხოვება რისკის შეფასების და ამ მუხლის „ა“ პუნქტის შესაბამისად დადგენილი მოთხოვნების მიხედვით;

ე.გ) მოპოვებული აქვს განახლებული ინფორმაცია განზრახული ექსპლუატაციასთან დაკავშირებით იმ ნებისმიერ უპილოტო საჰაერო ხომალდის სისტემის ექსპლუატაციის გეოგრაფიულ ზონებთან მიმართებაში, რომლებიც განსაზღვრულია ამ წესის მე-16 მუხლის შესაბამისად;

ვ) თითოეული ექსპლუატაცია განახორციელოს დეკლარაციაში ან ექსპლუატაციის თანხმობაში განსაზღვრული შეზღუდვების, პირობების და პრევენციული ზომების დაცვით;

ზ) უზრუნველყოს შემდეგი ჩანაწერების განახლება და შენარჩუნება:

ზ.ა) ყველა შესაბამისი კვალიფიკაციის, გამოცდილების და/ან სასწავლო კურსების, დისტანციური პილოტის და უპილოტო საჰაერო ხომალდის სისტემის ექსპლუატაციასთან დაკავშირებული სხვა პერსონალის მიერ, სწავლების დასრულების ჩანაწერები, როგორც ეს განსაზღვრულია საექსპლუატაციო პროცედურებით და ასევე ტექმომსახურების პერსონალის სწავლების ჩანაწერები არანაკლებ 3 წლის განმავლობაში, აღნიშნული პერსონალის მიერ ორგანიზაციის დატოვების ან ორგანიზაციაში მათი თანამდებობის ცვლილების თარიღიდან;

ზ.ბ) უპილოტო საჰაერო ხომალდის სისტემაზე განხორციელებული ტექმომსახურების ჩანაწერები არანაკლებ 3 წლის ვადით;

ზ.გ) უპილოტო საჰაერო ხომალდის სისტემის ექსპლუატაციასთან დაკავშირებული ჩანაწერები, როგორც ეს მოითხოვება საექსპლუატაციო დეკლარაციით ან ექსპლუატაციის თანხმობით არანაკლებ 3 წლის ვადით.

თ) გამოიყენოს, სულ მცირე, ისეთი დაპროექტების მქონე უპილოტო საჰაერო ხომალდის სისტემა, რომელიც შესაძლო მტყუნების შემთხვევაში არ დაუშვებს უპილოტო საჰაერო ხომალდის სისტემის საექსპლუატაციო სივრცის გარეთ გაფრენას ან ფატალური შედეგის გამოწვევას. გარდა ამისა, სისტემას უნდა გააჩნდეს „ინტერფეისი“, რომელიც მინიმუმამდე ამცირებს დისტანციური პილოტის შეცდომის რისკს და არ იწვევს მის არამიზანშეწონილ დაღლას;

ი) უზრუნველყოს უსაფრთხო ექსპლუატაციის განხორციელების მიზნით შესაფერის მდგომარეობაში უპილოტო საჰაერო ხომალდის სისტემის შენარჩუნება:

ი.ა) განსაზღვროს ტექმომსახურების ინსტრუქციები და დაასაქმოს შესაბამისად მომზადებული და კვალიფიცირებული ტექმომსახურე პერსონალი;

ი.ბ) საჭიროებისას, დააკმაყოფილოს ამ წესის 37-ე მუხლის მოთხოვნები;

ი.გ) გამოიყენოს უპილოტო საჰაერო ხომალდი, რომელიც დაპროექტებულია ხმაურის და სხვა დამაბინძურებელი ზემოქმედების შემცირების გათვალისწინებით, ექსპლუატაციის ტიპის და გეოგრაფიული ადგილმდებარეობის გათვალისწინებით, სადაც საჰაერო ხომალდის ხმაური და სხვა დამაბინძურებელი ზემოქმედების გავლენა გასათვალისწინებელია.

კ) დაადგინოს და მუდმივად განაახლოს თითოეული ფრენისთვის დანიშნული დისტანციური პილოტების ჩამონათვალი;

ლ) დაადგინოს და მუდმივად განაახლოს ტექმომსახურე პერსონალის ჩამონათვალი, რომელიც დასაქმებულია ექსპლუატანტის მიერ ტექმომსახურების განსახორციელებლად;

მ) უზრუნველყოს, რომ თითოეული საჰაერო ხომალდი აღჭურვილი იყოს სულ მცირე ერთი მწვანე ციმციმა ნათურით, უპილოტო საჰაერო ხომალდის გარჩევის მიზნით, რათა ხმელეთზე მყოფმა პირმა შეძლოს უპილოტო საჰაერო ხომალდის პილოტირებადი საჰაერო ხომალდისგან გარჩევა, როდესაც უპილოტო საჰაერო ხომალდის სისტემის ექსპლუატაცია ხორციელდება ღამით და არაუმეტეს 120 მეტრ სიმაღლეზე ხმელეთის ზედაპირზე არსებული ყველაზე ახლოს მდებარე წერტილიდა