1. „სპეციფიკურ კატეგორიაში“ ექსპლუატაციის განხორციელების მიზნით, ექსპლუატანტი ვალდებულია მოიპოვოს ამ წესის მე-13 მუხლით გათვალისწინებული ექსპლუატაციის თანხმობა;
2. ექსპლუატაციის თანხმობა გაიცემა ამ წესის III თავის 30-ე მუხლში განსაზღვრული მოთხოვნების შესაბამისად;
3. სააგენტოს მიერ გაცემული ექსპლუატაციის თანხმობის საფუძველზე ექსპლუატანტი უფლებამოსილია:
ა) განახორციელოს ცალკეული ფრენა ან ფრენების სერია განსაზღვრულ დროს ან განსაზღვრულ ადგილმდებარეობაზე ან ორივე შემთხვევაში. აღნიშნული ექსპლუატაცია უნდა განხორციელდეს ექსპლუატაციის თანხმობაში მითითებული პრევენციული ზომების დაცვით;
ბ) უპილოტო საჰაერო ხომალდს ექსპლუატაცია განახორციელოს მსუბუქი უპილოტო საჰაერო ხომალდის სისტემის ექსპლუატანტის სერტიფიკატის საფუძველზე, თუ საქსპლუატაციო თანხმობა გაიცა ამ წესის IV თავის შესაბამისად.
4. თუ ექსპლუატანტი სააგენტოს წარუდგენს დეკლარაციას ამ წესის 28-ე მუხლის მიხედვით, სააგენტოს მიერ დამტკიცებული სტანდარტული სცენარის შესაბამისი ექსპლუატაციის განხორციელების მიზნით, მას არ მოეთხოვება ამ მუხლის პირველი, მე-2, და მე-3 პუნქტებით გათვალისწინებული ექსპლუატაციის თანხმობის მოპოვება და უპილოტო საჰაერო ხომალდის სისტემის ექსპლუატაცია უნდა განხორციელდეს ამ წესის მე-13 მუხლის მე-5 პუნქტით დადგენილი მოთხოვნის შესაბამისად;
5. ექსპლუატაციის თანხმობა ან საქსპლუატაციო დეკლარაცია არ მოეთხოვება:
ა) ექსპლუატანტს, რომელიც ფლობს მსუბუქი უპილოტო საჰაერო ხომალდის სისტემის ექსპლუატანტის სერტიფიკატს ამ წესის 43-ე მუხლის შესაბამისად;
ბ) „მოდელი საჰაერო ხომალდების ექსპლუატანტ ორგანიზაციას“, რომელიც ახორციელებს ექსპლუატაციას ამ წესის მე-17 მუხლის შესაბამისად მიღებული თანხმობის საფუძველზ