ექსპლუატაცია კლასიფიცირდება, როგორც უპილოტო საჰაერო ხომალდის სისტემის ექსპლუატაცია „ღია კატეგორიაში“, თუ სრულდება ქვემოთ ჩამოთვლილი ყველა პირობა:
ა) უპილოტო საჰაერო ხომალდის სისტემა განეკუთვნება ამ წესის 52-ე - 56-ე მუხლებით განსაზღვრულ უპილოტო საჰაერო ხომალდის სისტემის რომელიმე კლასს ან არის თვითნაკეთი უპილოტო საჰაერო ხომალდის სისტემა, რომლის ექსპლუატაცია ხორციელდება ამ წესის II თავის შესაბამისად;
ბ) უპილოტო საჰაერო ხომალდის მაქსიმალური ასაფრენი მასა 25 კგ-ზე ნაკლებია;
გ) უპილოტო საჰაერო ხომალდის ფრენა სრულდება ხალხისაგან უსაფრთხო მანძილზე და არ სრულდება ადამიანების თავშეყრის ადგილის თავზე;
დ) დისტანციური პილოტი უპილოტო საჰაერო ხომალდის ექსპლუატაციას მუდმივად ახორციელებს პირდაპირი ხედვის არეში, გარდა რეჟიმი „მომყევის“ დროს ან ვიზუალური დამკვირვებლის დახმარებით ფრენის შესრულებისას, როგორც ეს განსაზღვრულია ამ წესის II თავის შესაბამისად;
ე) ფრენისას, უპილოტო საჰაერო ხომალდი იმყოფება ხმელეთის ზედაპირზე მდებარე ყველაზე ახლო წერტილიდან 120 მეტრი სიმაღლის ფარგლებში, გარდა დაბრკოლების გადაფრენისას ამ წესის II თავით გათვალისწინებულ შემთხვევაში;
ვ) ფრენისას, უპილოტო საჰაერო ხომალდს არ გადააქვს სახიფათო ტვირთი და არ ახორციელებს რაიმე სახის საგნების გადმოყრა