1. სხვა სახელმწიფოში რეგისტრირებული ექსპლუატანტი უფლებამოსილია საქართველოს საჰაერო სივრცეში „სპეციფიკურ კატეგორიაში“ განახორციელოს ექსპლუატაცია, თუ მას გააჩნია მსუბუქი უპილოტო საჰაერო ხომალდის სისტემის ექსპლუატანტის სერტიფიკატი გაცემული „COMMISSION IMPLEMENTING REGULATION (EU) 2019/947 of 24 May 2019 on the rules and procedures for the operation of unmanned aircraft “ რეგულაციის შესაბამისად და სააგენტოს წარუდგენს განაცხადს, რომელსაც თან უნდა ერთვოდეს:

ა) მსუბუქი უპილოტო საჰაერო ხომალდის სისტემის ექსპლუატანტის სერტიფიკატის (LUC) ასლი;

ბ) დაგეგმილი ექსპლუატაციის ლოკაცია(ები) და პრევენციული ზომები, რომლებიც, საჭიროებიდან გამომდინარე, განახლებულ იქნა პოტენციური რისკების შესამცირებლად, რომლებიც სპეციფიკურია ადგილობრივი საჰაერო სივრცის, ლანდშაფტის, დასახლებული პუნქტების მახასიათებლებისა და კლიმატური პირობებისათვის.

2. ექსპლუატანტი უფლებამოსილია დაიწყოს დაგეგმილი ექსპლუატაციის განხორციელება სააგენტოს თანხმობის მიღების შემდეგ;

3. სხვა სახელმწიფოში რეგისტრირებული ექსპლუატანტი, რომელსაც არ გააჩნია ამ მუხლის პირველი პუნქტით განსაზღვრული სერტიფიკატი, „სპეციფიკურ კატეგორიაში“ ექსპლუატაციის განხორციელებასას, რომელიც უნდა განხორციელდეს საქართველოს საჰაერო სივრცეში, ვალდებულია სააგენტოს წარუდგინოს დეკლარაცია ამ წესის შესაბამისი მოთხოვნების დაცვით და წარუდგინოს სხვა სახელმწიფოში რეგისტაციის მონაცემები და ასევე:

ა) ფიზიკური პირის შემთხვევაში - გვარი/სახელი, დაბადების თარიღი და იურიდიული პირის შემთხვევაში - დასახელება და საიდენტიფიკაციო ნომერი;

ბ) ექსპლუატანტის მისამართი;

გ) ექსპლუატანტის ელ. ფოსტის მისამართი და ტელეფონის ნომერი;

დ) მესამე პირების მიმართ დაზღვევის დამადასტურებელი დოკუმენტი;

ე) ექსპლუატანტის დადასტურება იმის შესახებ, რომ - „ექსპლუატაციაში უშუალოდ ჩართული პერსონალის ყველა წევრს გააჩნია მათზე დაკისრებული ამოცანების შესასრულებლად საჭირო კვალიფიკაცია, ხოლო უპილოტო საჰაერო ხომალდის სისტემის ექსპლუატაცია განხორციელდება დისტანციური პილოტის მიერ, რომელსაც გააჩნია სათანადო დონის კვალიფიკაცია“;

ვ) არსებობის შემთხვევაში, სხვა სახელმწიფოს მიერ გაცემული ექსპლუატაციის ნებართვები, მსუბუქი უპილოტო საჰაერო ხომალდის სისტემის ექსპლუატანტის სერტიფიკატები და დეკლარაციები შესაბამის დადასტურებებთან ერთა