„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს შინაგან საქმეთა მინისტრის ბრძანება №141 |
|
2020 წლის 5 ოქტომბერი ქ. თბილისი |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებით (www.matsne.gov.ge, 31/12/13, 140130000.22.034.016241) დამტკიცებული დანართი №6-ის №5 და №6 პლანშეტები ჩამოყალიბდეს თანდართული რედაქციით. |
| მუხლი 2 |
საქართველოს შინაგან საქმეთა სამინისტროს საპატრულო პოლიციის დეპარტამენტის მოსამსახურეთა ამ ბრძანების ამოქმედებამდე არსებული ნიმუშის ფორმის ტანსაცმლისა და ატრიბუტიკის გამოყენება დასაშვებია მარაგების ამოწურვამდე. |
| მუხლი 3 |
ეს ბრძანება ამოქმედდეს გამოქვეყნებისთანავე.
|
|
პლანშეტი №5 ყოველდღიური ზამთრის ფორმა მამაკაცებისთვის მუქი ლურჯი ფერის თბილი ქუდი, მუქი ლურჯი ფერის პულოვერი, მუქი ლურჯი ფერის გრძელმკლავიანი პერანგი, მუქი ლურჯი ფერის საშემოდგომო შარვალი, შავი ფერის მაღალყელიანი ფეხსაცმელი, ლურჯი ფერის ქურთუკი ყვითელი ფერის ზოლებით, შავი ფერის აღჭურვილობის ქამარი, წოდების შესაბამისი ატრიბუტიკა და ფურნიტურა.
პლანშეტი №6 ყოველდღიური ზამთრის ფორმა ქალებისთვის მუქი ლურჯი ფერის თბილი ქუდი, მუქი ლურჯი ფერის პულოვერი, მუქი ლურჯი ფერის გრძელმკლავიანი პერანგი, მუქი ლურჯი ფერის საშემოდგომო შარვალი ან/და ქვედაბოლო, შავი ფერის მაღალყელიანი ფეხსაცმელი, ლურჯი ფერის ქურთუკი ყვითელი ფერის ზოლებით, შავი ფერის აღჭურვილობის ქამარი, წოდების შესაბამისი ატრიბუტიკა და ფურნიტურა. |