ხარაგაულის მუნიციპალიტეტის საკრებულოს 2015 წლის 6 აპრილის №16 დადგენილებაში „ადგილობრივი მოსაკრებლების შემოღების შესახებ“ ცვლილების შეტანის თაობაზე

1. შეტანილ იქნეს ცვლილება დადგენილების პირველ მუხლში და ჩამოყალიბდეს ახალი რედაქციით:

„1. მშენებლობის (გარდა განსაკუთრებული მნიშვნელობის, რადიაციული ან ბირთვული ობიექტების მშენებლობისა) ნებართვის მოსაკრებელი  (შემდგომში – მოსაკრებელი) შეადგენს:

ა) ინდივიდუალური საცხოვრებელ სახლის და დამხმარე ნაგებობების (მათ შორის სასოფლო-სამეურნეო დანიშნულების) მშენებლობაზე 1 კვ. მეტრზე 1 ლარი

ბ)  სხვა ნაგებობების მშენებლობაზე (მათ შორის, კომერციული საქმიანობის) 1 კვ. მეტრზე 2  ლარი.

გ) ხაზობრივი ნაგებობის მშენებლობის შემთხვევაში, პროექტით გათვალისწინებული თითოეული გრძივი მეტრისათვის 1 ლარი.

დ) საკურორტო ზონაში, ინდივიდუალური საცხოვრებელ სახლის და დამხმარე ნაგებობების (მათ შორის სასოფლო-სამეურნეო დანიშნულების) მშენებლობაზე 1 კვ. მეტრზე 1,5 ლარი.

ე) საკურორტო ზონაში, ხაზობრივი ნაგებობის მშენებლობის შემთხვევაში, პროექტით გათვალისწინებული თითოეული გრძივი მეტრისათვის 1,5 ლარი.

ვ) საკურორტო ზონაში, სხვა ნაგებობების მშენებლობაზე (მათ შორის, კომერციული საქმიანობის) 1 კვ. მეტრზე 2,5 ლარი.

ზ) საკურორტო ზონაში სამრეწველო ობიექტის მშენებლობისათვის 5 ლარი;

თ) ისეთი შენობა-ნაგებობის (გარდა ხაზობრივი ნაგებობისა) მშენებლობის შემთხვევაში, რომელსაც არ აქვს განაშენიანების ინტენსივობის კოეფიციენტის (კ-2) საანგარიშო ფართობი, მოსაკრებლის ოდენობა:

თ.ა) II კლასის ობიექტებისთვის − 50 ლარი,

თ.ბ) III კლასის ობიექტებისთვის − 200 ლარი,

თ.გ) IV კლასის ობიექტებისთვის − 400 ლარი.