„ოლიმპიური ჩემპიონების, პარალიმპიურ თამაშებსა და საჭადრაკო ოლიმპიადებში გამარჯვებულების, სახალხო არტისტების, სახალხო მხატვრებისა და შოთა რუსთაველის სახელობის პრემიის ლაურეატებისათვის ყოველთვიური სახელმწიფო სტიპენდიის დანიშვნის შესახებ“ საქართველოს მთავრობის 2011 წლის 20 ივლისის №284 დადგენილებაში ცვლილების შეტანის თაობაზე

1. სათაური ჩამოყალიბდეს შემდეგი რედაქციით:

„ოლიმპიური და პარალიმპიური თამაშების ჩემპიონებისა და პრიზიორების, საჭადრაკო ოლიმპიადებში გამარჯვებულების, მსოფლიოსა და ევროპის ჩემპიონების, სახალხო არტისტების, სახალხო მხატვრებისა და შოთა რუსთაველის სახელობის პრემიის ლაურეატებისათვის ყოველთვიური სახელმწიფო სტიპენდიის დანიშ­ვნის შესახებ“.

2. პირველი მუხლის პრეამბულა ჩამოყალიბდეს შემდეგი რედაქციით:

„3. ოლიმპიური და პარალიმპიური თამაშების ჩემპიონებსა და საჭადრაკო ოლიმპი­ადებში გამარჯვებულებს დაენიშნოთ ყოველთვიური სტიპენდია 2 000 (ორი ათასი) ლა­რის ოდენობით.“.

4. პირველ მუხლს მე-3 პუნქტის შემდეგ დაემატოს შემდეგი შინაარსის 3¹, 3² და 3³ პუნქტები:

„3¹. ოლიმპიური და პარალიმპიური თამაშების პრიზიორებს დაენიშნოთ ყოველთვიური სტიპენდია შემდეგი ოდენობებით:

ა) ვერცხლის მედლის მფლობელებს – 800 (რვაასი) ლარი;

ბ) ბრინჯაოს მედლის მფლობელებს – 500 (ხუთასი) ლარი.

3². სპორტის ოლიმპიურ სახეობებში:

ა) მსოფლიო ჩემპიონებს (დიდებს შორის) დაენიშნოთ ყოველთვიური სტიპენდია 800 (რვაასი) ლარის ოდენობით;

ბ)  ევროპის ჩემპიონებს (დიდებს შორის) დაენიშნოთ ყოველთვიური სტიპენდია 400 (ოთხასი) ლარის ოდენობით.

3³. პირის მიერ ამ მუხლის მე-3, 3¹ და 3² პუნქტებში მითითებული მიღწევებიდან ორის ან მეტის  ერთდროულად ფლობის შემთხვევაში, მისი სტიპენდიის ოდენობა განისაზღვრება  შემდეგი სახით:

ა) ოლიმპიურ ჩემპიონს, რომელიც იმავდროულად არის ოლიმპიური თამაშების პრიზიორი (ვერცხლის ან/და ბრინჯაოს მედლის მფლობელი) ან/და ამ მუხლის 3² პუნქტში მითითებული მიღწევ(ებ)ის მფლობელი (სპორტის ოლიმპიურ სახეობებში დიდებს შორის მსოფლიოს ან/და ევროპის ჩემპიონი), ყოველთვიური სტიპენდიის ოდენობა განესაზღვროს 2000 (ორი ათასი) ლარის ოდენობით;

ბ) პარალიმპიური თამაშების ჩემპიონს, რომელიც იმავდროულად არის პარალიმპიური თამაშების პრიზიორი (ვერცხლის ან/და ბრინჯაოს მედლის მფლობელი), ყოველთვიური სტიპენდიის ოდენობა განესაზღვროს 2000 (ორი ათასი) ლარის ოდენობით;

გ) ოლიმპიური თამაშების ვერცხლის მედლის მფლობელს, რომელიც იმავდროულად არის ოლიმპიური თამაშების ბრინჯაოს მედლის მფლობელი ან/და ამ მუხლის 3² პუნქტში მითითებული მიღწევ(ებ)ის მფლობელი (სპორტის ოლიმპიურ სახეობებში დიდებს შორის მსოფლიოს ან/და ევროპის ჩემპიონი), ყოველთვიური სტიპენდიის ოდენობა განესაზღვროს 800 (რვაასი) ლარის ოდენობით;

დ) პარალიმპიური თამაშების ვერცხლის მედლის მფლობელს, რომელიც იმავდროულად არის პარალიმპიური თამაშების ბრინჯაოს მედლის მფლობელი, ყოველთვიური სტიპენდიის ოდენობა განესაზღვროს 800 (რვაასი) ლარის ოდენობით;

ე) სპორტის ოლიმპიურ სახეობაში მსოფლიო ჩემპიონს (დიდებს შორის), რომელიც იმავდროულად არის ოლიმპიური თამაშების ბრინჯაოს მედლის მფლობელი ან/და სპორტის ოლიმპიურ სახეობაში ევროპის ჩემპიონი (დიდებს შორის), ყოველთვიური სტიპენდიის ოდენობა განესაზღვროს 800 (რვაასი) ლარის ოდენობით;

ვ) ოლიმპიური თამაშების ბრინჯაოს მედლის მფლობელს, რომელიც იმავდროულად არის სპორტის ოლიმპიურ სახეობაში ევროპის ჩემპიონი (დიდებს შორის), ყოველთვიური სტიპენდიის ოდენობა განესაზღვროს 500 (ხუთასი) ლარის ოდენობით.“.

5. პირველი მუხლის მე-4 პუნქტი ჩამოყალიბდეს შემდეგი რედაქციით:

„4. 2011 და შემდგომ წლებში ამ დადგენილებით განსაზღვრული პირების სტიპენდიისათვის საჭი­რო საბიუჯეტო სახსრები გამოიყოს საქართველოს განათლების, მეცნიერების, კულტურისა და სპორტის სამინისტროსათვის გათვალისწინებულ ასიგნება­თა ფარგლებში.“.