1. სერტიფიკაციის ორგანო ახდენს სერტიფიკაციის სქემით გათვალისწინებული ყველა დოკუმენტის (ოქმები, აქტები და ა.შ.) შემოწმებას, რის საფუძველზეც იღებს გადაწყვეტილებას სახანძრო უსაფრთხოების სერტიფიკატის გაცემის ან გაცემაზე უარის თქმის შესახებ და აცნობებს განმცხადებელს.
2. სერტიფიკაციის დადებითი შედეგებისას სერტიფიკაციის ორგანო დადგენილი წესით აფორმებს სახანძრო უსაფრთხოების სერტიფიკატს, ატარებს რეგისტრაციაში სისტემის რეესტრში და გასცემს განმცხადებელზე.
3. სასერტიფიკაციო სამუშაოების უარყოფითი შედეგის, სასერტიფიკაციო მომსახურებისადმი წაყენებული სხვა მოთხოვნების დაუცველობის ან განმცხადებლის მიერ სერტიფიკაციის სამუშაოების ანაზღაურებაზე უარის თქმის შემთხვევაში, განმცხადებელს გადაეცემა გადაწყვეტილება სერტიფიკატის გაცემაზე უარის თქმის შესახებ. უარი უნდა იყოს დასაბუთებული.
4. სახანძრო უსაფრთხოების სერტიფიკატის მოქმედების ვადას ადგენს სერტიფიკაციის ორგანო მომსახურებაზე ნორმატიული დოკუმენტის მოქმედების ვადის გათვალისწინებით, მაგრამ არა უმეტეს სამი წლისა