„საქართველოს დაზვერვის სამსახურში სამსახურის გავლის წესის შესახებ“ საქართველოს დაზვერვის სამსახურის უფროსის 2016 წლის 6 აპრილის №59 ბრძანებაში ცვლილების შეტანის თაობაზე

საქართველოს დაზვერვის სამსახურის უფროსის

2022 წლის 31 ოქტომბერი

ქ. თბილისი

1. მე-2 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. სამსახურის მოსამსახურე (შემდგომში – მოსამსახურე) არის სამსახურის შტატით გათვალისწინებულ თანამდებობაზე დანიშნული პირი, რომელიც მსახურობს სამხედრო ან სპეციალური წოდებით, აგრეთვე სამსახურის შტატით გათვალისწინებულ თანამდებობაზე დანიშნული პირი, რომელიც არ მსახურობს სამხედრო ან სპეციალური წოდებით (სამოქალაქო პირი) და შრომითი ხელშეკრულებით დასაქმებული პირი.

2. სამსახურის მოსამსახურეები ნაწილდებიან თანამდებობრივ იერარქიაში, გარდა შრომითი ხელშეკრულებით დასაქმებული პირებისა.“.

2. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სამსახურის ოპერატიული და ანალიტიკური საქმიანობის განმახორციელებელ სტრუქტურულ ქვედანაყოფებში მისაღები კანდიდატებისთვის, როგორც წესი, სავალდებულოა მინიმუმ 2 (ორი) უცხო ენის ცოდნა, მათ შორის, ერთი უცხო ენა მაღალ დონეზე, ხოლო მეორე – საშუალო დონეზე.“.

3. მე-8 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. პირი, სამსახურის შტატით გათვალისწინებულ თანამდებობაზე ინიშნება გამოსაცდელი ვადით არაუმეტეს 12 თვისა. გამოსაცდელი ვადით დანიშვნის მიზანია პირის პროფესიული უნარ-ჩვევების, შესაძლებლობების, პირადი თვისებების და შესასრულებელი სამუშაოსთვის შესაბამისობის შემოწმება. ამ ვადაში არ ითვლება დროებითი შრომისუუნარობის ან სხვა საპატიო მიზეზის გამო გაცდენილი დრო.“;

ბ) პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. მოსამსახურე, სამსახურში დანიშვნიდან/მიღებიდან არაუგვიანეს 12 თვის ვადაში ექვემდებარება სამსახურის უფროსის მიერ დამტკიცებული სპეციალური მომზადების კურსის გავლას. სპეციალური მომზადების კურსის გავლისგან გათავისუფლების ან/და მისი ხანგრძლივობის შემცირების საკითხები შეიძლება განისაზღვროს სამსახურის უფროსის სამართლებრივი აქტით.“.

4. მე-19 მუხლის მე-2 პუნქტი ჩამოყალიბდეს შემდეგი რედაქციით:

„2. ხელფასი მოიცავს მოსამსახურის თანამდებობრივ და წოდებრივ სარგოებს, ხოლო შრომითი ხელშეკრულებით დასაქმებული პირის შემთხვევაში – შრომითი ხელშეკრულებით განსაზღვრულ ოდენობას.“.

5. მე-8 თავის სათაური ჩამოყალიბდეს შემდეგი რედაქციით:

„თავი VIII

სამსახურებრივი უფლებამოსილების შეჩერება სამსახურიდან გათავისუფლება

6. 28-ე მუხლის მე-3 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) კანონმდებლობის შესაბამისად მისთვის სხვა სამსახურებრივი მოვალეობის დაკისრებისას;“.

7. 29-ე მუხლი ჩამოყალიბდეს შემდეგი რედაქციით:

„მუხლი 29. სამსახურის მოსამსახურის სამსახურიდან გათავისუფლება

1. სამსახურის მოსამსახურის სამსახურიდან გათავისუფლების საფუძვლები განისაზღვრება „საქართველოს დაზვერვის სამსახურის შესახებ“ საქართველოს კანონის მე-16 მუხლით.

2. სამსახურის მოსამსახურის სამსახურიდან გათავისუფლება ფორმდება სამსახურის უფროსის ბრძანებით.

3. სამსახურის უფროსი, „საქართველოს დაზვერვის სამსახურის შესახებ“ საქართველოს კანონის მე-16 მუხლის „გ“, „დ“, „ე“, „ი“, „მ“ და „პ“ ქვეპუნქტებით გათვალისწინებული საფუძვლებით, სამსახურის მოსამსახურის სამსახურიდან გათავისუფლების შესახებ გადაწყვეტილებას იღებს შესაბამისი დასკვნის გათვალისწინებით.“.

8. 38-ე მუხლის მე-2 პუნქტი ჩამოყალიბდეს შემდეგი რედაქციით:

„2. სპეციალური წოდების მქონე მოსამსახურთათვის სპეციალური წოდებით სამსახურის ზღვრული ასაკია:

ა) უმცროსი და საშუალო სპეციალური წოდების მქონე მოსამსახურისთვის – 55 წელი;

ბ) უფროსი სპეციალური წოდების მქონე მოსამსახურისთვის – 60 წელი;

გ) უმაღლესი სპეციალური წოდების მქონე მოსამსახურისთვის – 65 წელი.“.

 9. მე-40 მუხლის მე-2 პუნქტი ჩამოყალიბდეს შემდეგი რედაქციით:
„2. განსაკუთრებულ დამსახურებად მიჩნეულ იქნეს სამსახურის გავლის პერიოდში გამოჩენილი მაღალი  კვალიფიკაციის გამომჟღავნება, სადაზვერვო  ან სხვა სამსახურეობრივი დავალების წარმატებით შესრულება ან/და მნიშვნელოვანი წვლილის შეტანა საქართველოს სახელმწიფო უსაფრთხოების უზრუნველყოფის პროცესში.“.

 10. ამოღებულ იქნეს 44² მუხლის პირველი პუნქტის „დ“ და 44² მუხლის მეორე პუნქტის „ბ“ ქვეპუნქტები.