1.  რეზერვში ჩარიცხულ მოხელეთა აღრიცხვას აწარმოებს სტატისტიკის დეპარტამენტის საკონკურსო-საატესტაციო კომისია.
2.  რეზერვში ჩარიცხული პირი სამ წელიწადში ერთხელ ექვემდებარება ატესტაციას.
3.  მოხელეთა რეზერვიდან პირის გამოყვანა ხდება შემდეგ შემთხვევაში:
ა)  პირი დაინიშნა მოხელის შესაბამის ვაკანტურ თანამდებობაზე;
ბ)  პირი გასამართლებულ იქნა განზრახ ჩადენილი დანაშაულისათვის და მოხდილი არა აქვს ნასამართლობა;
გ)  პირი სასამართლოს გადაწყვეტილებით ცნობილ იქნა ქმედუუნაროდ ან შეზღუდული ქმედუუნარიანობის მქონედ;
დ)     პირს სასამართლოს მიერ ჩამოერთვა შესაბამისი თანამდებობის დაკავების უფლება;
ე)  პირმა მიიღო სხვა ქვეყნის მოქალაქეობა;
ვ)  პირმა მიაღწია საჯარო სამსახურში ყოფნის ზღვრულ ასაკს