„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – აღსრულების ეროვნული ბიუროს დებულების დამტკიცების შესახებ“ საქართველოს იუსტიციის მინისტრის 2014 წლის 6 მაისის №24 ბრძანებაში ცვლილების შეტანის თაობაზე

საქართველოს იუსტიციის მინისტრის

2024 წლის 18 მარტი

ქ. თბილისი

ა) პირველი პუნქტი ჩამოყალიბდეს შემდეგი რედაქციით:

„1. იურიდიული დეპარტამენტის მიზანია აღსრულების ეროვნული ბიუროს საქმიანობის სამართლებრივი უზრუნველყოფა, აღსრულების ეროვნული ბიუროსათვის შესაძლო ზიანის პრევენცია, მისი კანონიერი ინტერესების დაცვა და აღსრულების ეროვნული ბიუროს განვითარების ხელშეწყობა.“.

ბ) მე-2 პუნქტს დაემატოს შემდეგი შინაარსის „ე“ ქვეპუნქტი:

„ე) ანალიტიკური საქმიანობის კოორდინაცია.“;

გ) მე-3 პუნქტს დაემატოს შემდეგი შინაარსის „ლ¹“–„ლ¹⁴“ ქვეპუნქტები:

„ლ¹) პოლიტიკის დოკუმენტებზე (კონცეფცია, სტრატეგია, სამოქმედო გეგმა და სხვა) მუშაობა, მათ შორის, სიტუაციის ანალიზის მომზადება, თემატური პრობლემების იდენტიფიცირება და მათი გადაჭრის გზების მოძიება;

ლ²) სხვადასხვა სახის ანალიტიკური დოკუმენტების მომზადება, მათ შორის, აღსრულების ეროვნული ბიუროს კომპეტენციას მიკუთვნებულ საკითხებზე შიდა და სართაშორისო დონეზე მიმდინარე აქტუალურ პროცესებთან დაკავშირებით ანალიტიკური (მათ შორის, შედარებითი) მიმოხილვების მომზადება;

ლ³) კანონმდებლობის ანალიზი და შესაბამისი რეკომენდაციების შემუშავება;

ლ⁴) თემატურ-დარგობრივი კვლევებისა და შედარებით-სამართლებრივი კვლევების მომზადება;

ლ⁵) სტატისტიკური მონაცემების დამუშავების მეთოდოლოგიის კვლევა და შესაბამისი რეკომენდაციების მომზადება;

ლ⁶) დამუშავებული სტატისტიკური მონაცემების ანალიზი;

ლ⁷) სტრატეგიებითა და სამოქმედო გეგმებით აღსრულების ეროვნული ბიუროს მიმართ განსაზღვრული ვალდებულებების შესრულების მონიტორინგი და ანგარიშგება;

ლ⁸) ანალიტიკური ანგარიშების მომზადება;

ლ⁹) ყოველთვიური და ყოველწლიური ანგარიშების მომზადების პროცესში მონაწილეობა; განხორციელებული წლიური საქმიანობის შინაარსობრივი თვალსაზრისით შეფასება და შესაბამისი რეკომენდაციების მომზადება;

ლ¹⁰) თემატურ საკითხებზე ტენდენციების გამოკვეთა, სიახლეების იდენტიფიცირება, საკვლევი თემატიკის ინიცირება (არსებული გამოწვევებისა და რისკების შესწავლა/ანალიზი და სათანადო დასკვნების, წინადადებებისა და რეკომენდაციების მომზადებაში მონაწილეობა);

ლ¹¹) თემატური სახელმძღვანელოების მომზადებაში მონაწილეობა;

ლ¹²) პრევენციული ღონისძიებების დაგეგმვა-განხორციელება, რეკომენდაციების შემუშავება;

ლ¹³) ანალიტიკური მიმართულების განვითარების მეთოდოლოგიის შემუშავება;

ლ¹⁴) თემატური პროექტების მართვაში მონაწილეობა;

ლ¹⁵) სამინისტროს სისტემის ანალიტიკურ დანაყოფებთან ურთიერთობის კოორდინაციის პროცესში მონაწილეობა;“;

დ) მე-4 პუნქტის:

დ.ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) სასამართლო წარმომადგენლობის სამსახური;“;

დ.ბ) „ბ“ ქვეპუნქტის შემდეგ დაემატოს შემდეგი შინაარსის „გ“ ქვეპუნქტი:

„გ) ანალიტიკური სამსახური.“;

ე) მე-6 პუნქტი ჩამოყალიბდეს შემდეგი რედაქციით:

„6. სასამართლო წარმომადგენლობის სამსახური უზრუნველყოფს ამ მუხლის მე-3 პუნქტის „ე“, „თ“, „მ“ და „ნ“ ქვეპუნქტებით (მისი საქმიანობის ფარგლებში) განსაზღვრული ფუნქციების განხორციელებას.“;

ვ) მე-6 პუნქტის შემდეგ დაემატოს შემდეგი შინაარსის მე-7 პუნქტი:

„7. ანალიტიკური სამსახური უზრუნველყოფს ამ მუხლის მე-3 პუნქტის „ე¹“, „ლ¹“–„ლ¹⁵“, „მ“ და „ნ“ ქვეპუნქტებით (მისი საქმიანობის ფარგლებში) განსაზღვრული ფუნქციების განხორციელებას.“.