საქართველოს საგარეო საქმეთა სამინისტროს უწყებრივი ჯილდოების ნიმუშების, დაჯილდოების წესისა და პირობების დამტკიცების შესახებ

საქართველოს საგარეო საქმეთა სამინისტროს უწყებრივი ჯილდოების ნიმუშების, დაჯილდოების წესისა და პირობების დამტკიცების შესახებ საქართველოს საგარეო საქმეთა მინისტრის ბრძანება  №01-290 2024 წლის 5 ივლისი ქ. თბილისი საქართველოს საგარეო საქმეთა სამინისტროს უწყებრივი ჯილდოების ნიმუშების, დაჯილდოების წესისა და პირობების დამტკიცების შესახებ ,,საქართველოს საგარეო საქმეთა სამინისტროს დებულების დამტკიცების შესახებ“ საქართველოს მთავრობის 2005 წლის 16 ნოემბრის №206 დადგენილებით დამტკიცებული დებულების მე-5 მუხლის პირველი პუნქტის „ქ​1“ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის საფუძველზე, ვბრძანებ: 1. დამტკიცდეს საქართველოს საგარეო საქმეთა სამინისტროს უწყებრივი ჯილდოების: ა) სულხან-საბა ორბელიანის სახელობის უწყებრივი ჯილდოს – სულხან-საბა ორბელიანის სახელობის მედლის ნიმუში და სულხან-საბა ორბელიანის სახელობის მედლით დაჯილდოების სერტიფიკატის ფორმები თანდართული სახით (დანართი №1); ბ) საქართველოს საგარეო საქმეთა სამინისტროს მადლობის სიგელის  ფორმა თანდართული სახით (დანართი №4); გ) აკაკი ჩხენკელის სახელობის უწყებრივი ჯილდოს – აკაკი ჩხენკელის სახელობის მედლის ნიმუში და აკაკი ჩხენკელის სახელობის მედლით დაჯილდოების სერტიფიკატის ფორმები თანდართული სახით (დანართი №5). 2. დამტკიცდეს საქართველოს საგარეო საქმეთა სამინისტროს უწყებრივი ჯილდოებით დაჯილდოების თანდართული წესი და პირობები (დანართი №2). 3. დამტკიცდეს საქართველოს საგარეო საქმეთა სამინისტროს უწყებრივ ჯილდოებზე წარდგენის თანდართული ფორმა (დანართი №3). 4. ძალადაკარგულად გამოცხადდეს ,,საქართველოს საგარეო საქმეთა სამინისტროს უწყებრივი ჯილდოების ნიმუშების, დაჯილდოების წესისა და პირობების დამტკიცების შესახებ’’ საქართველოს საგარეო საქმეთა მინისტრის 2020 წლის 24 დეკემბრის №01-226 ბრძანება. 5. ბრძანება ამოქმედდეს გამოქვეყნებისთანავე. საგარეო საქმეთა მინისტრიილია დარჩიაშვილი