„საერთაშორისო ვაჭრობის ხელშეწყობის ეროვნული კომიტეტის შექმნისა და დებულების დამტკიცების თაობაზე“ საქართველოს მთავრობის 2019 წლის 1 მაისის №217 დადგენილებაში ცვლილების შეტანის შესახებ

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი საგარეო ურთიერთობები ეკონომიკა
მიღების თარიღი
07.10.2024
გამომცემი ორგანო
საქართველოს მთავრობა
ნომერი
№339
სარეგისტრაციო კოდი
480490000.10.003.024734
გამოქვეყნების წყარო
matsne.gov.ge , 08/10/2024
📥 მინიშნება 1 🧬 მსგავსი 10 📎 დანართები 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს მთავრობის

დადგენილება №339

2024 წლის 7 ოქტომბერი

   ქ. თბილისი

 

მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საერთაშორისო ვაჭრობის ხელშეწყობის ეროვნული კომიტეტის შექმნისა და დებულების დამტკიცების თაობაზე“  საქართველოს მთავრობის  2019 წლის 1 მაისის  №217 დადგენილებაში (www.matsne.gov.ge, 06/05/2019, 480490000.10.003.021232) შეტანილ იქნეს ცვლილება და:

1. დადგენილების პირველი მუხლი ჩამოყალიბდეს შემდეგი რედაქციით:

 „მუხლი 1.  „მსოფლიო სავაჭრო ორგანიზაციის დამფუძნებელი მარაკეშის შეთანხმების ცვლილების ოქმით“ გათვალისწინებული „ვაჭრობის ხელშეწყობის შესახებ“ შეთანხმების 23-ე მუხლის მე-2 პუნქტის შესაბამისად, „ვაჭრობის ხელშეწყობის შესახებ“ შეთანხმების დებულებათა ადგილობრივ დონეზე კოორდინაციისა და განხორციელების ხელშეწყობის მიზნით, შეიქმნას საერთაშორისო ვაჭრობის ხელშეწყობის ეროვნული კომიტეტი (შემდგომში – კომიტეტი) შემდეგი შემადგენლობით:

1. საქართველოს ფინანსთა სამინისტროს წარმომადგენელი – კომიტეტის თავმჯდომარე;

2. ა(ა)იპ − ინვესტორთა საბჭოს სამდივნოს წარმომადგენელი – კომიტეტის თანათავმჯდომარე;

3. საქართველოს ფინანსთა სამინისტროს მმართველობის სფეროში შემავალი სსიპ – შემოსავლების სამსახურის წარმომადგენელი – კომიტეტის მდივანი;

4. საქართველოს ეკონომიკისა და მდგრადი განვითარების სამინისტროს წარმომადგენელი – კომიტეტის  წევრი;

5. საქართველოს გარემოს დაცვისა და სოფლის მეურნეობის სამინისტროს წარმომადგენელი – კომიტეტის წევრი;

6. საქართველოს თავდაცვის სამინისტროს წარმომადგენელი – კომიტეტის წევრი;

7. საქართველოს შინაგან საქმეთა სამინისტროს წარმომადგენელი – კომიტეტის წევრი;

8. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს წარმომადგენელი – კომიტეტის წევრი;

9. საქართველოს განათლების, მეცნიერებისა და ახალგაზრდობის სამინისტროს წარმომადგენელი – კომიტეტის წევრი;

10. საქართველოს კულტურისა და სპორტის სამინისტროს წარმომადგენელი – კომიტეტის წევრი;

11. საქართველოს იუსტიციის სამინისტროს წარმომადგენელი – კომიტეტის წევრი;

12. საქართველოს საგარეო საქმეთა სამინისტროს წარმომადგენელი – კომიტეტის წევრი;

13. საქართველოს სავაჭრო-სამრეწველო პალატის წარმომადგენელი – კომიტეტის წევრი;

14. საქართველოს ფერმერთა ასოციაციის წარმომადგენელი – კომიტეტის წევრი;

15. საქართველოს ბიზნესასოციაციის წარმომადგენელი  – კომიტეტის წევრი;

16. საქართველოს მცირე და საშუალო საწარმოთა ასოციაციის წარმომადგენელი  – კომიტეტის წევრი;

17. საქართველოს დამსაქმებელთა ასოციაციის წარმომადგენელი  – კომიტეტის წევრი;

18. საქართველოს ბანკების ასოციაციის წარმომადგენელი  – კომიტეტის წევრი;

19. საერთაშორისო სავაჭრო პალატის წარმომადგენელი  – კომიტეტის წევრი;

20. ევროკავშირი – საქართველოს ბიზნესსაბჭოს წარმომადგენელი – კომიტეტის წევრი;

21. საქართველოს ექსპედიტორთა ასოციაციის წარმომადგენელი – კომიტეტის წევრი;

22. ა(ა)იპ − ევროპული ბიზნესასოციაციის წარმომადგენელი − კომიტეტის წევრი;

23. საქართველოს ბიზნესომბუდსმენი – კომიტეტის წევრი;

24. საქართველოს საერთაშორისო საავტომობილო გადამზიდავთა ასოციაციის წარმომადგენელი − კომიტეტის წევრი;

25. ა(ა)იპ − საქართველოში ამერიკის სავაჭრო პალატის წარმომადგენელი − კომიტეტის წევრი;

26. ა(ა)იპ − გერმანიის ეკონომიკური გაერთიანების წარმომადგენელი − კომიტეტის წევრი;

27. ა(ა)იპ − ქალები ღვინის ინდუსტრიაში წარმომადგენელი − კომიტეტის წევრი;

28. ა(ა)იპ − საქართველოს მწარმოებელთა ფედერაციის წარმომადგენელი − კომიტეტის წევრი.“.

2. დადგენილებით დამტკიცებული „საერთაშორისო ვაჭრობის ხელშეწყობის ეროვნული კომიტეტის დებულება“ ჩამოყალიბდეს თანდართული რედაქციით.

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიირაკლი კობახიძე
📎 დანართები (1)
339.docx ⬇

დანართი

„საერთაშორისო ვაჭრობის ხელშეწყობის ეროვნული კომიტეტის

დებულება

მუხლი 1. ზოგადი დებულებანი

1. საერთაშორისო ვაჭრობის ხელშეწყობის ეროვნული კომიტეტი (შემდგომში – კომიტეტი) არის „მსოფლიო სავაჭრო ორგანიზაციის დამფუძნებელი მარაკეშის შეთანხმების ცვლილების ოქმით“ გათვალისწინებული „ვაჭრობის ხელშეწყობის შესახებ“ შეთანხმების 23-ე მუხლის მე-2 პუნქტის შესაბამისად ჩამოყალიბებული უწყებათაშორისი სათათბირო ორგანო.

2. კომიტეტი თავის საქმიანობას წარმართავს საქართველოს კონსტიტუციის, საქართველოს საერთაშორისო ხელშეკრულებებისა და შეთანხმებების, საქართველოს საკანონმდებლო აქტების, საქართველოს პრეზიდენტის ბრძანებულებების, ამ დებულებისა და სხვა სამართლებრივი აქტების შესაბამისად, საყოველთაო თანასწორობისა და ჩართულობის პრინციპების გათვალისწინებით.

მუხლი 2. კომიტეტის უფლებამოსილებანი

კომიტეტი უფლებამოსილია:

ა) ცალკეული საკითხების მომზადებისა და რეკომენდაციების შემუშავების მიზნით, შექმნას სამუშაო/საკონსულტაციო ჯგუფები;

ბ) კონკრეტული საკითხების განსახილველად შესაბამისი სფეროებიდან მიიწვიოს სპეციალისტები/ექსპერტები.

მუხლი 3. კომიტეტის ძირითადი ფუნქციები

კომიტეტის ძირითადი ფუნქციებია:

ა) საერთაშორისო ვაჭრობის ხელშეწყობის სტრატეგიული მიმართულებების, შესაბამისი რეფორმებისა და „ვაჭრობის ხელშეწყობის შესახებ“ შეთანხმების დებულებების იმპლემენტაციის პრიორიტეტული მიმართულებების განხილვა;

ბ) „ვაჭრობის ხელშეწყობის შესახებ“ შეთანხმების დებულებათა ეროვნულ დონეზე კოორდინაციისა და განხორციელების ხელშეწყობა;

გ) საერთაშორისო ვაჭრობის საკითხებზე რეკომენდაციებისა და წინადადებების შემუშავება და მათი წარმოდგენა საქართველოს მთავრობისათვის.

მუხლი 4. კომიტეტის თავმჯდომარე

1. კომიტეტის თავმჯდომარე:

ა) ხელმძღვანელობს კომიტეტის საქმიანობას;

ბ) იწვევს და წარმართავს კომიტეტის სხდომებს.

2. თავმჯდომარის არყოფნის შემთხვევაში, სხდომას უძღვება კომიტეტის თანათავმჯდომარე ან და არჩეული თანათავმჯდომარე, რომლის არჩევაც ხდება კომიტეტის შემადგენლობიდან, წლიური როტაციის პრინციპით.

მუხლი 5. კომიტეტის მუდმივი სამუშაო ჯგუფი

1. კომიტეტის საქმიანობის ხელშეწყობის მიზნით, კომიტეტი აყალიბებს მუდმივ სამუშაო ჯგუფს, რომელიც დაკომპლექტდება კომიტეტის წევრი უწყებების/ორგანიზაციების წარმომადგენლებით.

2. საჭიროების შემთხვევაში, კომიტეტის მუდმივი სამუშაო ჯგუფის საქმიანობაში მონაწილეობის მისაღებად შესაძლებელია, მიწვეულ იქნენ შესაბამისი სპეციალისტები/ექსპერტები ან/და ორგანიზაციების წარმომადგენლები.

3. კომიტეტის მუდმივი სამუშაო ჯგუფი იკრიბება განსაზღვრული ფუნქციების შესრულების მიზნით, წევრების ან კომიტეტის სამდივნოს მოწვევის საფუძველზე.

მუხლი 6. კომიტეტის გადაწყვეტილების მიღების წესი

1. კომიტეტი იკრიბება წელიწადში ორჯერ. საჭიროების შემთხვევაში კომიტეტის რიგგარეშე სხდომა მოიწვევა თავმჯდომარის/თანა-თავმჯდომარის ან წევრთა უმრავლესობის მოთხოვნის საფუძველზე.

2. კომიტეტის სხდომა უფლებამოსილია, თუ მას ესწრება კომიტეტის წევრთა ნახევარზე მეტი.

3. კომიტეტის თითოეულ წევრს აქვს ერთი ხმის უფლება.

4. კომიტეტის გადაწყვეტილება მიიღება სხდომაზე დამსწრე წევრთა ხმების უმრავლესობით. ხმების თანაბრად გაყოფის შემთხვევაში გადამწყვეტია კომიტეტის თავმჯდომარის ხმა.

5. კომიტეტის გადაწყვეტილებები ფორმდება ოქმით, რომელსაც ხელს აწერენ კომიტეტის თავმჯდომარე და მდივანი.

მუხლი 7. კომიტეტის საქმიანობის ორგანიზაციულ-ტექნიკური უზრუნველყოფა

1. კომიტეტის საქმიანობის ორგანიზაციულ-ტექნიკურ უზრუნველყოფას ახორციელებს კომიტეტის სამდივნო, რომლის ფუნქციებს ახორციელებს სსიპ – შემოსავლების სამსახურის საერთაშორისო ურთიერთობათა დეპარტამენტი.

2. კომიტეტის სამდივნო უზრუნველყოფს:

ა) კომიტეტის სხდომათა დღის წესრიგის მომზადებას;

ბ) კომიტეტის სხდომათა მიმდინარეობისა და მიღებული გადაწყვეტილებების ამსახველი საოქმო ჩანაწერების ოფიციალურ წარმოებას, შენახვასა და სისტემატიზაციას;

გ) კომიტეტის წევრებს შორის ინფორმაციის გაცვლასა და ურთიერთობის კოორდინაციას/ხელშეწყობას;

დ) კომიტეტსა და საერთაშორისო განვითარების პარტნიორ ორგანიზაციებს შორის კომუნიკაციის კოორდინაციას/ხელშეწყობას;

ე) კომიტეტის საქმიანობის შესახებ საზოგადოებასთან ურთიერთობის ფუნქციების განხორციელებას;

ვ) კომიტეტის უფლებამოსილებათა განხორციელებისათვის საჭირო სხვა საქმიანობების წარმართვას.“.