„საჯარო სამართლის იურიდიული პირის – აკრედიტაციის ერთიანი ეროვნული ორგანოს – აკრედიტაციის ცენტრის დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2024 წლის 15 აპრილის №1-1/147 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

2025 წლის 20 თებერვალი

ქ. თბილისი

ა) მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ლაბორატორიების აკრედიტაციის სამსახური;“;

ბ) მე-2 პუნქტს დაემატოს შემდეგი შინაარსის „დ“ ქვეპუნქტი:

„დ) ინსპექტირების ორგანოების აკრედიტაციის სამსახური.“;

გ) მე-5 პუნქტი ჩამოყალიბდეს შემდეგი რედაქციით:

„5. ლაბორატორიების აკრედიტაციის სამსახურის უფლებამოსილებებია:

ა) პირველადი აკრედიტაციის, ყოველწლიური შეფასების, არაგეგმური შეფასებისა და განმეორებითი აკრედიტაციის სამუშაოების დაგეგმვა და განხორციელება:

ა.ა) საგამოცდო ლაბორატორიებისათვის;

ა.ბ) საკალიბრო ლაბორატორიებისათვის;

ა.გ) სამედიცინო ლაბორატორიებისათვის;

ა.დ) საკვალიფიკაციო ტესტირების მიმწოდებელი ორგანოებისთვის.

ბ) კომპეტენციის შესაბამისად, ტექნიკური კომიტეტის შექმნის თხოვნით აკრედიტაციის ცენტრის გენერალური დირექტორისთვის მიმართვა;

გ) აკრედიტაციის სისტემის განვითარების ხელშეწყობის მიზნით რეკომენდაციებისა და წინადადებების წარდგენა გენერალური დირექტორისათვის;

დ) აკრედიტაციის ცენტრის სხვა სტრუქტურული ერთეულებთან და აკრედიტაციის ცენტრის ხარისხის მენეჯერთან მჭიდრო კოორდინაცია აკრედიტაციის სისტემის შემდგომი განვითარებისა და კომპლექსური დავალებების შესრულების მიზნით;

ე) გენერალური დირექტორის მითითების შესაბამისად, სხვა დავალებების შესრულება.“; 

დ) მე-5 პუნქტის შემდეგ დაემატოს შემდეგი შინაარსის 5¹ პუნქტი:

„5¹ . ინსპექტირების ორგანოების აკრედიტაციის სამსახურის უფლებამოსილებებია:

ა) პირველადი აკრედიტაციის, ყოველწლიური შეფასების, არაგეგმური შეფასებისა და განმეორებითი აკრედიტაციის სამუშაოების დაგეგმვა და განხორციელება ინსპექტირების ორგანოებისათვის;

ბ) კომპეტენციის შესაბამისად, ტექნიკური კომიტეტის შექმნის თხოვნით აკრედიტაციის ცენტრის გენერალური დირექტორისთვის მიმართვა;

გ) აკრედიტაციის სისტემის განვითარების ხელშეწყობის მიზნით რეკომენდაციებისა და წინადადებების წარდგენა გენერალური დირექტორისათვის;

დ) აკრედიტაციის ცენტრის სხვა სტრუქტურული ერთეულებთან და აკრედიტაციის ცენტრის ხარისხის მენეჯერთან მჭიდრო კოორდინაცია აკრედიტაციის სისტემის შემდგომი განვითარებისა და კომპლექსური დავალებების შესრულების მიზნით;

ე) გენერალური დირექტორის მითითების შესაბამისად, სხვა დავალებების შესრულება.“;

ე) მე-7 პუნქტის შემდეგ დაემატოს შემდეგი შინაარსის მე-8 პუნქტი:

„8. ცენტრის თანამშრომელს, რომელსაც საერთაშორისო სტანდარტის ისო/იეკ 17011-ის მოთხოვნების დაცვით, დადასტურებული აქვს კომპეტენცია ერთდროულად სხვადასხვა საერთაშორისო სტანდარტთან მიმართებაში, თავისი უფლებამოსილების განხორციელებისას მას კოორდინაციას უწევს შესაბამისი სტრუქტურული ერთეულის ხელმძღვანელი, მათ შორის, შესაბამისობის შემფასებელი ორგანოების საქმეების გადანაწილების გზით.“.