საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. 38-ე მუხლს დაემატოს შემდეგი შინაარსის მე-6 ნაწილი:

„6. ამ კოდექსის 165¹¹ მუხლით გათვალისწინებული ადმინისტრაციული სახდელი დამსაქმებელს შეიძლება დაეკისროს შესაბამისი ადმინისტრაციული სამართალდარღვევის გამოვლენის დღიდან არაუგვიანეს 6 თვისა.“.

2. 165¹¹ მუხლს დაემატოს შემდეგი შინაარსის შენიშვნა:

„შენიშვნა:                                                        

1. საპენსიო შენატანის/შენატანების განხორციელების ვალდებულების დარღვევად არ ჩაითვლება დამსაქმებლის მიერ საშემოსავლო დეკლარაციის შესწორება/დაზუსტება, რომლის გათვალისწინებითაც დამსაქმებელი „დაგროვებითი პენსიის შესახებ“ საქართველოს კანონითა და საჯარო სამართლის იურიდიული პირის − საქართველოს საპენსიო ფონდის მიერ დადგენილი წესით განახორციელებს საპენსიო შენატანს/შენატანებს.

2. სახელმწიფო ხაზინის მომსახურებაზე მყოფ ორგანიზაციას ადმინისტრაციული სახდელი დაეკისრება შესაბამისი ვალდებულების საჯარო სამართლის იურიდიული პირის − საქართველოს საპენსიო ფონდის მიერ დადგენილი წესით შეუსრულებლობის შემთხვევაში.“.

3. 242-ე მუხლს დაემატოს შემდეგი შინაარსის მე-8 ნაწილი:

„8. ამ კოდექსის 165¹¹ მუხლით გათვალისწინებულ ადმინისტრაციულ სამართალდარღვევასთან მიმართებით საჯარო სამართლის იურიდიული პირი − საქართველოს საპენსიო ფონდი გამოსცემს ელექტრონულ საჯარიმო ქვითარს, რომელიც იმავდროულად არის ადმინისტრაციული სამართალდარღვევის ოქმი. ელექტრონული საჯარიმო ქვითრის გამოცემის წესსა და პროცედურას ამტკიცებს საჯარო სამართლის იურიდიული პირი − საქართველოს საპენსიო ფონდი.“.

მუხლი 2. საქართველოს ადმინისტრაციულ სამართალდარღვევათა კოდექსის 165¹¹ მუხლით გათვალისწინებული ადმინისტრაციული სახდელი დამსაქმებელს დაეკისრება ამ კანონის ამოქმედებამდე პერიოდში წარმოშობილი შესაბამისი ვალდებულების შეუსრულებლობის ან არაჯეროვნად შესრულების ფაქტის იდენტიფიცირების შემთხვევაში, სათანადო ადმინისტრაციული სამართალდარღვევის საქმის წარმოების ფარგლებში გამოვლენილი დარღვევების რაოდენობის მიუხედავად.

მუხლი 3. ეს კანონი ამოქმედდეს გამოქვეყნებისთანავე.