,,საქართველოს გენერალური პროკურატურის საგამოძიებო ნაწილის (დეპარტამენტი) დებულების დამტკიცების შესახებ,, საქართველოს გენერალური პროკურორის 2021 წლის 29 იანვრის №002 ბრძანებაში ცვლილების შეტანის თაობაზე

1. მე-3 მუხლის:

ა)  პირველ პუნქტს დაემატოს შემდეგი შინაარსის ,,დ“-,,ვ“ ქვეპუნქტები:

,,დ) პირველი საგამოძიებო სამმართველო;

ე) მეორე საგამოძიებო სამმართველო;

ვ) მესამე საგამოძიებო სამმართველო.“.

ბ) მე-2 პუნქტის ,,ა“-,,გ“ ქვეპუნქტები ჩამოყალიბდეს შემდეგი რედაქციით:

,,ა)  პირველი, მეორე და მესამე საგამოძიებო სამმართველოების მიერ გამოძიებულ სისხლის სამართლის საქმეებზე საპროცესო ხელმძღვანელობის განხორციელება;

ბ) პირველი, მეორე და მესამე საგამოძიებო სამმართველოების მიერ გამოძიების ობიექტურად და სრულყოფილად ჩატარებისა და გამოძიებისას კანონის მოთხოვნათა ზუსტი და ერთგვაროვანი შესრულების უზრუნველყოფა;

გ) პირველი, მეორე და მესამე საგამოძიებო  სამმართველოების  მიერ გამოძიებულ სისხლის სამართლის საქმეებზე სასამართლოში სახელმწიფო ბრალდების მხარდაჭერა;“.

2. მე-3 მუხლს დაემატოს შემდეგი შინაარსის მე-5-მე-6 პუნქტები:

,, 5. პირველი, მეორე და მესამე საგამოძიებო სამმართველოების ამოცანებია პროკურატურის საგამოძიებო ქვემდებარეობას მიკუთვნებულ განსაკუთრებით მნიშვნელოვან სისხლის სამართლის საქმეებზე გამოძიების ჩატარება.

6. პირველი, მეორე და მესამე საგამოძიებო სამმართველოებს შორის ფუნქცია-მოვალეობებს ანაწილებს საგამოძიებო ნაწილის უფროსი.“.

3. მე-7 მუხლის:

ა) პირველი პუნქტის ,,გ“ ქვეპუნქტი ამოღებულ იქნეს;

ბ) პირველ პუნქტს დაემატოს შემდეგი შინაარსის ,,დ²“ ქვეპუნქტი:

,,დ²) პირველი, მეორე და მესამე საგამოძიებო სამმართველოების განსაკუთრებით მნიშვნელოვან საქმეთა უფროსი გამომძიებლები და განსაკუთრებით მნიშვნელოვან საქმეთა გამომძიებლები;“.