,,საქართველოს პროკურატურაში სექსუალური შევიწროების პრევენციისა და რეაგირების მექანიზმის დამტკიცების შესახებ“ საქართველოს გენერალური პროკურორის 2021 წლის 3 დეკემბრის №010 ბრძანებაში ცვლილების შეტანის თაობაზე

1. მე-10 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. პროკურატურაში სექსუალური შევიწროების შემთხვევებზე საქმის წარმოებას ახორციელებს მხარდაჭერის ჯგუფი, რომლის შემადგენლობაში შედიან გენერალური პროკურატურის ადმინისტრაციის, გენერალური ინსპექციისა და ადამიანის უფლებათა დაცვის დეპარტამენტის თანამშრომლები.“;

ბ) მე-5-მე-6 პუნქტები ჩამოყალიბდეს შემდეგი რედაქციით:

„5. თუ საქმის განმხილველი რომელიმე პირი სავარაუდო შემავიწროებელია, მხარდაჭერის  ჯგუფის წევრად შეირჩევა იმავე დეპარტამენტის სხვა თანამშრომელი.

6. სექსუალური შევიწროების სავარაუდო მსხვერპლი ან სავარაუდო შემავიწროებელი უფლებამოსილია მოითხოვოს საქმის განმხილველი მხარდაჭერის ჯგუფის რომელიმე წევრის იმავე დეპარტამენტის სხვა თანამშრომლით ჩანაცვლება იმ შემთხვევაში, თუ სახეზეა ინტერესთა კონფლიქტი ან არსებობს საფუძვლიანი ეჭვი ობიექტურობასა და მიუკერძოებლობასთან დაკავშირებით.“.

2. მე-15 მუხლის პირველი პუნქტი ჩამოყალიბდეს შემდეგი რედაქციით:

„1. გენერალური პროკურატურის ადამიანის უფლებათა დაცვის დეპარტამენტი აწარმოებს სტატისტიკას და მხარდაჭერის  ჯგუფთან კოორდინაციით ამზადებს ყოველწლიურ ანგარიშს სექსუალური შევიწროების პრევენციისა და მასზე რეაგირების წინამდებარე მექანიზმის შესრულების, ინციდენტების რაოდენობისა და დამდგარი შედეგების, ასევე სექსუალური შევიწროების პრევენციისა და სექსუალური შევიწროების შესახებ ცნობიერების ამაღლების მიზნით განხორციელებული ღონისძიებების  თაობაზე.“.