„საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2019 წლის 16 აგვისტოს №71 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2025 წლის 26 აგვისტო

ქ. თბილისი

1. მე-6 მუხლის:

ა) „ბ²“ ქვეპუნქტი ჩამოყალიბდეს შემდეგი რედაქციით:

„ბ²) აჭარის ავტონომიური რესპუბლიკის მთავარი სამმართველო;“;

ბ) „ბ³“ ქვეპუნქტი ამოღებულ იქნეს.

2. 10² მუხლი ჩამოყალიბდეს შემდეგი რედაქციით:

„მუხლი 10². აჭარის ავტონომიური რესპუბლიკის მთავარი სამმართველოს სტრუქტურა

აჭარის ავტონომიური რესპუბლიკის მთავარი სამმართველოს შემადგენლობაშია:

ა) ორგანიზებულ დანაშაულთან ბრძოლის სამმართველო;

ბ) ნარკოტიკების უკანონო ბრუნვის წინააღმდეგ ბრძოლის სამმართველო;

გ) საგამოძიებო სამმართველო.“.

3. 10³ მუხლი ჩამოყალიბდეს შემდეგი რედაქციით:

„მუხლი 10³. აჭარის ავტონომიური რესპუბლიკის მთავარი სამმართველოს კომპეტენცია

აჭარის ავტონომიური რესპუბლიკის მთავარი სამმართველოს კომპეტენციაა:

ა) ნარკოტიკული საშუალებების უკანონო ბრუნვის წინააღმდეგ ბრძოლა, სისხლის სამართლის კოდექსის XXXIII თავით გათვალისწინებული ნარკოტიკული დანაშაულის და, საჭიროებიდან გამომდინარე, სხვა დანაშაულის გამოძიება; ოპერატიულ-სამძებრო ღონისძიებებისა და საგამოძიებო მოქმედებების განხორციელება;

ბ) ნარკოტიკული საშუალებების უკანონო ბრუნვის წინააღმდეგ ბრძოლის მიზნით საქართველოს მიერ დადებული საერთაშორისო ხელშეკრულებებით გათვალისწინებულ პროგრამებსა და დაგეგმილ ღონისძიებებში მონაწილეობა;

გ) საქართველოში ნარკოტიკული საშუალების უკანონოდ შემოტანისა და საქართველოდან უკანონოდ გატანის ფაქტების გამოვლენა, გამოძიება და აღკვეთა;

დ) ნარკოტიკულ საშუალებებთან დაკავშირებული სამართალდარღვევის შესახებ ოპერატიული ინფორმაციის მიღება და შესაბამისი რეაგირება;

ე) ნარკოტიკული საშუალებების უკანონო ბრუნვაში ჩართულ პირებთა, მათ შორის გამსაღებელთა დადგენა და მათი დანაშაულებრივი საქმიანობის გამოვლენა;

ვ) ნარკოტიკული საშუალებების საფოსტო გზავნილებითა და ინტერნეტით, მათ შორის, მობილური აპლიკაციებით გამსაღებელთა დადგენა და მათი დანაშაულებრივი საქმიანობის გამოვლენა;

ზ) საქართველოს სისხლის სამართლის კოდექსით გათვალისწინებული ორგანიზებული დანაშაულისა და, საჭიროებიდან გამომდინარე, სხვა დანაშაულის გამოძიება, ოპერატიულ-სამძებრო ღონისძიებებისა და საგამოძიებო მოქმედებების ჩატარება;

თ) „კანონიერი ქურდების“ ან/და სხვა კრიმინალური ავტორიტეტების საქართველოში არსებული დანაშაულებრივი კავშირების გამოვლენა, მათი დანაშაულებრივი საქმიანობის და კრიმინალური იდეოლოგიის გავრცელების აღკვეთის მიზნით;

ი) „ქურდული სამყაროს“, „ქურდული სამყაროს“ წევრის, „კანონიერი ქურდის“ ან სხვა ორგანიზებული ჯგუფის, მისი ხელმძღვანელის/ლიდერის ან წევრის დანაშაულებრივი საქმიანობის, აგრეთვე მათ მიერ ჩადენილ დანაშაულში მონაწილე სხვა პირთა საქმიანობის შესახებ ინფორმაციის შეგროვებისა და ანალიზის მიზნით, ოპერატიულ-სამძებრო ღონისძიებების ჩატარება;

კ) დანაშაულებრივი დაჯგუფებებისა და ცალკეული პირების გამოვლენა, რომლებიც ჩართული არიან ადამიანით ვაჭრობაში (ტრეფიკინგი); აგრეთვე, მათი საქმიანობის მეთოდებისა და საშუალებების ოპერატიული შესწავლა და ანალიზი;

ლ) ადამიანით ვაჭრობასა (ტრეფიკინგი) და უკანონო მიგრაციასთან დაკავშირებული დანაშაულის გამოძიება;

მ) საჭიროებიდან გამომდინარე, სხვა მართლსაწინააღმდეგო ქმედების პრევენცია და აღკვეთა;

ნ) კომპეტენციას მიკუთვნებული დანაშაულების პრევენციის მიზნით, კონკრეტული ღონისძიებების დაგეგმვა და განხორციელება;

ო) მთავარ სამმართველოში შემოსული განცხადებების განხილვა და მათზე რეაგირება;

პ) საქართველოს კანონმდებლობით განსაზღვრული სხვა უფლებამოსილებების განხორციელება.“.

4. 10⁴ და 10⁵ მუხლები ამოღებულ იქნეს.