„ინფექციურ და სხვა დაავადებების განსაზღვრის შესახებ, რომელთა ხასიათმა, სიმძიმემ და ხანგრძლივობამ შეიძლება საფრთხე შეუქმნას საქართველოს მოსახლეობას და რომელიც შეიძლება გახდეს უცხოელთათვის საქართველოში ბინადრობის ნებართვის გაცემაზე უარის თქმის საფუძველი”

სახელმწიფო სარეგისტრაციო კოდი 470.230.000.22.035.009.569

საქართველოს შრომის, ჯანმრთელობისა და სოციალური დაცვის

მინისტრის ბრძანება №300/ნ

2006 წლის 14 ნოემბერი

ქ. თბილისი

ინფექციურ და სხვა დაავადებათა ჩამონათვალის განსაზღვრის შესახებ, რომელთა ხასიათმა, სიმძიმემ და ხანგრძლივობამ შეიძლება საფრთხე შეუქმნას საქართველოს მოსახლეობას და რომელიც შეიძლება გახდეს უცხოელისათვის საქართველოში ბინადრობის ნებართვის გაცემაზე უარის თქმის საფუძველი

,,უცხოელთა სამართლებრივი მდგომარეობის შესახებ“ საქართველოს კანონის 23-ე მუხლის ,,ვ“ ქვეპუნქტისა და ,,საქართველოში ბინადრობის ნებართვის მინიჭების საკითხთა განხილვა-გადაწყვეტის წესის შესახებ“ დებულების დამტკიცების თაობაზე“ საქართველოს პრეზიდენტის 2006 წლის 28 ივნისის №400 ბრძანებულების მე-2 პუნქტის საფუძველზე, ვბრძანებ:

1. განისაზღვროს ინფექციურ და სხვა დაავადებათა ჩამონათვალი (დანართი 1), რომლის ხასიათმა, სიმძიმემ და ხანგრძლივობამ შეიძლება საფრთხე შეუქმნას საქართველოს მოსახლეობას და რომელიც შეიძლება გახდეს უცხოელისათვის საქართველოში ბინადრობის ნებართვის გაცემაზე უარის თქმის საფუძველი.

2. ბრძანება ამოქმედდეს გამოქვეყნებისთანავე.

ლ. ჭიპაშვილი

დანართი 1

ინფექციურ ი და სხვა დაავადებები , რომელთა ხასიათმა , სიმძიმემ და ხანგრძლივობამ შეიძლება საფრთხე შეუქმნას საქართველოს მოსახლეობას და რომელიც შეიძლება გახდეს უცხოელისათვის საქართველოში ბინადრობის ნებართვის გაცემაზე უარის თქმის საფუძველი

დაავადების ICD-10 კოდი	დაავადების დასახელება
B20-B24	ადამიანის იმუნოდეფიციტის ვირუსით (აივ) გამოწვეული ავადმყოფობა არ იგულისხმება აივ-ვირუსით გამოწვეული უსიმპტომო ინფექციური სტატუსი Z21
A30	კეთრი _ ჰანზენის ავადმყოფობა იგულისხმება mycobacterium leprae-ით გამოწვეული ინფექცია არ იგულისხმება კეთრის შედეგები B92
A15-A19	ტუბერკულოზი იგულისხმება: ინფექციები, გამოწვეული mycobacterium tuberculosis -ით და mycobacterium bovis-ით არ იგულიხსმება: თანდაყოლილი ტუბერკულოზი (P37.0), პნევმოკონიოზი დაკავშირებული ტუბერკულოზთან (J65), ტუბერკულოზის შედეგები (B90), სილიკოტუბერკულოზი (J65)

 

სანიტარიულ-საკარანტინო კონტროლს დაქვემდებარებული საკარანტინო და სხვა ინფექციური დაავადებებისაგან საქართველოს ტერიტორიის დაცვის წესები რეგულირდება კანონმდებლობით დადგენილი წესით.