1. გამოსაწვავი ღუმლების გასუფთავებასა და რემონტზე უნდა შედგეს სამუშაოთა ორგანიზაციის პროექტი.
2. სამუშაოები გამოსაწვავი ღუმლების რემონტსა და წმენდაზე უნდა წარმოებდეს განწესდაშვებით.
3. ალიბჭეების, ღუმლებისა და საკვამლე მილების წმენდა უნდა წარმოებდეს ღუმლის სრული გაჩერების შემდეგ, როცა მასში არ იქნება გამოსაწვავი და გასაშრობი მასალები. მუშაობის დაწყებამდე უნდა განიავდეს ღუმლის ყველა უბანი და ჩატარდეს ჰაერის ანალიზი მავნე და საშიში აირების არარსებობაზე. ყველა ფანჯარა, ლიუკი და საძრომი უნდა იყოს ღია.
4. გამოსაწვავი ღუმლის შიგა ნაწილების წმენდის დაწყებამდე საჭიროა დავრწმუნდეთ ამონაგის სიმტკიცეში. გასუფთავება უნდა წარმოებდეს ღუმლის წყობის მთლიანობის დარღვევის გარეშე.
5. ღუმლის შიგნით რემონტის დროს გამოყენებულ უნდა იქნეს არა უმეტეს 12 ვ ძაბვის გადასატანი სანათები.
6. აირსატარების და საკვამლე მილების ზედა ნაწილების გასუფთავებისათვის უნდა მოეწყოს სპეციალური ხიდები, კიბეები, ბილიკები და სხვა სამარჯვები, რომლებიც უზრუნველყოფენ სამუშაოთა უსაფრთხოებას მოცემულ უბნებზე